Urkunde Nr. 598 aus Band II

Seite im UB:

16-17

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

598

1344 März 17 Das Weissenburger Kapitel bezeugt die Teilung zwischen Nikolaus von Durles einerseits und Demetrius und Jakob von Zuckmantel andererseits, betreffend Durles und die Hälfte von Babucz, beziehungsweise Zuckmantel, Egrest, Pipe, Olahzsakod und die Hälfte der Kleinkender Abgaben.

Nos capitulum ecclesiae Transsiluanae significamus tenore praesentium quibus expedit universis, quod Nicolaus filius quondam Symonis bani de Darlaz ab una ac Demetrius et Jacobus filii eiusdem Symonis bani de Chekmantul nobiles parte ab altera coram nobis personaliter constituti dixerunt et confessi exstiterunt oraculo vivae vocis, quod ipsi pari voluntate et communi consensu in possessionibus eorum infra scriptis divisionem inter se celebrassent et fecissent isto modo, quod possessio Darlaz ante dicta in comitatu de Kykillew existens cum omnibus utilitatibus suis et pertinentiis universis sub metis et terminis antiquis et etiam dimidietas possessionis Bobuch vocatae in comitatu de Doboka existentis eodem modo cum omnibus utilitatibus ad ipsam dimidie- [S. 17] tatem cedentibus cessissent ae deductae et devolutae essent Nicolao filio Symonis bani supra dicto perpetuo et irrevocabiliter possidendae et habendae, et e converso possessiones Chekmantul, Egrestew, Pype et Sakud vocatae in dicto comitatu de Kykillew existentes similiter cum omnibus utilitatibus earum et etiam cum dimidietate tributi de Kendhyd remansissent et devolutae essent Demetrio et Jacobo filiis Symonis bani supra dictis perpetuo possidendae pariter et habendae, prout huiusmodi divisionem partes praedictae inter se fecisse dixerunt et confessae fuerunt coram nobis. Et super eadem divisione literas nostras dari postularunt, quas nos duximus concedendas, promittentes, ut quandocumque ad nos fuerint reportatae secundum tenorem earum nostrum privilegium concedemus. Datum in octavis medii quadragesimae, anno domini millesimo CCC^mo quadragesimo quarto.