Urkunde Nr. 1179 aus Band II

Seite im UB:

577-578 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

1179

1383 Mai 20 Der Kolozsmonostorer Konvent bezeugt, dass Johann von Alamor und Genossen an den Bischof Goblinus und Genossen die Besitzungen Hamlesch und Grossdorf sammt den dazu noch gehörigen andern Besitzungen abgetreten haben.

Nos conventus beatae Mariae virginis de Clusraonostra memoriae commendantes tenore praesentium significamus quibus expedit universis, quod Johanne filio Johannis filii Petri de Gyznoyo nobile de Alamor pro se et pro domina Anna genetrice sua relicta iam dicti Johannis filii Petri cum literis procuratoriis honorabilis capituli ecclesiae Transiluanae ac pro domina Margareta sorore sua contorali Johannis filii Petri quondam vicevaivodae Transiluani sine procuratoriis literis, eiusdem onus tamen et gravamen si quid aliud in infra scripta confessione per eandem sororem suam fieri contingat in se assumendo, item Johanne dicto Ermyn de praedicta Alamor et Johanne filio Michaelis de Gyznoyo praedicta familiaribus et procuratoribus praefatae dominae Annae cum praedictis literis procuratoriis coram nobis personaliter constitutis praedictus Johannes filius Johannis filii Petri pro se et pro praefatis dominabus Anna et Margareta matre et sorore suis, item praedicta domina Anna nomine procuratorio eiusdem confessi fuerunt ministerio vivae vocis, quod ipse Johannes filius Johannis filii Petri de Gyznoyo nobilis de Alamor et praefata domina Anna mater sua pro se ipsis et pro praetacta domina Margareta sorore ipsius Johannis filia vero ipsius dominae Annae omnia et singula iura eorum, quae umquam habuissent aut haberent de praesenti vel habituros se sperarent de futuro super possessiones Omlas et Nadhfalu aliasque possessiones ad easdem pertinentes spontanea¹⁾ et bona voluntate resignassent venerabili in Christo patri et domino, domino Goblino episcopo Transiluano ac domino Leoni archidiacono cathedrali et canonico ecclesiae eiusdem et Heinczmanno et Cristiano fratribus necnon dominae Katherinae, puellae Dorotheae sororibus eiusdem dommi episcopi, item puellae similiter Katherinae nuncupatae nepti eorundem domini episcopi, Leonis, Heinczmanni et Cristiani posteritatibusque eorundem universis, immo praedicti Johannes filius Johannis filii Petri de Gyznoyo nobilis de Alamor sua ac praefatarum dominarum Annae et Margaretae matris et sororis ipsius in personis ac Johannes dictus Ermyn et alter Johannes filius Michaelis de Gyznoyo in persona iam dictae dominae Annae nomine procuratorio eiusdem resignaverunt coram nobis adiicientes, quod ipsa eadem resignatio robur obtinere debeat firmitatis toto tempore per quod praedictae possessiones Omlas et Nadhfalu aliaeque possessiones ad easdem pertinentes [S. 578] per praefatum dominum episcopum et post eum per fratres et sorores et neptem eius praedictos et praedictas atque legitimus heredes et successores eorundem tentae fuerint et possessae, per quod etiam totum tempus omnia instrumenta literalia, si quae¹⁾ per praefatos Johannem filium Johannis filii Petri ac dominas Annam et Margaretam matrem et sororem eiusdem super praedictis possessionibus Omlas et Nadh[falu al]iisque possessionibus ad easdem pertinentibus habita fuerint, reddiderunt inania, cassa et frivola ac viribus caritura, immo suis exhibitoribus nocit[ura. Datum] in vigilia festi corporis Christi, anno eiusdem M^mo CCC^mo LXXX^mo tertio.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 577, 1 auf S. 578.^{^}
[S. 577]
1) Vorlage: spontanne.^{^}
[S. 578]
1) Vorlage: qua.^{^}