Urkunde Nr. 1329 aus Band III

Seite im UB:

103-107 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1329

1394 August 8 Das Weissenburger Kapitel schaltet die Urkunde des Vizewoiwoden Peter von 1394 Nr. »1322 ein und bezeugt die Besitzteilung zwischen Dionysius von Kaltwasser und Genossen einerseits sowie Michael von Bell und Genossen andererseits, betreffend Schaldorf, Salko, Unterbell, Oberbell, Engenthal, Stein, Wassid, Wyfalw, Michelsdorf, Kaltwasser, Kysfeld und Ladmesch.

Capitulum ecclesiae Albensis Transsiluanae¹⁾ omnibus Christi fidelibus praesentibus et futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas nobilis viri magistri Petri filii Georgii de Wereb vicevaivodae Transsiluani recepimus in haec verba. (Folgt die Urkunde des Vizewoiwoden Peter von 1394 Nr. »1322) Nos enim petitionibus eiusdem magistri Petri vicevaivodae annuentes una cum magistro Petro vicevaivoda nostrum hominem videlicet magistrum Johannem socium et concanonicum nostrum ad praemissa exequenda duximus transmittendum. Qui demum ad nos reversi nobis concorditer retulerunt, quod ipsi iuxta continentiam literarum eiusdem magistri Petri vicevaivodae adiudicatoriarum octavo die festi beati Jacobi apostoli²⁾ et aliis diebus ad id aptis ad facies universarum possessionum et portionum possessionariarum nobilium virorum Dionisii, Johannis, Ladislai et Stephani filiorum Nicolai de Hydegwyz, Andreae sacerdotis filii Eliae et Johannis de Baldorff³⁾ necnon Ladislai et Johannis dictorum Botus de Wezewd actorum, item Michaelis et Dionisii filiorum Akus de Bolya ac Georgii filii Thomae filii eiusdem Akus necnon Bartha filii Wyzlo de dicta Bolya in causam attractorum Saldorff praedictae, Salka,⁴⁾ Alsobolya, Felsebolya, Engodal, Sthyno, Wezed,⁴⁾ Wyfalw, Myhalfalwa, Hydegwyz, Kysfeld et Ladamas vocatarum vicinis et commetaneis ipsarum universis inibi legitime convocatis et partibus praedictis praesentibus accessissent et primo iam dictam possessionem Saldorff vocatam in duas rectas partes et aequales divisissent, quarum una recta et aequalis pars a parte septentrionali adiacens, excepta una curia quondam Eliae patris videlicet ipsius Andreae sacerdotis eidem Andreae sacerdoti et [S. 104] nobili dominae relictae eiusdem Eliae derelicta, pro qua quidem curia de portione ipsorum nobilium de Hydegwyz in eadem Saldorff habita aliam portionem eidem curiae in sua qualitate et quantitate aequipollentem eisdem filiis Akus et Bartha filio Wyzlo de Bolya assignassent, eisdem nobilibus de Bolya in divisione devenisset, altera medietate eiusdem consimiliter a plaga orientali habita simul cum curia Johannis de eadem Saldorff annotatis nobilibus de Hydegwyz remanente. Demum autem iam dictam possessionem Salko nominatam similiter in duas rectas et aequales partes divisissent, quarum duarum partium unam rectam et aequalem partem a plaga orientali situatam simul cum duabus mediis curiis in parte septentrionali ex inferiori parte plateae existentibus eisdem nobilibus de Bolya, alteram autem medietatem eiusdem consimiliter directam a dicta parte septentrionali adiacentem exceptis dictis duabus mediis curiis ad portionem praelibatorum nobilium de Bolya cessis et deventis memoratis nobilibus de Hydegwyz reliquissent et commisissent. Tandem vero praelibatam possessionem Alsobolya vocitatam per modum crucis in duas partes rectas et aequales taliter divisissent, quod septem curiae integrae ex plaga occidentali ex superiori parte villae eiusdem Alsobolya vocatae existentes cum decem et media curiis integris a plaga orientali ex inferiori parte eiusdem villae adiacentibus ac octo inquilinis seu selieris ex utraque parte ipsarum duarum plagarum commorantibus dictis nobilibus de Bolya in divisione provenissent, decem autem curias similiter integras cum media a parte orientali in superiori parte eiusdem Alsobolya appellatae existentes simul cum septem curiis integris ex inferiori parte villae a plaga occidentali situatis ac similiter octo inquilinis seu selleris ex utraque parte earundem duarum plagarum residentibus saepe fatis nobilibus de Hydegwyz possidendas commisissent. Cum autem molendinum in fine eiusdem^l) possessionis Alsobolya decurrens²⁾ dividere voluissent, tunc annotatus Michael filius Akus personaliter³⁾ inibi existendo ipsius molendini in suis domibus et curia damnum maximum se perpessum exstitisse retulisset. Cuius molendini negotium taliter disposuissent, quod si idem Michael filius Akus idem molendinum ibidem adiacere permitteret, tunc ipsae partes memoratum molendinum inter se modo simili in duas rectas et aequales partes dividere deberent, si autem ipse Michael praelibatum molendinum ibidem habere non consentiret, ex tunc in superiori parte eiusdem villae Alsobolya eaedem partes de communi expensa aliud molendinum construere et inter se aequaliter dividere tenerentur. Medietatem autem possessionis Felsebolya appellatae a parte occidentali existentem modo simili in duas rectas et aequales partes divisissent, quarum unam rectam et aequalem partem a parte possessionis Alsobolya nominatae existentem videlicet sex curias integras praenominatis nobilibus de Bolya reliquissent et commisissent, altera medietate eiusdem ex superiori parte existente ut puta similiter sex curiis integris ipsis nobilibus de Hydegwyz remanente. Ex praedictis autem sex curiis integris dictis filiis [S. 105] Akus et filio Wyzlo deventis ex eo, quod iidem filii Akus medietatem iam fatae possessionis Felsebolya vocatae ac unam curiam ex altera parte dictae villae adiacentem simul cum uno molendino in fine saepe fatae possessionis Alsobolya appellatae decurrenti pro iuribus quartalibus nobilium dominarum Susanna et Margaretha vocatarum iuxta continentiam literarum quondam magistri Thomae archidiaconi Albensis ac vicarii¹⁾ olim domini Andreae episcopi eiusdem ecclesiae in spiritualibus generalis ibidem in specie exhibitarum eisdem nobilibus dominabus extradedisse inventi fuissent et eadem medietas praeter unam curiam omnino desolata exstitisset, medietatem dictae unius curiae integrae perpetuo possidendam commisissent nobilibus de Hydegwyz ante fatis. Residuitatem autem ipsius medietatis dictae possessionis Alsobolya nunc desolatam taliter divisissent,²⁾ cuius²⁾ rectam et aequalem medietatem videlicet quinque curias integras desolatas memoratis nobilibus de Hydegwyz alteram autem medietatem ipsius consimiliter directam scilicet similiter quinque curias integras modo simili³⁾ desolatas praelibatis nobilibus de Bolya reliquissent. Deinde memoratam possessionem Engodal nominatam per latitudinem taliter divisissent, quod medietas recta et aequalis a parte orientali habita in portionem praenominatorum nobilium de Hydegwyz devenisset, altera medietate eiusdem similiter directa a parte possessionis Repafalwa nominatae existente saepe dictis nobilibus de Bolya remanente. Et quia iidem nobiles de Bolya pro iuribus nobilis dominae consortis Christiani sororis⁴⁾ ipsorum secundam dimidiam curias in eadem Engodal assignasse reperti uissent, ideo ipsi de portionibus eorundem nobilium de Bolya possessionariis in eadem Engodal existentibus aliam portionem eisdem secundae dimidiae curiis aequivalentem memoratis nobilibus de Hydegwyz assignassent. Postmodum autem possessionem Sthyno praenotatam per modum crucis modo simili in duas partes rectas et aequales divisissent ita videlicet, quod tres curiae integrae minus⁵⁾ octali ex plaga meridionali a parte villae Bolya nominatae existentes incipiendo a domo Alardi ac aliae tres curiae integrae minus octali a parte septentnonis ex parte villae Wyfalw adiacentes praenominatis nobilibus de Bolya cessissent in portionem. Item tres curiae similiter integrae minus octali a dicta parte meridionali adiacentes, incipiendo a domo Simonis ex parte villae Wezewd nominatae existentes et aliae tres curiae integrae modo simili minus octali ex plaga septentnonis a parte villae Bolya praedictae situatae memoratis nobilibus de Hydegwyz in divisione provenissent ita tamen, quod quia memorati nobiles de Hydegwyz sessiones iobagionum a superiori parte eiusdem villae Sthyno appellatae prope ecclesiam existentes nobilibus dominabus Elyzabeth Cristellini et Margaretha vocatis⁶⁾ Johannis Ceruaci consortibus pro iuribus ipsarum iuxta continentiam literarum⁷⁾ [S. 106] extradedissent, ideo ipsi de portione eorundem nobilium de Hydegwyz in dicta Sthyno existenti tres sessiones iobagionum annotatis nobilibus de Bolya assignassent. Possessionem autem Wezewd nominatam similiter in duas partes rectas et aequales divisissent, quarum unam rectam et aequalem partem a plaga orientali adiacentem scilicet undecim curias integras saepe fatis nobilibus de Hydegwyz, alteram autem medietatem eiusdem consimiliter directam a plaga occidentali situatam ut puta similiter undecim curias annotatis nobilibus de Bolya possidendas commisissent et reliquissent, exceptis tamen novem sessionibus iobagionum a curia Nicolai dicti de Selk incipiendo in duplici ordine plateae a plaga orientali usque finem ipsius villae adiacentibus memoratis nobilibus dominabus Elyzabeth et Margaretha vocatis similiter pro ipsarum iuribus per annotatos Ladislaum et Johannem Bothus secundum series literarum vestrarum extradatis. Pro quibus quidem novem sessionibus iobagionum de portione eorundem Ladislai et Johannis in dicta Wezewd habita quatuor sessiones iobagionum cum media praememoratis nobilibus de Bolya extradedissent. Possessionem vero Wyfalw saepe dictam simili modo in duas divisissent partes rectas et aequales, quarum unam rectam et aequalem partem a plaga orientali existentem scilicet decem curias integras annotatis nobilibus de Bolya reliquissent, altera medietate eiusdem consimiliter directa ex parte orientali signata¹⁾ similiter decem curias integras in se continente eisdem nobilibus de Hydegwyz remanente. Tandem possessionem Myhalfalwa vocatam per modum crucis similiter in duas partes divisissent ita videlicet, quod quinque curiae integrae a parte orientali ex superiori parte eiusdem villae existentes, in qua parte domus annotati Bartha filii Wyzlo constructa haberetur, simul cum aliis quinque curiis ex inferiori parte ipsius villae a plaga occidentali habitis, in qua parte domus Dionisii filii Akus esset situata, eisdem nobilibus de Bolya in divisione deventae exstitissent, ac quinque curias similiter integras ex dicta superiori parte ipsius villae a plaga septentrionali adiacentes simul cum aliis quinque curiis a plaga meridionali ex inferiori parte ipsius villae existentibus annotatis nobilibus de Hydegwyz possidendas commisissent. Molendinum autem in eadem Myhalfalwa decurrens ipsis nobilibus de Bolya assignassent, respectu cuius aliud molendinum in dicta Hydegwyz habitum eisdem nobilibus de eadem Hydegwyz reliquissent possidendum. Demum autem possessionem Hydegwyz saepe dictam per modum crucis in duas rectas et aequales partes divisissent ita videlicet, quod tres curias integras a plaga orientali ex parte dictae villae Wezzewd adiacentes simul cum aliis tribus curiis integris a plaga occidentali situatis, in qua parte domus Dionisii filii Nicolai de eadem Hydegwyz adiaceret, annotatis nobilibus de Bolya, et alias tres curias modo simili integras a plaga orientali in superiori parte plateae a parte villae Repafalwa vocatae situatas simul cum aliis tribus curiis integris a plaga occidentali ex inferiori parte plateae a parte villae Wezewd adiacentibus saepe fatis nobilibus de Hydegwyz assignassent. Possessionem vero Kysfeld vocatam propter desolationem eiusdem communi usui reliquissent. Postremo siquidem [S. 107] et ultimo possessionem Ladamos appellatam nunc similiter desolatam iuxta modum et formam memoratae divisionis infra diem nativitatis virginis gloriosae nunc venturum¹⁾ cum fune distributionis mensurando partibus praedictis inter se dividere commisissent. Sessiones autem dictorum nobilium de Hydegwyz et de Bolya taliter disposuissent, quod primo duas curias praefatorum Johannis de Saldorff et Andreae sacerdotis, in quibus ipsi personalem facerent residentiam, in ipsa Saldorff existentes eisdem Johanni et Andreae sacerdoti ac alias duas curias similiter integras memorati Georgii filii Thomae filii Akus et Michaelis filii eiusdem Akus in dicta Bolya situatas similiter ipsis Georgio et Michaeli necnon duas curias praelibatorum Baitha filii Wyzlo et Dionisii filii Akus in possessione Myhalfalwa habitas eisdem Bartha et Dionisio ac unam curiam praefatorum Ladislai et Johannis dictorum Bothus in Wezewd existentem ipsis Ladislao et Johanni ac duas curias modo simili integras dictorum Dionisii et Ladislai filiorum Nicolai in Hydegwyz constructas similiter eisdem de annuentia partium praedictarum commisissent et reliqnissent pacifice et quiete possidendas. Alias autem universas et quaslibet utilitates ad easdem possessiones pertinentes videlicet terras arabiles, silvas, nemora, fenilia ac quaslibet alias utilitates ipsis partibus infra dictum diem nativitatis virginis gloriosae¹⁾ inter se dividere commisissent, medio autem tempore easdem universas utilitates pro communi usu²⁾ reliqnissent contradictione ipsarum partium et aliorum quorumlibet non obstante. Datum Sabbato proximo post festum ad vincula beati Petri apostoli, anno domini millesimo CCC^mo nonagesimo quarto. Honorabilibus et discretis viris dominis Johanne praeposito, Ladislao cantore, Petro custode ac Petro archidiacono de Thorda decano canonicis ecclesiae nostrae existentibus.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 103, 1-3 auf S. 104, 1-7 auf S. 105, 1 auf S. 106, 1-2 auf S. 107 (dortige 3 zu nachfolgender Urkunde).^{^}
[S. 103]
1) Bis hierher kleine verlängerte Schrift. ^{^}
2) August 1. ^{^}
3) So Vorlage. -- Richtig: Saldorff.^{^}
4) So Vorlage [2x]. ^{^}
[S. 104]
1) Vorlage: cuiusdam.^{^}
2) Vorlage: decurren [Abkürzungssstrich über n].^{^}
3) Vorlage: p mit Abkürzungszeichen für ar oder er.^{^}
[S. 105]
1) Vorlage: vicarius.^{^}
2) So Vorlage [2x].^{^}
3) Vorlage: similiter.^{^}
4) Vorlage: sororum.^{^}
5) Fehlt in der Vorlage. ^{^}
6) Vorlage: vocatarum.^{^}
7) So Vorlage. -- Scilicet: vestrarum.^{^}
[S. 106]
1) So Vorlage. -- Richtig wohl: situata.^{^}
[S. 107]
1) September 8 [2x].^{^}
2) Vorlage: usui.^{^}