Urkunde Nr. 1633 aus Band III

Seite im UB:

478-479

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1633

Batha 1409 Juli 15 König Sigmund bestätigt für die Stadt Klausenburg die Urkunde des Königs Ludwig I. von 1377 Nr. »1063, betreffend die Abgabenfreiheit der von Klausenburg nach Bacs, Nagyalmas und Banffihunyad reisenden Kaufleute, beziehungsweise die Abgabenpflicht in Bacs.

[S. 479] Von der Kanzlei: Propria commissio domini regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus tenore praesentium quibus expedit universis, quod fidelis noster dilectus magister Caspar notarius civitatis nostrae Coluswar vocatae sua ac universorum civium et hospitum nostrorum de eadem in personis nostrae maiestatis adiens conspectum exhibuit nobis quasdam literas quondam serenissimi principis domini Lodouici regis Hungariae patris et soceri nostri carissimi affirmatorias, sub ipsius domini Lodouici regis sigillo maiori authentico a tergo consignatas tenoris infra scripti, supplicans suo et nominibus quibus supra nostrae culmini maiestatis prece subiectiva et devota cum instantia, quatenus easdem ratas, gratas et acceptas habentes nostris literis verbotenus inseri et inscribi faciendo eisdemque¹⁾ nostrum regium consensum praebendo ex novae nostrae regiae donationis gratia speciali roborare, confirmare et ratificare dignaremur pro eisdem. Quarum tenor talis est. (Folgt die Urkunde des Königs Ludwig I. von 1377 Nr. »1063.) Unde nos supplicationibus magistri Caspar ante fati per eundem nominibus quibus supra nobis subiective oblatis pie exauditis et clementer admissis praemissas literas dicti quondam domini regis Lodouici non abrasas, non cancellatas nec in aliqua sui parte vitio caliginis²⁾ offuscatas sed mera veritatis plenitudine praepollentes quoad omnes earum continentias, clausulas et articulos ratas, gratas et acceptas habendo praesentibusque literis nostris patentibus verbotenus inseri faciendo ac eisdem nostrum regium consensum pariter et benivolum assensum praebendo de novae nostrae regiae liberalitatis antidoto et gratia speciali perpetue valituras duximus innovandas, ratificandas, confirmandas et approbandas, immo praebemus, innovamus, ratificamus, confirmamus et approbamus pro eisdem harum nostrarum vigore et testimonio literarum. Datum in Batha, feria secunda proxima post festum beatae Margarethae virginis,³⁾ anno domini millesimo quadringentesimo nono.


1) dem über der Zeile nachgetragen.^{^}
2) ini mit einem überzähligen Normalschaft.^{^}
3) Über der Zeile nachgetragen.^{^}