Urkunde Nr. 1244 aus Band II

Seite im UB:

641-642

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 58.

Druckvorlage:

nach Original

Abdruck als:

Volltext

Sprache:

Latein

---

1244

Temeswar 1390 Januar 17 ^a) König Sigmund befiehlt der Stadt Kronstadt, die nicht nach Siebenbürgen zuständigen Kaufleute an der Weiterreise nach der Walachei zu verhindern, beziehungsweise über Einschreiten der Hermannstädter gefangen zu nehmen.

Von der Kanzlei: Relatio domini Petri episcopi Transsiluani ad contenta literarum domini Lodouici.

Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera fidelibus suis iudici iuratisque ci- [S. 642] vibus in Braschowia salutem et gratiam. Gravi querimonia fidelium nostrorum universorum mercatorum de Cybinio ad nostrae serenitatis pervenit auditum, quod licet ipsi tales libertates et gratias a serenissimo principe domino Lodouico rege Hungariae bonae memoriae patre nostro carissimo habuerint, quod nulli mercatorum extra partes Transsiluanas existentes cum rebus et mercimoniis ipsorum per dictas partes Transsiluanas procedentes ultra Braschowiam praedictam ad partes Transalpinas transire praesumant, prout hoc idem in literis domini Lodouici praedicti atque nostris plenius continetur, tamen vos contemnentes dictas literas domini Lodouici et nostras eosdem mercatores ulterius ad partes Transalpinas cum mercinioniis ipsorum transire permittitis in grande ipsorum mercatorum nostrorum de Cybinio praeiudicium et damnum satis magnum. Cumque intentionis nostrae etiam firmatae omnino existat ipsas literas domini Lodouici atque nostras in suo robore et firmitate solida permanere, nec eas per quempiam velimus temere violari, fidelitati vestrae firmissimo regio praecipimus sub edicto, quatenus in antea praefatos mercatores Extrasilvanos cum mercimoniis ipsorum in vestri medium venientes contra praemissas libertates memoratorum mercatorum de Cybinio ulterius ad partes Transalpinas procedere nullatenus permittatis, sed eos potius ad instantiam dictorum mercatorum de Cybinio arestando in eorum ulteriori transitu impedire efficaciter debeatis. Aliud igitur in praemissis pro nostra gratia facere non ausuri. Alioquin si praedictos cives seu mercatores nostros de Cybinio nobis super praemissis querulari contingeret, vos taliter puniri faciemus in posterum, quod vos mandata nostra violasse poenitebit. Praesentes autem post lecturam reddi volumus praesentanti. Datum in Themeswar, in die beati Anthonii confessoris, anno domini M^o CCC^o nonagesimo.

Unter dem Siegel:</ku> Relatio domini Petri episcopi Transsiluani.


a) Ausstellungsort im UB als: Temesvar.^{^}