Urkunde Nr. 1247 aus Band II

Seite im UB:

644-646 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Original

Abdruck als:

Volltext

Sprache:

Latein

---

1247

1390 März 29 König Sigmund bekräftigt für die Stadt Klausenburg die Urkunde des Königs Ludwig I. von 1377 Nr. »1063, betreffend die Abgabenfreiheit der von Klausenburg nach Bacs, Nagyalmas und Banffihunyad reisenden Kaufleute, beziehungsweise die Abgabenpflicht in Bacs.

[S]igismundus⁵⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Komani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. De facili memoria labitur hominum quam non servat lucida series literarum. Proinde ad universorum tam praesentium quam futurorum notitiam harum serie volumus pervenire, quod providi viri Melchior iudex et Hermannus dictus Brustul iuratus cives nostri de Cluswar suis et universorum civium [S. 645] ac hospitum nostrorum de eadem in personis in nostrae celsitudinis venientes eonspectum exhibuerunt nobis quasdam literas patentes quondam excelsi principis domini Lodouici regis Hungariae patris et soceri nostri carissimi laudandae recordationis suo maiori et authentico ultimo sigillo consignatas, in facto solutionis cuiusdam tributi confectas tenoris infra scripti, supplicantes exinde nominibus quibus supra nostrae maiestati humiliter et devote, ut easdem ratas, gratas et acceptas habendo nostrisque literis privilegialibus verbotenus inseri faciendo pro eisdem ac eorum heredibus innovantes perpetuo valituras dignaremur confirmare. Quarum tenor talis est. (Folgt die Urkunde des Königs Ludwig I. von 1377 Nr. »1063.) Nos igitur humillimis et devotis dictorum Melchior et Hermanni supplicationibus nostrae maiestati per eosdem suis et dictorum civium et hospitum nostrorum nominibus subiective porrectis regia benignitate exauditis et clementer admissis¹⁾ praefatas literas ipsius quondam domini Lodouici regis patentes omni prorsus suspicionis vitio carentes praesentibusque de verbo ad verbum sine diminutione et augmento insertas quoad omnes earum continentias et clausulas acceptamus, approbamus et ratificamus easque requirentibus ipsorum civium nostrorum fidelitatibus per ipsos nobis tempore et loco opportunis exhibitis et impensis de consensuque et beneplacita voluntate serenissimae principis dominae Mariae reginae Hungariae consortis nostrae carissimae praelatorumque et baronum nostrorum consilio praematuro ex certa nostrae maiestatis scientia pro dictis iudici, iuratis et civibus nostris de Cluswar praedicta eorumque heredibus et posteritatibus universis innovantes perpetue valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis munimine roboratas. Datum per manus reverendissimi in Christo patris et domini, domini Johannis archiepiscopi ecclesiae Strigoniensis loeique eiusdem comitis perpetui ac aulae nostrae et ipsius reginalis maiestatum eximii cancellarii dilecti nostri et tidelis, anno domini millesimo CCC^mo nonagesimo, quarto Kalendas mensis Aprilis, regni autem nostri anno quarto. Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali et almae ecclesiae Quinqueecclesiensis gubernatore ac eodem domino Johanne ipsius ecclesiae Strigonyensis, Lodouico Colocensi, Petro Jadriensi, Andrea Spalatensi et altero Andrea Ragusiensi archiepiscopis, Johanne Waradiensi, Petro Transsiluano, Johanne Zagrabiensi, Stephano Cyko Agriensi, Johanne Boznensi, Demetrio Wesprimiensi, Johanne Jauriensi, Petro Wachyensi, Johanne Sirimyensi, Gregorio Nitriensi, Johanne Chanadiensi, Grisogono Traguriensi, Francisco Scardonensi, Paulo Tininyensi, Johanne Nonensi, Matheo Sibinicensi, Nicolao Corbauiensi et Johanne Senyensi ecclesiarum episcopis ecclesias dei feliciter gubernantibus. Necnon magnificis viris Stephano regni nostri palatino et iudice Comanorum, Ladislao vaivoda Transsiluano et comite de Zonuk, comite Emerico Bubek iudice curiae nostrae, Detrico similiter Bubek totius regni Sclauoniae, Nicolao de Gara Machowiensi banis, honore banatus regnorum Dalmaciae et Croaciae [S. 646] vacante, Nicolao filio Johannis de Kanisa tavarnicorum, Leustachio de Ilswa ianitorum, Georgio de Chithnuk dapiferorum, Nicolao de Peren pincernarum ac eodem domino Stephano palatino agasonum nostrorum magistris, Stiborio de Stiborchyck comite Posonyensi aliisque quampluribus regni nostri comitatus tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-5 auf S. 644 (1-4 aus Siegelbeschreibung), 1 auf S. 645.^{^}
a) Im UB III Abbildung dieses Doppelsiegels König Sigmunds nach Nr. »1264 auf Tafel I, Bild 1 und 2 (Avers und Revers), unten als »Abb..^{^}
[S. 644]
1) AR verschränkt. [2x]^{^}
2) AL verschränkt. [2x]^{^}
3) AN verschränkt.^{^}
4) Zweite Zeile.^{^}
5) Verlängerte Schrift. Raum für S leer gelassen.^{^}
[S. 645]
1) Vorlage: ad pussis.^{^}

Abb.