Urkunde Nr. 1184 aus Band II

Seite im UB:

583-585 ^a)

Heute in:

Hermannstadt, Zentralarchiv der evangelischen Kirche A. B. in Rumänien

Heutige Signatur:

Abteilung 6: Sammlungen / Selecta, Best. 610 (Urkunden von Behörden und Gemeinden) Nr. 19.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1184

1383 August 23 Königin Maria bekräftigt für den Bischof Goblinus und Genossen die Urkunde des Grosswardeiner Kapitels von 1383 Nr. »1182 mit der Urkunde der Königin Maria von 1383 Nr. »1180, ferner die Urkunde des Grosswardeiner Kapitels von [S. 584] 1383 Nr. »1183 mit der Urkunde der Königin Maria von 1383 Nr. »1181, betreffend Hamlesch, Grossdorf, Grabendorf, Budenbach und Krebsbach.

Maria dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque regina, princeps Sallernitana et honoris montis sancti Angeli domina omnibus Christi fidelibus tam praesentibus quam futuris praesentium notitiam habitnris salutem in omnium salvatore. Etsi universis sibi subiectis providere debet celsitudo reginalis, his tamen propensiori munificentia convenit subvenire, quos obsequiorum pluralitas, virtutum urbanitas et fidelitatum immensitas longe lateque plurimum commendant, ut exinde fidelium numerus augeatur et circa principum pietatem laudabiliter attollatur. Proinde ad universorum notitiam harum serie volumus pervenire, quod serenissimo principe domino Lodouico praemissa dei gratia rege Hungariae, Poloniae, Dalmaciae et cetera felicis et laudendae recordationis genitore nostro carissimo volente domino caeli, cuius nutu omnia reguntur et disponuntur, absque prole masculina de medio sublato nobisque iure successorio et ordine geniturae coronam et solium dicti regni Hungariae ac sceptra regiminis ipsius genitoris nostri feliciter adeptis honorabiles viri domini Johannes de Kykellew et Briccius de Zathmar archidiaconi in ecclesia Albensi Transsiluana fideles nostri in personis venerabilis patris domini Goblini episcopi dictae ecclesiae Transsiluanae ac fratrum et sororum suorum et neptis eorundem infra scriptorum in nostram et serenissimae principis dominae Elizabeth praemissa dei gratia reginae Hungariae, Poloniae, Dalmaciae et cetera genetricis nostrae carissimae venientes praesentiam exhibuerunt nobis quasdam duas literas honorabilis capituli ecclesiae Waradyensis unam videlicet patentem in facto statutionis possessionis Omlas vocatae et aliarum villarum ad eandem spectantium, aliam vero privilegialem super legitima rearabulatione ipsarum et metarum earundem erectione pro eisdem domino episcopo et fratribus ac sororibus suis et nepte eorundem factis confectas tenorum infra scriptorum, supplicantes exinde nominibus eorundem maiestati nostrae humiliter et devote, ut easdem approbare, acceptare et ratificare nostrisque literis privilegialibus verbotenus inseri facere ac pro ipsis domino episcopo et fratribus ac sororibus suis et nepte eorum perpetuo dignaremur confirmare. Quarum unius ut puta ipsius patentis tenor is est. (Folgt die Urkunde des Grosswardeiner Kapitels von 1383 Nr. »1182 mit der Urkunde der Königin Maria von 1383 Nr. »1180.) Alterius vero videlicet iam dictae privilegialis tenor per omnia sequitur in haec verba. <ku>(Folgt die Urkunde des Grosswardeiner Kapitels von 1383 Nr. »1183 mit der Urkunde der Königin Maria von 1383 Nr. »1181.) Nos igitur humillimis et devotis dictorum dominorum Johannis et Briccii archidiaconorum supplicationibus nominibus quibus supra nostrae per eos subiectivis oblatis maiestati reginali pietate exauditis et clementer admissis praefatas literas ipsius capituli Waradyensis ambas omni prorsus suspicionis vitio destitutas prae- [S. 585] sentibusque de verbo ad verbum insertas quoad omnes earum continentias et clausulas requirentibus dicti domini Gublini episcopi fidelibus servitiis primum dicto olim carissimo patri nostro et demum nobis per eundem indesinenter exhibitis de consensu et beneplacita voluntate ipsius carissimae genetricis nostrae praelatorumque et baronum nostrorum consilio praematuro acceptamus, approbamus, ratificamus ac ex certa nostrae maiestatis scientia pro eodem domino Goblino episcopo ac fratribus et sororibus suis necnon nepte eorundem heredumque ipsorum fratrum, sororum et neptis ipsius successoribus et posteritatibus universis innovantes perpetue valituras confirmamus patrocinio praesentium mediante salvis duntaxat iuribus alienis. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis munimine roboratas. Datum per manus reverendissimi in Christo patris et domini, domini Demetrii miseratione divina tituli sanctorum quatuor coronatorum sacrosanctae Romanae ecclesiae presbyteri cardinalis ac sanctae Strigoniensis ecclesiae gubernatoris perpetui locique eiusdem comitis similiter perpetui et aulae nostrae cancellarii dilecti nobis et fidelis, anno domini M^mo CCC^mo octuagesimo tertio, X^mo Kalendas Septembris, regni autem nostri anno secundo. Reverendissimis in Christo patribus eodem domino Demetrio dictae sanctae Strigoniensis ecclesiae gubernatore perpetuo, Lodouico Collocensi, Petro Jadrensi, Vgulino Spalatensi et Vgone Ragusyensi archiepiscopis, Emerico Agryensi, Paulo Zagrabiensi, eodem Gublino Transsiluanensi, Valentino Quinqueecclesiensi decretorum doctore, Johanne Waradyensi, Guillermo Jauryensi, Benedicto Wesprimiensi, Johanne Chanadyensi, Georgio Boznensi, Petro Wacyensi, Johanne Syrimiensi, fratre Dominico Nytriensi, Paulo Tyniniensi, Demetrio Nonensi, Grisogono Traguriensi, Matheo Sibinicensi, Stephano Pharensi, Jacobo Makarensi, Michaele Scardonensi et Thoma Seniensi ecclesiarum episcopis ecclesias dei feliciter gubernantibus, Corbaniensi sede vacante. Magnificis viris Nicolao de Gara regni nostri palatino et iudice Comanorum, Ladizlao vaivoda Transsiluano et comite de Zonuk, comite Nicolao de Zeech iudice curiae nostrae, Stephano de Lyndwa totius regni Sclauoniae, Stephano filio Phylpus de Machow, Stephano Dalmaciae et Croaciae banis, Nicolao dicto Zambo tavarnicorum, Blasio dicto Forgach pincernarum, Nicolao filio Nicolai de Telegd ianitorum, Ladizlao filio Nicolai de Wesen dapiferorum, Stephano filio quondam domini Dyonisii vaivodae agasonum nostrorum magistris, praedicto Nicolao dicto Zambo comite Posonyensi aliisque quampluribus regni nostri comitatus tenentibus et honores.


a) Seitenumbruch im Kopfregest.^{^}