Urkunde Nr. 1161 aus Band II

Seite im UB:

558

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 48.

Druckvorlage:

nach Original

Abdruck als:

Volltext

Sprache:

Latein

---

1161

1382 Juli 9 Das Weissenburger Kapitel beglaubigt für Leo, den Pfarrer von Grossscheuern, und Genossen die Urkunde der sieben Stühle von 1382 Nr. »1156, betreffend die Grenzbegehung von Konradsdorf.

Capitulum ecclesiae Transiluanae omnibus Christi fidelibus praesens scriptum inspecturis salutem in salutis largitore. Ad universorum notitiam tam praesentium quam futurorum harum serie volumus pervenire, quod discretus vir dominus Leo plebanus de Magno horreo frater venerabilis in Christo patris domini Goblini dei et apostolicae sedis gratia episcopi praedictae ecclesiae nostrae domini et praelati nostri ad nostram personaliter veniendo praesentiam sua ac Emerici et Cristiani fratrum suorum ac dominae Katherinae consortis Georgii de Egerbeg et Dorotheae puellae sororum suarum necnon Katherinae puellae filiae Hennigii de Swlchumberg a quondam domina Margaretha similiter sorore sua procreatae in personis exhibuit nobis quasdam literas privilegiales iudicum, seniorum, civium ac provincialium universitatis de septem sedibus tenoris infra scripti supplicans nobis humiliter cum instantia, ut easdem in formam literarum nostrarum privilegialium de verbo ad verbum transcribi et redigi pendentique et authentico sigillo nostro communiri facere dignaremur pro eisdem ad cautelam. Quarum tenor per omnia talis est. (Folgt die Urkunde der sieben Stühle von 1382 Nr. »1156.) Nos itaque iustis et legitimis petitionibus praedicti domini Leonis plebani de Magno horreo annuentes easdem literas non abrasas, non cancellatas nec in aliqua parte sui vitiatas praesentibus de verbo ad verbum inseri et redigi pendentisque et authentici sigilli nostri munimine roborari fecimus pro eisdem ad cautelam. Datum feria quarta proxima ante festum beatae Margarethae virginis et martyris, anno domini M^mo. CCC^mo. octuagesimo secundo. Discretis viris Ladizlao praeposito doctore decretorum, Ladizlao cantore, Petro custode, Petro archidiacono de Clus et decano canonicis ecclesiae nostrae praedictae existentibus.