Urkunde Nr. 1135 aus Band II

Seite im UB:

533-534 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 9.

Druckvorlage:

nach Original

Abdruck als:

Volltext

Sprache:

Latein

---

1135

1380 Oktober 20 Das Burzenländer Kapitel verpflichtet sich gegenüber dem Kronstädter Distrikt, für Vergehungen der Geistlichen Genugthuung zu leisten und die Kapitelssitzungen in Kronstadt abzuhalten.

Universi nos Brassowiensis capituli ecclesiarum rectores damus ad memoriam significantes singulis Christi fidelibus harum notitiam habituris ex quo omnes dissensiones, lites ac iniuriae inter nos exortae iuxta deificam iustitiam nobis necnon universae provinciae fatae Brassow ad profectum, commodum et salutem merito sunt concordandae, simul ad pacem firmissimam componendae. Quare ad³⁾ praemissarum dissensionum dictae saepe provinciae compositionem eo melius faciendam simul in unum conspirati unus alium in nullo necessitatis articulo dimittendo, sed semper assistendo non coacti nec compulsi sponte animis cum deliberatis una voce fide nostra mediante firmiter promisimus ac per praesentes pollicemur cunctis et universis iudicibus, iuratis, senioribus, civibus ac quibuscumque dictae Brassow incolis nostris plebesanis, quod si quis vel qui inter nos vel de nobis ecclesiarum rectoribus contra eosdem iudices, iuratos, seniores, cives vel aliquem dictae Brassow incolam iniuriari, laborare vel minus iuste se opponere praesumeret vel praesumerent neque eisdem⁴⁾ plenam iustitiam exhibere non curaret vel curarent aut etiam mandatis domini nostri regis simul et domini nostri cardinalis non obediret vel obedirent, huius vel horum si quis vel qui fuerint malitiam, inobedientiam et iniuriam minus iuste sic excitatam viribus totis volumus compescere, reprimere et ad unguem refrenare et castigare atque omni cum iustitia et iudicio ipsis resistere et a qualibet perturbatione, si quam in [S. 534] aliquo incola Brassowiensi excitaverit vel excitaverint eundem vel eosdem emendare, ut quod a modo fidelis domini nostri regis provincia una nobiscum in pacis amoenitate perpetue valeat permanere. Insuper spondemus, ut nullas nisi in civitate Brassowiensi pro nostrorum convocatione capitulum volumus celebrare, veluti de hoc ipse dictus dominus noster cardinalis literale nobis dederat mandatum, quod venerabilis vir dominus Johannes Budensis ecclesiae praepositus sub excommunicationis poena auctoritate eiusdem domini nostri cardinalis literaliter tempore suae visitationis nobis dignoscitur confirmasse. Ad praemissorum igitur testimonium praesentem sic concessimus literam nostri sigilli pendentis robore munitam. Datum Sabato ante festum undecim milium virginum proximo, anno domini M^o CCC^o octuagesimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-4 auf S. 533 (2 aus Siegelbeschreibung -- 1 zu voranstehender Urkunde).^{^}
b) Im UB Abbildung des Siegels des Kronstädter (Burzenländer) Kapitels auf Tafel III, Bild 11, unten als »Abb. ^{^}

2) S mit Abkürzungsschleife.^{^}
3) Fehlt in der Vorlage.^{^}
4) Vorlage: hiisdem.^{^}

Abb.