Urkunde Nr. 1095 aus Band II

Seite im UB:

491-492

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 38.

Druckvorlage:

nach Original

Abdruck als:

Volltext

Sprache:

Latein

---

1095

Burg Regecz 1378 Juni 20 König Ludwig I. bestimmt, dass die Kaufleute aus Kaschau und den andern ungarischen Städten ausserhalb der Zeit der Jahrmärkte in Siebenbürgen nur Klausenburg, Bistritz, Grossenyed, Thorenburg und Hermannstadt mit ihren Waaren besuchen und Tuch nur im Stück feilbieten dürfen.

Nos Lodouicus dei gratia rex Hungariae, Poloniae, Dalmaciae et cetera notum facimus universis praesentes literas inspecturis, quod dum [S. 492] fideles cives et mercatores nostri Saxones septem sedium partis Transsiluanae et de Closvar missis Petro dicto Fofenhenol, Friderico et Stephane civibus de Cybinio eorom nunciis nostrae in eo conquesti fuissent maiestati, ut mercatores de Cassa et alii ab ista parte silvae existentes singula fora eorum et villas cum mercimoniis suis pergirando circuirent ibique eadem venditioni exponerent, per quod ipsorum lucra et questus reportarent universos, nosque auditis eorum querelis volentes commodo et utilitati dictorum mercatorum utrobique degentium, ut ex suscepti regiminis nostri officio tenemur, intendere fideles nostros mercatores certos de Cassa ad nostri evocassemus praesentiam, ipsi nihilominus Johannem Bogul et Petrum magnum consocios¹⁾ eorum in nostri conspectom destinassent recepturos finem de praemissis iuxta nostram deliberativam sententiam, tandem partibus praemissis praesentibus et eis benigne acceptantibus infra scriptum modum inter annotatos mercatores duximus ordinando limitandum, quod iam dicti mercatores de Cassa et de aliis civitatibus ab ista parte silvae existentes ad civitates subnominandas videlicet Clusuar, Biztriciam, Albam, Egentin, Tordam et ultimo ad Cybinium et non alias cum suis mercantiis transire valeant et eas permstrare. In quarum singulis et foris earundem dictas mercantias suas pannos scilicet cum peciis et non cum ulnis aperiendi, vendendi, religandi et ad aliam praedictarum civitatum deferendi tutam, liberam et absolutam habeant facultatem excepto, ut ultimate in Cybinium nequaquam ne ulterius in septem sedibus possint accedere cum mercimoniis praelibatis nec montanas nostras in eisdem partibus existentes attemptent visitare salvo duntaxat, quod iidem mercatores de Cassa et alii ad singulas nundinas seu fora annualia libere et privilegiate sed non dedicationes ecclesiarum omnia etiam fora et villas Siculorum nostrorum cum suis mercantiis procedant tute, libere et expedite. Praesentes etiam sub magno nostro sigillo dari faciemus, dum nobis fuerint reportatae. Datum in castro Regech, die dominico proximo post festum corporis Christi, anno eiusdem M^o. CCC^o. LXX^o octavo.

Unter dem Siegel: Propria commissio domini regis.


1) Vorlage: consocios [Abkürzungsstrich über ios]. Abkürzungsstrich durchgestrichen.^{^}