Urkunde Nr. 1156 aus Band II

Seite im UB:

552-554 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 48.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1156

Hermannstadt 1382 März 7 Die sieben Stühle bezeugen, dass für Goblinus, den Bischof von Siebenbürgen, und seine Geschwister die Grenzbegehung von Konradsdorf stattgefunden hat, vorbehaltlich der den Einwohnern von Konradsdorf betreffs der Waldungen und der Gewohnheiten der sieben Stühle zustehenden Rechte und vorbehaltlich der Verpflichtung dieser Einwohner zu einer an die sieben Stühle zu zahlenden Abgabe. [S. 553]

In nomine sanctae et individuae trinitatis Amen. Cum tempus est numerus et mensura motus rerum mutabilium et actus humani qui fiunt in tempore ab hominum memoria faciliter decidant et vacillent nisi literarum munitionibus et testium honorandorum productionibus firmiter roborantur.¹⁾ Igitur nosiudices, seniores, cives ac provincialium universitas de septem sedibus provinciae Cybiniensis partis Transiluanae memoriae commendantes tenore praesentium praesentibus et futuris quibus expedit universis, quod cum serenissimus princeps et dominus noster, dominus Lodouicus rex Hungariae, Poloniae, Dalmaciae et cetera, dominus noster naturalis verus ac gratiosissimus nobis per literas suas regias dedisset in mandatis, ut nos territorium possessionis venerabilis in Christo patris et domini, domini Goblini dei et apostolicae sedis gratia episcopi Transiluani ac fratrum et sororum ipsius villae Chonradi vocatae de novo reambulare et per novarum metarum erectionem ab omnibus aliis territoriis, confinibus et commetaneis iusto modo distinguere et distinctum eidem villae Chonradi appiicare et statuere deberemus. Nos eidem mandato regio reverenter ut tenemur obtemperare concupientes providos et honestos viros seniores nostros comites Yanusch de Cybinio, Andream de Burgperg, Nicolaum de Ruffo monte, Johannem de sancta Agatha iudices regios, item comitem Georgium de Dalheym, item Nicolaum de Fychyn villicum civitatis Cybiniensis, Johannem Servacii civem de eadem, item Heyne villicum de Helta, Hencz Tu°sentschon villicum de insula Christiana, Hennyng Lok et Petrum filium comitis Heynczmanni de Stolczenberg et Heyncz filium Stephani de Magno horreo et Wernherum villicum de villa Oppendorph, Cristil Stolczemberger villicum de villa Humperti²⁾ cum pluribus aliis viris idoneis et honestis ad faciem praedicti territorii villae praenominatae in personis et nominibus nostrae universitatis transmisimus committentes eisdem, ut ipsi simul cum hominibus praefatorum domini episcopi ac fratrum et sororum eius ad faciem praedicti territorii villae Conradi accedere et inibi omnibus vicinis, commetaneis solito more convocatis ipsum territorium villae Conradi perlustrare, in locis opportunis metas de novo erigere ac idem territorium sub certa et iusta metali distinctione villae praefatae appiicare et statuere deberent. Qui praedicti viri iudices, cives et seniores nostri una cum villicis supra dictis necnon cum commetaneis ad nos reversi nobis concorditer retulerunt protestantes, quod ipsi sub anno domini M^mo CCC^mo. octuagesimo secundo, in quadragesima dominica Invocavit³⁾ ad faciem praedicti territorii venissent ac omnes vicinos, commetaneos ut moris est legitime convocare fecissent, quibus convocatis cum honorabilibus viris domino Leone plebano de Magno horreo et Henyrico de eadem fratribus domini episcopi et domino Petro plebano de Crakow, magistro Boko de villa Michalcz et comite Georgio [S. 554] de Egerbyga hominibus domini episcopi, fratrum et sororum eiusdem praedictum territorium villae Conradi in praesentia venerabilis viri domini Johannis abbatis de Kercz et aliorum vicinorum commetaneorum ibi convocatorum perambulassent et infra scriptas metas novas iuxta veteres iusto modo erexissent ac praedictum territorium sub eisdem iustis et veris metis ac terminis praedictae villae eo modo, quo ad eandem villam ab antiquo pertinuit et habitum exstitit, perpetue statuissent nullo penitus contradictore existente. Metae autem et termini praedicti territorii hoc ordine distinguuntur et procedunt. Primo incipientes a parte territorii villae Hofeld, quae est versus septentrionem, ubi iuxta antiquam metam nova est erecta, et inde procedunt versus meridiem per directum usque quendam fossatum, iuxta quem a parte septentrionis nova meta est erecta. Inde ulterius procedunt ultra dictum fossatum versus meridiem ascendendo quasi usque medium silvae super quendam montem parvum, ubi erecta est tertia meta. Inde procedunt per silvam quasi usque verticem montis, ubi extra silvam quarta meta est erecta, quae separat territoria villae Conradi et domini abbatis de Kercz. Inde vero procedunt versus orientem descendendo in dorso montis, ubi successive erectae sunt septem metae usque ultra viam quae ducit in Kercz usque ad rivulum, ubi erecta est nova meta, quae separat tria territoria scilicet villae Conradi, villae Kertz et Novae villae. Inde procedunt versus septentrionem ascendendo per dorsum montis usque ad locum arboris, quae dicitur tylia pulchra, ubi sunt duae metae antiquae. Ulterius procedunt per dorsum montis quasi ad distantiam longitudinis quatuor iugerum, ubi in nemore est antiqua meta, iuxta quam duae novae metae sunt erectae, quae separant territoria villae Conradi et Hofeld et Vlenbach. Inde vero descendunt versus occidentem versus primam metam directe per vallem, ubi successive erectae sunt novem novae metae, quae separant territoria villae Conradi et Hofeld. Et sic metae praedictae terminantur, tamen duabus clausulis praedictis subiungendis¹⁾ ita, quod ipsi communes populi de villa Conradi in ipsorum necessitatibus de communi nemore seu silva provincialium ligna absecare et educere valeant, possint et queant sicut alii ipsorum vicini et commetanei quorumlibet impedimento non obstante et pignoratione procul mota, item in consuetudine septem sedium sedere debeant et eadem frui et gaudere sicut ab antiquo cogniti sunt et consueti. Huius ex ratione medium fertonem Cybiniensis ponderis argenti fini singulis annis circa festum sancti Martini confessoris²⁾ in libera pecunia septem sedibus teneantur administrare. Nos igitur omnia et singula praemissa ratificantes et approbantes praesentes literas nostras privilegiales in testimonium ac perpetuam firmitatem universorum et singulorum supra scriptorum concessimus sigilli nostri appensione roboratas. Datum Cybinio, feria sexta ante dominicam Oculi, sub incarnationis domini anno M^mo. CCC^mo. octuagesimo secundo, sub sigillo septem sedium partis Transiluanae in testimonium de praemisso. [S. 555]


a) Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 553, 1-2 auf S. 554.^{^}
[S. 553]
1) Vorlage: roborunt.^{^}
2) Vorlage: Lumperti.^{^}
3) Februar 23.^{^}
[S. 554]
1) Vorlage: subiungndis.^{^}
2) Um November 11.^{^}