Urkunde Nr. 1098 aus Band II

Seite im UB:

496-497 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1098

1378 Juli 14 König Ludwig I. bekräftigt seine Urkunde von 1370 Nr. »945, betreffend die durch die Stadt Klausenburg von Adligen und sonstigen Leuten angekauften beziehungsweise anzukaufenden Ländereien und Besitzanteile.

[L]odouicus¹⁾ dei gratia Hungariae, Poloniae, Dalmaciae,²⁾ Crouaciae, Ramae, Seruiae, Galliciae, Lodomeriae, Comaniae Bulgariaeque rex, princeps Sallernitanus et honoris montis sancti Angeli dominus omnibus Christi fidelibus praesentibus pariter et futuris praesentium notitiam habituris salutem in omnium salvatore. Cum a nobis petitur quod iustum et honestum est, maiestatem regiam decet facilem praebere consensum in his praesertim, quae videntur suorum subditorum commodis utiliter convenire. Proinde ad universorum notitiam harum serie volumus pervenire, quod fideles nostri Nicolaus plebanus et Nicolaus filius Thomae iudex civitatis nostrae Cluswar in personis universorum civium et hospitum nostrorum de dicta Cluswar in nostrae serenitatis venientes praesentiam exhibuerunt nobis quasdam literas nostras patentes maiori et novo sigillo nostro consignatas tenoris infra scripti, supplicantes nostro culmini regio humili precum cum³⁾ instantia, ut easdem literas nostras de verbo ad verbum praesentibus inseri faciendo easdemque ratas et acceptas habendo pro ipsis civibus et hospitibus nostris necnon tota communitate eiusdem civitatis nostrae eorumdemque posteritatibus et successoribus universis nostro dignaremur privilegio confirmare. Quarum tenor talis est. (Folgt die Urkunde des Königs Ludwig I. von 1370 Nr. »945.) Nos igitur humillimis et devotis supplicationibus praefatorum domini Nicolai plebani et Nicolai iudicis nominibus quibus supra nostrae humiliter porrectis maiestati regia benignitate inclinati praefatas literas nostras de verbo ad verbum sine augmento et diminutione praesentibus insertas acceptamus, approbamus et ratificamus, pro eisdemque civibus et hospitibus nostris ac tota communitate dictae civitatis nostrae Cluswariensis eorundemque posteritatibus et successoribus universis quoad omnes sui continentias et clausulas perpetuo valituras confirmamus praesentium patrocinio mediante sine tamen praeiudicio iuris alieni. In cuius rei memoriam firmilatemque perpetuam praesentes concessimus literas nostras privilegiales pendentis et authentici sigilli nostri novi duplicis munimine roboratas. Datum per manus venerabilis in Christo patris et domini, domini Demetrii episcopi Zagrabyensis aulae nostrae vicecancellarii dilecti et fidelis nostri, anno domini millesimo trecentesimo septuagesimo octavo, secundo Idus mensis Julii, regni autem nostri anno tricesimo septimo. Venerabilibus in Christo patribus dominis fratre Stephano Colocensi sacrae [S. 497] paginae magistro, Petro Jadrensi, Vgulino Spalatensi et Vgone Ragusiensi archiepiscopis, Emerico Agriensi eodemque Demetrio Zagrabyensi, Gublino Transsiluanensi, Valentino Quinqueecclesiensi decretorum doctore, Ladizlao Waradiensi, Gillermo Jauriensi, Petro Wessprimiensi, Paulo Chanadyensi, fratre Dominico Boznensi, Petro Wachyensi, Johanne Syrimiensi, fratre Dominico Nitriensi, Paulo Tyniniensi, Demetrio Nonensi, Grisogono Trauguriensi, Matheo Sybicinensi, Stephano Pharensi, Jacobo Makarensi, Thoma Carbauiensi et Portiua Seniensi ecclesiarum episcopis ecclesias dei feliciter gubernantibus, Strigoniensi sede vacante. Magnificis viris Nicolao de Gara regni nostri palatino et iudice Comanorum, Ladizlao vaivoda Transsiluano, comite Jacobo de Scepus iudice curiae et universarum civitatum nostrarum, Nicolao de Zeech Dalmaciae et Croaciae, Petro Zudor totius regni nostri Sclauoniae et Johanne de Machou banis, Georgio Zudor pincernarum, Stephano similiter Zudor ianitorum, Paulo de Lizkow dapiferorum, Stephano agasonum nostrorum magistris, honore comitatus Posoniensis vacante aliisque quampluribus regni nostri comitatus¹⁾ tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 496, 1 auf S. 497 (dortige 2-4 zu nachfolgender Urkunde).^{^}
[S. 496]
1) Raum für L leer gelassen.^{^}
2) Hungariae Poloniae Dalmaciae in verlängerte Schrift.^{^}
3) Fehlt in der Vorlage.^{^}
[S. 497]
1) Fehlt in der Vorlage.^{^}