Urkunde Nr. 1181 aus Band II

Seite im UB:

579-580

Heute in:

Hermannstadt, Zentralarchiv der evangelischen Kirche A. B. in Rumänien

Heutige Signatur:

Abteilung 6: Sammlungen / Selecta, Best. 610 (Urkunden von Behörden und Gemeinden) Nr. 19.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1181

Ofen 1383 Juni 19 Königin Maria beauftragt das Grosswardeiner Kapitel, bei der Begehung der Grenzen von Hamlesch, Grossdorf, Grabendorf, Budenbach und Krebsbach, und bei der Einführung des Bischofs Goblinus und Genossen in diese Besitzungen mitzuwirken.

Maria dei gratia regina Hungariae, Dalmaciae, Croaciae et cetera fidelibus suis capitulo Waradyensi salutem et gratiam. Dicitur nobis in persona venerabilis in Christo patris domini Gublini episcopi ecclesiae Albensis Transsiluanae ac honorabilis viri domini Leonis archidiaconi, Henchmanni et Christiani fratrum suorum ac dominarum Katherinae et Dorotheae sororum necnon puellae similiter Katherina vocatae neptis eorundem, quod quaedam possessio ipsorum Omlas vocata in dicta terra nostra Transsiluana inter sedes nostras Cybiniensem et Zeredahel situata cum quatuor villis Olachalibus videlicet Grozdorph alio nomine Galusdorph ac Graphyndorph, Budynbah vocatis apud manus ipsorum habitae legitima reambulatione metarumque earundem erectione plurimum indigerent. Super quo fidelitati vestrae firmiter mandamus, quatenus vestrum mittatis hominem pro testimonio fide dignum, quo praesente Stephanus filius Lucasii de Gyogh vel Bako de Myhalchfalua aut Stephanus filius Martini de Tathe sive Petrus filius Martini de eadem seu Andreas filius praedicti Bako de praedicta Myhalchfalua sive Nicolaus de Ludas aliis absentibus homo noster ad faciem praedictae possessionis Omlas ac dictarum villarum Olachalium vicinis et commetaneis earundem universis inibi legitime convocatis et praesentibus accedendo reambulet ipsas per veras suas metas et antiquas novas secus veteres in locis necessariis erigendo reambulatasque et ab aliorum possessionariis iuribus metaliter separatas et distinctas relinquat ipsas praefato domino Gublino episcopo et fratribus ac sororibus suis praedictis iure ipsis incumbenti perpetuo possidendas, si non fuerit contradictum, contradictores vero si qui fuerint, citet ipsos contra annotatum dominum episcopum ac fratres et sorores eiusdem praedictos in nostram praesentiam [S. 580] ad terminum competentem rationem contradictionis eorum reddituros. Et post hoc ipsius possessionariae reambulationis seriera simul cum cursibus metarum vel si necesse fuerit nomina contradictorum et citatorum si qui fuerint cum termino assignato nobis fideliter rescribatis. Datum Budae, feria sexta proxima post festum beatorum Viti et Modesti martyrum, anno domini M^mo. CCC^mo. octuagesimo tertio.