Urkunde Nr. 1152 aus Band II
- Seite im UB:
- 548-549
- Heute in:
- Budapest, Ungarisches Landesarchiv [Magyar Országos Levéltár]
- Druckvorlage:
- nach Original
- Abdruck als:
- Volltext
- Sprache:
- Latein
1152
Hermannstadt 1382 Januar 3 Die sieben Stühle bezeugen, dass die Gemeinde Schönberg an Comes Johann von Agnethlen einen Teil von Fetendorf im Tausch gegen den vierten Teil einer Mühle in Schönberg rechtskräftig und zu vollem Besitz abgetreten hat. Orig. Perg. Ungar. Landesarchiv Budapest. Siegel, weisses Wachs, an grüner Seidenschnur angehängt, derselbe Stempel wie Nr.
»976. [Ebd. Abb.] Die Urkunde ist von demselben Schreiber geschrieben wie Nr.
»1131.
Nos universitas provincialium septem sedium partis Transsiluanae harum serie recognoscimus quibus expedit universis memoriae commendantes, quod comes Johannes de valle Agnetis quoddam cambium fecit cum communitate populorum de Pulchro monte ita, quod ipsi populi praedicto comiti Johanni quandam partem terrae seu territorii in vulgari Vetendorf nuncupatam dederunt et libere resignaverunt pro quarta parte unius molendini in territorio Pulchri montis situati, quae vero quarta pars per comitem Michaelem de Pulchro monte iure hereditario sibi ex parte suae uxoris dignoscebatur fore devoluta, super qua vero permutatione et cambio literae nostrae privilegiales septem sedium pendenti sub sigillo tempore comitis Laurencii de Ruffo monte et comitis Stephani de Schellenberk efficaciter fuerunt emanatae, quod fide et conscientia mediante attestamur tali conditione, quod praedicti homines de Pulchro monte comiti Johanni supra dicto possidendi, tenendi et habendi, vendendi, permutandi seu in usus [S. 549] suos quoslibet convertendi praedictam partem terrae in filios filiorum et posteros suos universos liberam dederunt facultatem omni contradictione, impetitione, occupatione seu impedimento quorumlibet procul motis. In cuius rei testimonium praesentes literas nostras testimoniales ipsi comiti Johanni praenotato concessimus pendenti sub sigillo septem sedium veridice roboratas. Datum Cybinii, feria sexta proxima post festum circumcisionis, generali nostra in congregatione, anno domini millesimo trecentesimo octuagesimo secundo.