Urkunde Nr. 1752 aus Band III

Seite im UB:

630-631 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 47.

Druckvorlage:

nach Original

Abdruck als:

Volltext

Sprache:

Latein

---

1752

Koblenz 1414 August 29 König Sigmund beauftragt den Graner Erzbischof Johann, den Vikar des Königs, mit der Wiedereinsetzung Anthonius', des Sohnes Michael Sandors von Kronstadt, und Genossen in den Besitz von Zernescht, Tohan, Neudorf und Hopsifen, und mit der Schadloshaltung des genannten Anthonius und Genossen gegenüber dem Comes der Szekler Michael.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fideli nostro devoto dilecto reverendissimo in Christo patri domino Johanni archiepiscopo Strigoniensi, aulae nostrae Romanae summo cancellario et vicario generali in eodem regno nostro Hungariae per nos constituto salutem et gratiam. Reverendissime pater, fidelis nobis devote et sincere dilecte. Auditis et perceptis querimoniis³⁾ per fidelem nostrum providum Anthonium filium Michaelis dicti Sandor de Brassouia sua necnon domini Thomae plebani de eadem ac filiorum fratrum eiusdem domini Thomae plebani, Nicolai nepotis quondam Nicolai de Fekethehalm et Nicolai⁴⁾ filii sui in personis nobis voce gemebunda contra fidelem nostrum dilectum magnificum Michaelem Salomonis de Nadasd comitem Siculorum nostrorum porrectis et in nostrae audientiam maiestatis deductis scripsimus eidem Michaeli comiti Siculorum nostrorum vigore aliarum literarum nostrarum super factis et causis in eisdem expressatis, prout in eisdem literis nostris cum praesentibus paternitati⁵⁾ vestrae⁵⁾ reverendissimae⁵⁾ exhibendis lucu- [S. 631] lenter videbitis contineri. Quocirca eandem vestram¹⁾ paternitatem¹⁾ reverendissimam¹⁾ ex firmata nostrae maiestatis intentione attente requirimus firmiter committentes, quatenus si et in quantum per praefatum comitem Siculorum nostrorum ea, quae vigore praedictarum aliarum literarum nostrarum eidem mandavimus, iuxta earundem contenta ex literis fidelium nostrorum capituli ecclesiae Transsiluanae et egregii Ladislai vicevaivodae partium nostrarum Transsiluanarum superinde vestrae²⁾ reverendissimae²⁾ paternitati²⁾ exhibendis minime debito effectui mancipata fore agnoveritis, ex tunc possessiones Zarna, Tuhan, Wyfalu et Komlos nuncupatas, per ipsum comitem occupatas simul cum omnibus earum utilitatibus et pertinentiis iuxta contenta ipsarum aliarum literarum nostrarum ipsi Anthonio et praedictis aliis restituendo eosdemque in eisdem contra praefatum Michaelem comitem Siculorum nostrorum et quoslibet alios illegitimos impetitores protegendo et manutenendo super damnis et quibusdam pecuniarum summis in eisdem aliis literis nostris luculenter declaratis eidem Anthonio et praedictis aliis tam meram et sufficientem satisfactionem favore, odio et amore quibuslibet postergatis impendere et exhibere debeatis, ut iidem querulantes amplius laboribus et expensis fatigati nostrae maiestatis aures in antea nullatenus cogantur propulsare, quodque huiusmodi quaestionis materiam ad nos reduci non contingat modo aliquali. Datum Confluenciae cis Renum, in festo decollationis beati Johannis baptistae, anno domini millesimo quadringentesimo quarto decimo, regnorum nostrorum anno Hungariae et cetera XXVIII, Romanorum vero quarto.

Unter dem Siegel: Commissio propria domini regis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-5 auf S. 630 (1-2 zu voranstehender Urkunde Nr. »1751), 1-2 auf S. 631.^{^}
[S. 630]
1) So Theiner a. a. 0.^{^}
2) Pergament mit dem Anfange der Textzeile abgeschnitten. ^{^}
3) Vorlage: queremoniis.^{^}
4) So Vorlage. -- Richtig wahrscheinlich: Petri. Vergleiche die Nrr. »1733, »1741. ^{^}
5) Vorlage: p. v. r. [3x]^{^}
[S. 631]
1) Vorlage: v. p. r. [3x]^{^}
2) Vorlage: v. r. p. [3x]^{^}