Urkunde Nr. 982 aus Band II

Seite im UB:

377-378

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

982

Thorenburg 1372 April 19 Emerich, Woiwode von Siebenbürgen, bestätigt die Urkunde des Vizewoiwoden Peter von 1367 Nr. »902 mit der Urkunde des Kolozsmonostorer Konventes von 1367 Nr. »901 enthaltend die Urkunde desselben Vizewoiwoden von 1367 Nr. »897, betreffend den Grenzstreit zwischen dem Weissenburger Kapitel und Donnersmarkt.

[S. 378] Nos Emiricus vaivoda Transsiluanus et comes de Zonuk memoriae commendantes tenore praesentium significamus quibus expedit universis, quod cum nos de regio edicto universitati nobilium et alterius cuiusvis status et conditionis hominum pro compescendis malefactoribus et uni cuique iustitia impendenda ad octavas festi Passcae domini¹⁾ congregationem generalem Tordae celebrandam proclamari fecissemus, denique termino ipsius congregationis nostrae occurrente universis nobilibus septem comitatuum dictae partis Transsiluanae ac alterius cuiusvis status et conditionis hominibus eiusdem partis ad dictam congregationem nostram convenientibus et confluentibus iudicibusque nobilium ac iuratis assessoribus per eosdem nobiles de praedictis septem comitatibus more solito nobis assignatis, cum nos una cum eisdem iudiciario pro tribunali sedissemus et unius cuiusque causantis lites et iurgia iusto deliberationis examine pandere coepissemus, inter alios causidicos honorandi²⁾ et discreti viri domini Ladislaus filius quondam Lorandi vaivodae, de Doboka et Petrus de Kulus archidiaconus suis et ceterorum dominorum de capitulo ecclesiae Albensis Transsiluanae personis ad nostram accedentes praesentiam quasdam literas privilegiales quondam nobilis viri Petri vicevaivodae Transsiluani bonae memoriae formam suae definitivae³⁾ sententiae in facto erectionis metarum possessionis eiusdem capituli Chergeud vocatae a parte villae Monera vocatae possessionis videlicet abbatis de Egrus inter ipsum capitulum ab una et inter eosdem videlicet abbatem de Egrus et populos de Monera praedicta latae continentes tenoris subsequentis nobis praesentarunt, petentes nos diligenti cum instantia, ut easdem nostra auctoritate iudiciaria acceptando, approbando et ratificando propter maioris iuris cautelam literis nostris privilegialibus inseri sigilloque nostro authentico roborari et consignari faceremus. Quarum tenor talis est. (Folgt die Urkunde des Vizewoiwoden Peter von 1367 Nr. »902 mit der Urkunde des Kolozsmonostorer Konventes von 1367 Nr. »901 enthaltend die Urkunde des Vizewoiwoden Peter Nr. »897 aus demselben Jahr.) Nos itaque iuridicis petitionibus ipsorum dominorum Ladislai et Petri archidiaconorum in suis et eorundem dominorum de capitulo personis nobis porrectis favore debito inclinati praedictas literas privilegiales ipsius Petri vicevaivodae in facto distinctionis et errectionis metarum praefatae possessionis Chergeud nuncupatae rite et legitime emanatas fore cognoscentes praesentibus literis nostris privilegialibus de verbo ad verbum [ ]⁴⁾ suo tenore praesentium patrocinio perpetuo valere confirmamus. Datum sedecimo die congregationis nostrae praenotatae, in loco memorato, anno domini M^mo CCC^mo LXX^mo s[ecundo].


1) April 4.^{^}
2) Vorlage: honor [Strich über or].^{^}
3) Vorlage: diffinitivae.^{^}
4) Loch, 11.5 Centimeter breit.^{^}