Urkunde Nr. 1242 aus Band II

Seite im UB:

639-640

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 56.

Druckvorlage:

nach Original

Abdruck als:

Volltext

Sprache:

Latein

---

1242

Temeswar 1390 Januar 13 ^a) König Sigmund erlässt zu Gunsten der Hermannstädter eine Verordnung, betreffend die ihnen durch König Ludwig I. verliehenen Handelsfreiheiten.

Von der Kanzlei:Relatio domini episcopi Transsiluani.

Sigismundus dei gratia rex Hungariae, Dalmaciae, Croaciae et cetera, marchio Brandemburgensis et cetera fidelibus suis universis praelatis, baronibus, comitibus, castellanis, nobilibus, officialibus, item civitatibus et liberis villis ipsarumque rectoribus iudicibus et villicis in regno nostro Hungariae [S. 640] constitutis vel in futurum constituendis quibus praesentes ostenduntur salutem et gratiam. Gravi querela fidelium nostrorum seniorum, civium ac universorum hospitum de Cybinio ad nostrae maiestatis¹⁾ devenit auditum, quod dum et quoties ipsi pro acquirendis vitae necessariis cum rebus et mercimoniis ipsorum per regni nostri climata proficiscentes ad tenutas, possessiones et dominia vestra seu vestri in medium devenirent ibique coram vobis literas serenissimi principis domini Lodouici regis Hungariae indelendae memoriae patris nostri carissimi super libertatibus mercantiae ipsorum civium nostrorum datas et concessas producerent et offerrent, vos easdem literas tamquam invalidas acceptare penitus et in suo robore et firmitate observare non velletis, immo ipsos cives nostros contra libertates praemissas in eorum itinere et mercantia impediretis et per vestros impediri faceretis ipsos in personis et rebus ut plurimum arestando. Cumque paternis vestigiis inhaerendo praefatas literas domini Lodouici in suo robore et firmitate solida penitus permanere velimus ac per subditos nostros quoslibet inviolabiliter observari, universitatis igitur vestrae fidelitati firmissimo regio praecipimus sub edicto, quatenus a modo in antea praefatos cives nostros de Cybinio contra literas praedictas domini Lodouici patris nostri ac libertates in ipsis existentes nullatenus impedire nec perturbare praesumatis, sed eas potius sub obtentu nostrae gratiae in singulis punctis et clausulis ipsarum inviolabiliter observetis et per vestros observari faciatis, alioquin transgressores ipsarum literarum tamquam nostrarum per maiestatem²⁾ regiam punientur. Praesentes autem post lecturam reddi volumus praesentanti. Datum in Themeswar, in octava epiphaniae domini, anno eiusdem millesimo trecentesimo nonagesimo.

Unter dem Siegel: Relatio domini episcopi Transsiluani.


a) Ausstellungsort im UB als: Temesvar.^{^}

1) Vorlage: magestatis.^{^}
2) Vorlage: magestatem.^{^}