Urkunde Nr. 1625 aus Band III

Seite im UB:

470-471 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 35.

Druckvorlage:

nach Original

Abdruck als:

Volltext

Sprache:

Latein

---

1625

1408 Dezember 29 König Sigmund verleiht dem Kronstädter Distrikt das Recht, in ganz Siebenbürgen Wollstoff, Leinwand, Barchent, feinen Baumwollenstoff und die sonstigen Gattungen von Tuch nach der Elle zu verkaufen und zu kaufen, sowie mit allen andern Waren zu jeder Zeit Handel zu treiben.

Von der Kanzlei: Relatio domini Stiborii alias vaivodae.

[S]igismundus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus praesentibus pariter et futuris praesentium notitiam habituris salutem in omnium salvatore. Quoniam rex magnus super gentes suas is digne fari potest, qui de ubertatis abundantia et rerum fertilitate fidelium suorum subditorum gratulatur, et ut in pulchritudine pacis et quietis tranquillitate exsultet patria plena divitiis libertatum, eam praerogativis eximiis consuevit praedotare, proinde ad universorum tam praesentium quam futurorum notitiam harum serie volumus pervenire, quod fideles nostri providi viri Symon filius Rudlini, Franciscus filius Roboth iurati cives civitatis Brassouiensis necnon Martinus de Rosnow et Hench de Feldwar de pertinentiis et tenutis civitatis eiusdem suis et universorum civium, hospitum, mercatorum, incolarum, habitatorum, populorum et hominum civitatis eiusdem et ipsius tenutarum ac pertinentiarum nominibus et in personis nostrae maiestatis venientes in conspectum nobis curarunt declarare, quod licet universi cives, hospites, mercatores, incolae, habitatores, populi et homines civitatum, oppidorum, villarum et pertinentiarum partis nostrae Transsiluanae omnium in dicta civitate nostra Brassouiensi et ipsius pertinentiis territorioque et tenutis semper et ubique iuxta ipsorum voluntatem et libitum pannos, telam, barhanum, sindonem et alia genera pannorum tam cum integris peciis quam cum ulna mensurandi et incidendi alias etiam mercantias, cuiuscumque speciei vel maneriei existant, emendi, vendendi et commutandi liberam habeant facultatem, tamen prae- [S. 471] fatae civitates, oppida, villae, cives, hospites, mercatores, populi, habitatores et homines dictarum partium nostrarum Transsiluanarum in eorum medio memoratis Brassouiensibus et ad eos pertinentibus in emptionibus, venditionibus et commutationibus praenotatis eadem et consimili libertate uti fruique non sinerent et gaudere, venditiones, emptiones et commutationes per modum superius expressatum eis et eorum alteri facere et exercere non permittendo ac penitus prohibendo, propter quae iidem Brassouienses et ad eos pertinentes in eorum victus rerumque et bonorum acquisitione damna gravia pertulissent hactenus et paterentur de praesenti, supplicantes sibi regiae maiestatis remedium circa ea promotivum gratiose adhibere. Nos itaque perspicaci animo perpendentes, tunc thronum regalis potestatis exaltari et aerarium ipsius opulentius augmentari, cum plebem sibi subiectam libertatum praerogativis non desinit decorare, et ut praefata civitas nostra Brassouiensis et eius pertinentiae, se magis quam hactenus libertatibus sentientes insignitas,¹⁾ sicut numero ita et devotione augeantur, eisdem et eorum cuilibet hanc specialis praerogativae gratiam perpetuis futuris temporibus duraturam ex certa scientia et regiae potestatis plenitudine de consensu etiam et beneplacita voluntate serenissimae principis dominae Barbarae dei gratia reginae Hungariae et cetera contoralis nostrae praecarae praelatorumque et baronum nostrorum praematuro, digesto et ad hoc accedente consilio duximus faciendam, immo facimus praesentium per vigorem, ut annotati cives, hospites, mercatores, habitatores, incolae, populi et homines saepe fatae civitatis nostrae Brassouiensis et suarum tenutarum seu pertinentiarum pannum, telam, barhanum, sindonem et cuiusvis generis pannos cum ulnis et ad ulnam incidendo aliasque res mercantias et bona, cuiuscumque speciei et maneriei existant, in civitatibus, oppidis, villis, possessionibus, terris et tenutis dictarum partium nostrarurn Transsiluanarum diebus fori et aliis quibusvis emere, vendere et commutare absque contradictione quorumlibet tutam, liberam, securam, absolutam et omnimodam more et ad instar dictorum Transsiluanensium habeant facultatem et plenariam potestatem vigore et auctoritate praesentium mediante. In cuius rei memoriam firmitatisque perpetuae observantiam praesentes literas nostras privilegiales, pendentis et authentici sigilli nostri novi duplicis munimine roboratas eisdem Brassouiensibus duximus concedendas. Datum per manus reverendi in Christo patris domini Eberhardi episcopi Waradiensis, aulae nostrae summi cancellarii dilecti nostri et fidelis, anno domini millesimo quadringentesimo octavo, quarto Kalendas Januarii, regni autem nostri anno vigesimo. [S. 472]

<re>Von der Kanzlei: Relatio domini Stiborii vaivodae. </re>

Auf der Rückseite, von gleichzeitiger Hand: Privilegium libertatum emendi et vendendi in septem castris cum ulnis de quaqua specie.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen:1 auf S. 470, 1 auf S. 471.^{^}
[S. 470]
1) Raum für S leer gelassen.^{^}
[S. 471]
1) Vorlage: insignitos. -- Scilicet: esse.^{^}