Urkunde Nr. 1750 aus Band III

Seite im UB:

626-628 ^a)

Druckvorlage:

nach Original

Abdruck als:

Volltext

Sprache:

Latein

---

1750

Speyer 1414 Juli 31^b) König Sigmund befreit den Bistritzer Distrikt von der Steuerpflicht für wüst liegende Sessionen und Ländereien.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae et cetera rex memoriae commendamus per praesentes, quod quia regiam decet excellentiam circa subiectorum commoda augmentanda diligenter invigilare et praesertim eorum,²⁾ quos sibi et sacrae coronae regiae non sine dispendiosis personarum casibus et gravibus expensarum oneribus conspexerit³⁾ tam indesinenter quam fideliter adhaesisse, ideo nos consideratis⁴⁾ praeclaris fidelitatibus et sinceris complacentiis per fideles nostros dilectos providos iudices, iuratos cives et seniores necnon hospites incolas totamque communitatem civitatis, sedis et districtus seu provinciae Bistriciensis earundemque⁵⁾ pertinentiarum partium nostrarum Transsiluanarum nostrae culmini maiestatis fideliter et constanter temporibus opportunis exhibitis, [S. 627] potissime supplicationibus per providos Andream Rymer iudicem ac Nicolaum Scherer iuratum civem civitatis Bistriciensis et Johannem Clobis cognominatos iudicem de Nagdemeter in eorum et iudicum, iuratorum civium et seniornm ac communitatis civitatis, sedis, districtus et provinciae Bistriciensis praedictorum¹⁾ pertinentiarumque ipsorum¹⁾ personis nostrae maiestati, praemissas eorum fidelitates et laudis praeconio attollenda obsequia in nostri memoriam revocando, humiliter subiectiveque oblatis benigne inclinati volentes ad praesens, prout in posterum largius intendimus, nostram benivolentiam eis munifice demonstrando commodo eorum et utilitati regia liberalitate providere, dis[cerni]mus, [statu]imus et praesentibus inviolabiliter observandum statuendo stabilimus, ut exactores collectarum, proventuum et verorum censuum nostrorum regalium nobis et fisco nostro regio tamquam regi Hungariae e medi[o earundem partium]²⁾ provenire solitorum et debentium pro tempore constituti sessiones desertas et habitatoribus destitutas necnon terras arabiles seu iugera terrarum inculta seu sterilia, quae pro tempore ab hominibus in eorum medi[o no]n in[habita]rentur nec colerentur, ratione et praetextu collectarum, censuum et proventuum nostrorum regalium praedictorum dicare aut ab eisdem sessionibus desertis et terris sterilibus et incultis huiusmodi collectas, proventus et census nostros regales exigere nequaquam debeant neque praesumant modo aliquali, sed ipsas et eadem inter alias sessiones habitatoribus fulcitas ac terras arabiles cultas ratione et praetextu huiusmodi collectarum, proventuum et censuum nostrorum regalium dicari solitas nullatenus connumerando abs qualibet praedictorum collectarum, proventuum et censuum nostrorum exactione simpliciter pertransire et relinquere teneantur³⁾ harum nostrarum vigore et testimonio literarum mediante. Quocirca vobis fidelibus nostris universis et singulis exactoribus verarum collectarum aut censuum seu proventuum de medio praedictorum iudicum, iuratorum civium et seniorum necnon hospitum incolarum et communitatis civitatis, sedis et districtus seu provinciae Bistriciensis pertinentiarumque eorundem nobis ut praemittitur provenire solitorum et debentium pro tempore constitutis firmo regio sub edicto districte praecipimus et nequaquam secus habere volentes mandamus, quatenus a modo et in antea temporibus semper affuturis supra nominatas sessiones, terras arabiles, quae desertae, inhabitabiles, incultae et steriles nunc et in futurum essent vel fuerint, tempore dicationis supra scriptorum collectarum seu proventuum et censuum nostrorum regalium praedictis sessionibus habitatoribus fulcitis et terris arabilibus cultis connumerare seu computare aut ab eisdem seu praetextu huiusmodi sessionum desertarum ac terrarum sterilium et incultarum huiuscemodi collectas et proventus seu census nostros regales aliquatenus petere seu exigere aut exigi facere nequaquam praesumatis nec, prout nostrae gravissimae indignationis poenam evitare cupitis, sitis ausi modo aliquali. Praesentes etiam, quibus propter viarum⁴⁾ longi- [S. 628] tudinem et uberiorem conservationem sigillum nostrum, quo veluti rex Hungariae utimur, appensum est, post earum lecturam semper in exhibentis manibus volumus remanere. Datum cis Renum in civitate Spyrensi, feria tertia proxima post festum beati Jacobi apostoli, anno domini M^o CCCC^o quarto decimo, regnorum nostrorum anno Hungariae et cetera XXVIII^o, Romanorum vero quarto.

<re>Von der Kanzlei: Commissio propria domini regis. </re>

Auf der Rückseite, von einer Hand des 15. Jahrhunderts: Pro non solvendo censu regio de terris et locis desertis districtus.

Auf der Rückseite, von neuzeitlicher Hand: Wegen Gerotzel, das keine Contribution soll dafür gegeben werden.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-5 auf S. 626 (1 zu voranstehender Urkunde), 1-4 auf S. 627.^{^}
b) Ausstellungsort im UB als: Speier.^{^}
[S. 626]
2) Vorlage: hiis.^{^}
3) Vorlage: conspex[ue]rint.^{^}
4) Fehlt in der Vorlage. ^{^}
5) So Vorlage. ^{^}
[S. 627]
1) So Vorlage. [2x]^{^}
2) Loch. -- p mit Abkürzungszeichen für ar ist zu erkennen am Rande des Loches. ^{^}
3) Vorlage: tenantur.^{^}
4) Vorlage: vrar [Abkürzungssstriche über Wortanfang und Wortende].^{^}