Urkunde Nr. 1726 aus Band III

Seite im UB:

585-587 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 26.

Druckvorlage:

nach Original

Abdruck als:

Volltext

Sprache:

Latein

---

1726

Weidenbach 1413 November 5 Das Burzenländer Kapitel bezeugt, dass Michael, Pfarrer von Weidenbach, und Genossen für die Heiligleichnamskapelle in Weidenbach unter Zustimmung des Kapitels eine Messe gestiftet haben.

Memoria etenim hominum diversis sauciatur oblivionum iaculis. Necessario igitur ea, quae in tempore fiunt et ad futurornm agnitionem derivari diliguntur, ne labente tempore homineque marcescente oblivionis succumbant¹⁾ imperio, restauro testimonii et sigilli quomodolibet aeternentur. Nos igitur Heynricus decanus capituli Brassouiensis plebanusque in Ceydino, universi quoque eiusdem decanatus ecclesiarum parochialium rectores memoriae commendando significamus tenore praesentium futuris et praesentibus quibus expedit universis, quod nobis in anno domini millesimo quadringentesimo tredecimo, dominica proxima ante festum sancti Martini confessoris,²⁾ in Widembach in ecclesia sancti Petri apostoli existentibus accesserunt nostrum conspectum personalem honorabiles et industriosi homines dominus Mychael plebanus de eadem et quaedam femina Margaretha nomine relicta quondam Petri dicti Sadeler similiter de eadem, nobis coniunctim divisimque suae vocis modulo detexere, profitentes retulerunt, quomodo ipsi maturo et digesto consilio domino inspirante de bonis a deo ipsis collatis ob reverentiam omnipotentis dei nihilominusque ob salutem animarum suarum quandam missam perpetuam in capella sacri corporis Christi in praeexpressata Widembach de novo instituere, dotare et perpetuare firmiter proposuissent, petentes nos humili precum cum instantia, ut nos ipsis in ipsorum firmo proposito in tam salubri negotio, quod nihilominus pro salvificatione omnium Cristi fidelium agitur et disponitur, consensum, favorem et confirmationis restauramen praeberemus. Nos igitur consideratis utilitatibus praemissorum negotiorum quantum cum deo possumus ipsis ferventius providere cupientes, pensantes bona singula quae fructu pacis eveniunt profutura et quam bonum quamque iucundum sic habitare fratres in unum ipsis de bonae voluntatis animo concessimus vigore praesentium mediante omnimode roborantes, ut ipsi de terris arabilibus interius describendis propositum ipsorum ducere penitus possint ad effectum. Praeterea praefati patroni signanter saepe tactus dominus Mychael plebanus loci praeallegati intense supplicando rogitavit, ut universi presbyteri capellarii³⁾ videlicet eiusdem capellae successive instituendi sub habitudine et virtutum generibus inferius expressandis regulari videantur ita, quod laudabilis sit famae, bonae conversationis, non fornicarius neque lusor, non sit in illicitis conviviis utriusque sexus hominum in domo propria aut extra, sed sit [S. 586] obediens plebano pro tunc existenti¹⁾ in licitis et honestis, immo si necessitas exposceret ad petitiones et ad requisitiones eiusdem plebani aliquando pronus sit ad celebrationem missae non tamen ex obligatione. Simili modo ad sermones faciendos habilis²⁾ sit sic tamen, ut idem se de iuribus parochialis ecclesiae nullatenus intromittere audeat videlicet de funeralibus, vigiliis, trecesimis, psalteriis, confessionibus audiendis et aliis quibuscumque ad ipsum non pertinentibus exceptis oblegiis pronis, quae ex caritatis obsequio illiccine convenienter possunt pervenire, sed sit contentus in LXXII^bus iugeribus terrarum arabilium, de quibus annis singulis habebit XXIIII aureos florenos, item specialiter sex pro mensa sua habebit iugera deputata, ut coloni praedictorum agrorum alternatim singulis annis seminabunt eidem duo iugera tritici et duo avenae. Si vero super numerum praedictum terrae arabiles ad eandem missam futuris temporibus legarentur, ex tunc duae partes pro ecclesia parochiali, reliqua autem tertia pars ad ipsam capellam redundari teneatur. Isto tamen evidenter declarato, quod praememoratus dominus Mychael plebanus ibidem collationem eiusdem capellae una cum pertinentiis suis cunctis vitae suae temporibus et ultimam in decessu pro se retinuit consequenterque ad manus domini decani capituli et plebani ibidem penitus assignavit ita, ut defensare studeant salubriterque conservant presbyterum hebdomadatim ad quatuor missas signanter feria secunda pro defunctis satis aptum. Adiungitur praemissis inter cetera, si capellanus idem in virtutibus praescriptis deviaverit et vicibus tribus per collatores pro reformatione admonitus fuerit et vitam suam in melius non emendaverit, amovendus sit talis continue, presbyter laudabilis illiccine sit collocandus, fraude et dolo penitus exclusis. In casu autem signanter quod absit, quo ipsa missa, quae pro salute omnium animarum universaliter disponitur, per manes, corruptelas et effractiones cassari videretur, ex tunc pecunia eadem censualis in modo expressando pro piis obsequiis dividi teneatur. Primo VIII floreni auri pro pannis griseis, qui in commemoratione animarum post festum omnium sanctorum immediate in Widembach dividentur pro pauperibus, item in aliis quatuor diebus animarum in qualibet unum florenum auri pro eleemosynis, missis et cera in Widembach, item duos florenos auri pro plebano et capellanis in Widembach, ut anniversarium agatur patronorum una die duntaxat annuatim, secunda videlicet feria post festum sancti Mychaelis archangeli cum vigiliis IX lectionum et missa pro defunctis, et memoria in missis habeatur annualis. Item duos florenos ante lectulum corporis Christi in Widembach pro cera, item duo floreni in auro pro cereis iuxta altare sancti Petri ibidem in lucibulo. Item unum florenum pro leprosis in Corona, item unum florenum ad hospitale in Corona. Item unum florenum pro lepretactis in Rosenaw et Ceydino. Item medium florenum pro leprosis in Mergemburg, item medium pro crucifero ibidem. Item duos florenos pro cereis in capella sacri corporis Christi in Widembach, item duos florenos de iugeribus capellario deputatis pro pauperibus in Wydembach mendicare erubescentibus amicis et alienis. Item quicumque possederit domum pro capella constructam, dabit unum [S. 587] florenum auri pro farina pro oblatis pistandis et vinum pro missis, si necessitas incumbet. No[minanterq]ue¹⁾ considerandum quod praemissa durare debent et tenebuntur, quousque ipsa missa ad plenum restaurari videatur. Quoties autem utique ipsa missa per impedimenta illicita in aresto permanserit, modus praemissus semper sit servandus. In cuius rei testimonium firmitatemque perpetuam praesentes sub appenso nostro sigillo duximus concedendas. Datum loco, anno et die praesignatis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 585, 1-2 auf S. 586, 1 auf S. 587 (dortige 2-5 zu nachfolgender Urkunde).^{^}
b) Nachtrag UB III, Seite 764 statt 1153.^{^}
c) Im UB III Abbildung dieses Siegels des Burzenländer (Kronstädter) Kapitels auf Tafel V, Bild 16; unten als »Abb. ^{^}
[S. 585]
1) Vorlage: succumbat.^{^}
2) 1413 November 5.^{^}
3) So Vorlage. ^{^}
[S. 586]
1) Vorlage: existente.^{^}
2) Vorlage: abilis.^{^}
[S. 587]
1) Loch, 0.6 Centimeter breit. - Nach o sind noch zwei Normalschäfte sichtbar.^{^}

Abb.