Urkunde Nr. 2587 aus Band V

Seite im UB:

200-201

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1844.

Druckvorlage:

nach Original

Abdruck als:

Volltext

Sprache:

Latein

---

2587

Kronstadt 1447 Juni 7 Der öffentliche Notar Nikolaus Thoscha schaltet die Urkunde des Burzenländer Kapitels von 1380 Nr. »1135 ein, betreffend das Verhältnis des Kapitels zum Kronstädter Distrikt.

In nomine domini amen. Per hoc praesens publicum instrumentum cunctis pateat evidenter et sit notum, quod anno salutifere nativitatis eiusdem millesimo quadringentesimo quadragesimo septimo, indictione decima, die vero [S. 201] Mercurii, que fuit septima mensis Junii, infra missarum solempnia vel quasi in ambitu dotis viridarii opidi Braschouiensis Strigoniensis iurisdictionis ac sanctissimi in Christo patris domini Nicolai papae quinti, anno eius coronationis primo, in mei notarii publici subscripti testiumque infrascriptorum praesentia providus ac circumspectus vir Petrus Reuel, iudex, et universi iurati consules opidi predicti per modum protestationis sua significatione monstrarunt producentes certas literas patentes non abrasas nec cancellatas, et pro rursus omni suspitionis vicio carentes, quarum robur¹⁾ sane datur intelligi pendenti cum sigillo honorabilis capituli particularis sedis Braschouiensis in quo lucide apparet sculptura duarum ymaginum parte in superiori, inferius vero ymago suis in latoribus tenens formam duorum clipeorum²⁾ cum reliqua scriptura circumquaque sub tali tenore: sigillum capituli de Brascho. Quarum quidem literarum patentium tenor sequitur per omnia et est talis (Folgt die Urkunde des Burzenländer Kapitels von 1380 Nr. »1135). Tandemque productis perlectis et sane perceptis literis annotatis supra scripti iudex et iurati consules maturis consiliis praehabitis propter diversas causas et negotia sepius occurentia decreverunt implorando requirere me notarium publicum infrascriptum, ut inserendo³⁾ transsumerem literas predictas in formam instrumenti publici vel instrumentorum publicorum et ipsis dare et concedere deberent iuris⁴⁾ uberiorem eorum ob cautelam. Quod et feci officio meo id exigente et requirente salvo nichilominus addendi, minuendi, mutandi, corrigendi prout iura admittunt et requirunt. Acta sunt hec et facta anno, indictione, die, mense, hora, loco et pontificatu quibus supra, praesentibus ibidem honorabilibus et discretis viris Blasio artium liberalium magistro, Laurencio consimiliter artium liberalium magistro, Anthonio Wall artium⁵⁾ baccalaureo, Petro Bvngner diocesium Strigoniensis et Transsiluanensis presbiteris et laicis testibus fide dignis et aliis quam pluribus ad praemissa audienda vocatis specialiter et rogatis.

Notarzeichen. Et ego Nicolaus Thoscha de Prasmar diocesis Strigoniensis clericus sacra imperiali auctoritate notarius publicus quia praemissis requisitioni, protestationi, transsumptioni, inserationi, petitioni aliisque omnibus et singulis dum sic ut praemittitur fierent et agerentur una cum praenominatis testibus praesens interfui eaque omnia et singula sic fieri vidi et audivi. Ideo hoc praesens publicum instrumentum fideliter scriptum exinde manu mea propria confeci, notavi, publicavi et in hanc publicam formam redegi, signoque et nomine meis solitis et consuetis diligenter consignavi rogatus et requisitus in fidem et testimonium omnium et singulorum praemissorum.


1) Vorlage robor. Zweites Original o in u gebessert.^{^}
2) Vorlage clipiorum.^{^}
3) Fehlt im ersten Original.^{^}
4) Hierauf zweites Original eorundem ob. ^{^}
5) Fehlt im zweiten Original.^{^}