Urkunde Nr. 1169 aus Band II

Seite im UB:

563-564 ^a)

Druckvorlage:

nach Abschrift

Abdruck als:

Volltext

Sprache:

Latein

---

1169

1382 bis 1387 Ladislaus von Losoncz, Gesandter der Königin Elisabeth, bittet den Papst um Vergünstigungen für Sächsischreen und Sage Vlby, betreffend die Umwandlung der Pfarrkirche in Sächsischreen zu einem Priorat für Augustinereremiten und der Georgskapelle daselbst zur Pfarrkirche, betreffend ferner die Befreiung von Sächsischreen und Saye Vlby von der Strafe des Interdiktes.

Confirmatio erectionis.^b)

Exponitur sanctitati vestrae pro parte humilis servuli vestri Ladislai de Lodhunk militis ex parte illustrissimae principissae Elizabeth reginae Vngariae ad pedes eiusdem sanctitatis ambassiatoris et nuncii, quod in eius villa Regen Transiluanae diocesis sunt una parochialis ecclesia sub beatae Mariae virginis et una capella sub beati Georgii nominibus dedicatae, et quod idem Ladislaus zelo piae devotionis accensus et cupiens terrena in caelestia et transitoria in aeterna felici commercio commutare de bonis sibi a deo collatis apud ipsam ecclesiam, quae cimiterium^c) et campanile habet cum campana, unam domum cum necessariis [ ]¹⁾ aedificare et insuper ad victum unius prioris et saltem VI fratrum ordinis eremitarum sancti Augustini inibi perpetue moratorum²⁾ cum sufficienti numero ministrorum sufficienter providere dictamque capellam pro uno rectore perpetuo dotare [S. 564] etiam sufficienter. Proponit ad haec, ut dicta ecclesia cum huiusmodi cimiterio campanili, campana, domibus [ ]¹⁾ et provisione dicto ordini pro²⁾ perpetuo²⁾ usu huiusmodi prioris et fratrum tradatur et in perpetuum concedatur et ecclesia ipsa amplius parochialis non existat dictaque capella in parochialem ecclesiam erigatur cum omnibus insigniis et iuribus parochialibus. Pro parte igitur ipsius Ladizlai eidem sanctitati³⁾ humiliter supplicatur, quatenus de speciali gratia sibi faciendi praemissa necnon dictis fratribus eandem ecclesiam cum aliis praedictis domo et cetera recipiendi⁴⁾ et perpetuo retinendi licentia alicuius minime requisita dignemini concedere facultatem et licentiam elargiri huiusmodi fratribus in eadem domo moraturis nihilominus de uberioris dono gratiae concedentes, ut⁵⁾ omnibus et singulis privilegiis, libertatibus, indulgentiis et immunitatibus aliis fratribus dicti ordinis quovis modo a sede apostolica concessis in omnibus et per omnia gaudeant et utantur, praefato Ladislao et eius heredibus et successoribus⁶⁾ iure patronatus ipsius capellae, postquam in parochialem ecclesiam fuerit erecta, et praesentandi rectorem ad eandem in perpetuum conservato. Cum non obstantibus et clausulis opportunis.

Quod non possit subiici interdicto.^d)
Item exponitur eidem sanctitati pro parte dicti Ladizlai, quod perceptio decimarum fructuum excrescentium infra limites dictae Regan⁷⁾ et Saye Vlby dictae diocesis ad ipsum exponentem pleno iure pertinentium ad parochiales presbyteros ipsarum villarum et non ad loci ordinarium spectat, licet dicti parochiales de huiusmodi decimis ipsi ordinario solvant certam quotam. Et quia plerumque contingit, quod dictus odinarius propter retardationem solutionis huiusmodi quotae easdem villas et earum parochiales ecclesias absque parochianorum culpa ecclesiastico subiicit interdicto in grave ipsorum parochianorum praeiudicium et gravamen, supplicat igitur eidem sanctitati praefatus Ladislaus, quatenus de speciali gratia edicto perpetuo statuere dignemini, ne⁸⁾ de cetero villae et ecclesiae praedictae ob huiusmodi retardatam solutionem subiiciantur vel subiici possint auctoritate aliqua ecclesiastico interdicto, ac decernere irritum et inane, si secus in praemissis aliquid contigerit attemptari. Cum non obstantibus et clausulis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 563, 1-8 auf S. 564.^{^}
b) Vermerk auf dem Rand.^{^}
c) UB: comiterium.^{^}
d) Ebenfalls Vermerk auf dem Rand.^{^}
[S. 563]
1) Leerer Raum, 2.5 Centimeter breit.^{^}
2) Vorlage: moratuor [Abkürzungsstriche über u und letztem r, u unterpunktet].^{^}
[S. 564]
1) Leerer Raum, 1.5 Centimeter breit.^{^}
2) Vorlage: propertuo. [2x]^{^}
3) Hierauf durchgestrichen: vestrae.^{^}
4) Hierauf durchgestrichen: praemissa necnon.^{^}
5) Vorlage: pro.^{^}
6) Hierauf: in regimine [unterpunktet].^{^}
7) Geändert aus: Regen.^{^}
8) Vorlage: ut.^{^}