Urkunde Nr. 1746 aus Band III

Seite im UB:

619-621 ^a)

Druckvorlage:

nach Original

Abdruck als:

Volltext

Sprache:

Latein

---

1746

Speyer 1414 Juli 30^b) König Sigmund befiehlt Michael Salomonis, dem Comes der Szekler, und Genossen, die Gemeinden Mettersdorf und Treppen gegenüber den Bedrohungen und Besitzstörungen seitens der Adligen von Fatendorf und Genossen zu beschützen.

Von der Kanzlei: Propria commissio domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris magnifico Michaheli Salomonis de Nadasd comiti Siculorum nostrorum et strenuo Ladislao vicevaivodae partium nostrarum Transsiluanarum vel eorum vices gerentibus salutem et gratiam. Venientes nostrae maiestatis in conspectum fideles nostri providi Andreas Rymer iudex et Nicolaus Scherer iuratus civis nostrae civitatis Bistriciensis necnon Johannes Clobis dicti similiter iudex de Nagdemeter¹⁾ in personis universorum populorum et hospitum totiusque communitatis possessionum seu villarum Nagdemeter¹⁾ praedictae et Tripping²⁾ nobis exposuerunt gravi sub querela, quod licet nobiles de Faata,³⁾ de Bachna et de Chege, vertente alias inter eosdem nostros cives et hospites ab una, parte vero ab altera praedictos nobiles occasione certarum terrarum, silvarum et pratorum ad dictas possessiones nostras Nagdemeter¹⁾ et Tripping⁴⁾ pertinentium coram quondam magnifico Stiborio praedictarum partium nostrarum vaivoda litis et quaestionis materia, literalia eorum instrumenta factum praedictarum terrarum, silvarum et pratorum tangentia octavo die festi omnium sanctorum anno domini M^o CCCC^o duodecimo elapsi⁵⁾ coram nostra personali praesentia iuxta iudicia [S. 620] riam commissionem praefati quondam Stiborii vaivodae producere debuissent tali addita conditione, quod si praefati nobiles huiusmodi literalia instrumenta coram nostra personali praesentia termino in praefixo producere et exhibere non curarent aut non possent, ex tunc idem quondam Stiborius vaivoda praedictis nobilibus facto super praemisso perpetuum silentium imponendo praedictas terras, silvas et prata dictis nostris civibus et hospitibus ad praedictas nostras possessiones Nagdemeter¹⁾ et Tripping²⁾ perpetue debuisset applicare, tamen praefati nobiles neque praedicta literalia instrumenta ipsorum tunc et deinceps coram nostra personali praesentia producere et exhibere neque a minarum impositionibus et aliis iniuriarum et impedimentorum illationibus, quibus ipsos nostros cives et hospites continuo ratione praescriptarum terrarum, silvarum et pratorum affecissent, cessare et supersedere curavissent et neque curarent de praesenti graves ipsis labores et expensas indebite generantes in praeiudicium iurium ipsorum nostrorum civium, immo verius nostrae maiestatis et damnum valde magnum. Et quia nos huiusmodi comminationes et alia impedimentorum et gravaminum genera dictos nostros cives et hospites nequaquam pati neque praemissis terris, silvis et pratis, ratione quarum iidem nostri cives et hospites nobis certos redditus et census annuos persolvisse astruuntur, privari volumus, potissime cum ex continentiis praedictarum literarum vaivodalium praescripta literalia instrumenta ut praefertur producere et exhibere per praedictos nobiles assumpsisse comperimus, quae nondum tamen producere ut fertur curavissent, igitur fidelitati vestrae et cuiuslibet vestrum firmiter praecipiendo mandamus omnino secus habere nolentes, quatenus habitis praesentibus nullo alio nostro mandato superinde exspectato praedictos nobiles ab huiusmodi comminationibus et aliis impedimentis per eos dictis nostris civibus et hospitibus inferendis cum eorum damnis et gravaminibus compescentes et retrahentes praedictos nostros cives et hospites in reali et corporali possessione et dominio praedictarum terrarum, silvarum et pratorum contra praedictos nobiles adeo protegere, conservare et manutenere debeatis, ut fide et fidelitate vestris succrescentibus praedictisque nostris mandatis debito effectui mancipatis praedicti nostri cives et hospites nostrae super his nequaquam querulari urgeantur maiestati, quodque huiusmodi quaestionis materiam de cetero per eosdem nostros cives et hospites ad nostram reduci nequaquam contingat maiestatem. Aliud prout nostra gratia favorosa uti eiusdemque indignationis poenam evitare gliscitis facere nequaquam ausuri in praemissis. Praesentes etiam post earum lecturam semper reddi iubemus praesentanti. Datum cis Renum in civitate Spirensi, feria secunda proxima post festum beati Jacobi apostoli, anno domini M^o CCCC^o quarto decimo, regnorum nostrorum anno Hungariae et cetera XXVIII, Romanorum vero quarto.

Unter dem Siegel: Propria commissio domini regis.

Auf der Rückseite, von einer Hand des 15. Jahrhunderts: Pro magno Dimetrio, Tripping contra nobiles de Fatha, Bachna et Czege. [S. 621]

Auf der Rückseite, von einer zweiten Hand des 15. Jahrhunderts: Protectionalis Sigismundi Romanorum regis data cis Renum civitate Spirensi, anno M^o. CCCC^o. XIIII^o.

Puncta notanda: Instrumenta literalia non exhibuerunt prout assumpserant quia defecerunt scrutantes scrutinio. Immo verius nostrae maiestatis in praeiudicium et damnum valde magnum et iurium nostrorum¹⁾ unde per regem est iudicandum. Nobiles compescentes, Saxones vero in reali et corporali possessione defendendo et manutenendo de mandato.^c)

Est transsumpta sub sigillo regis Wladislai. Copia huius literae habetur in papiro cum tali signo o -- o .

Sigismundi ad compescendos molestatores et iniuriatores et in dominio defendi Michaeli²⁾ de Nadasd. Datum cis Renum in Spirensi civitate.

Litera videlicet ^d)


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-5 auf S. 619, 1-2 auf S. 620, 1-2 auf S. 621.^{^}
b) Ausstellungsort im UB als: Speier.^{^}
c) Im UB in nach rechts eingerücktem Textblock.^{^}
d) Druckbild der Rückvermerke im UB unten als »Abb.^{^}
[S. 619]
1) 1443 und 1446: Naghdemeter. [2x]^{^}
2) 1443 und 1446: Thriping.^{^}
3) 1443 und 1446: Fatha.^{^}
4) 1443 und 1446: Triping.^{^}
5) 1412 November 8. ^{^}
[S. 620]
1) 1443 und 1446: Naghdemeter.^{^}
2) 1443 und 1446: Triping.^{^}
[S. 621]
1) Vorlage: nostrarum.^{^}
2) Vorlage: Mich [Abkürzungsstrich über Wortende].^{^}

Abb.