Urkunde Nr. 1268 aus Band III

Seite im UB:

16-17 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1268

1391 März 30 König Sigmund bestätigt für die Stadt Klausenburg die Urkunde des Königs Ludwig I. von 1377 Nr. »1070, betreffend die den Klausenburgern hinsichtlich ihrer Sachen und Waren in ganz Siebenbürgen zustehende Freiheit von Abgaben.

Von der Kanzlei: Relatio domini Petri episcopi Transsiluanae ecclesiae.

[S]igismundus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Ordo suadet aequitatis et ad apicem pertinet regalis maiestatis, ut ea quae rite processerunt suorumque subditorum commodum uberrimum concernunt literarum regalium munimine roborentur. Proinde ad universorum notitiam tam [S. 17] praesentium quam futurorum harum serie volumus pervenire, quod providi viri fideles nostri Melheer iudex et Hermannus Breuseul cives nostri de Kolosuar suis et universorum civium ac hospitum nostrorum de eadem in personis ad nostrae accedentes praesentiam maiestatis exhibuerunt nobis quasdam literas patentes quondam serenissimi principis domini Lodouici felicis memoriae illustris dicti regni Hungariae regis praedecessoris et soceri nostri sigillo suo maiori et postremo super indulsione et relaxatione tributariae solutionis pro eisdem gratiose roboratas tenoris subnotandi, supplicantes nostro culmini prece subiectiva, ut dictas literas patentes regales acceptare et ratificare ac pro ipsis eorumque heredibus et successoribus innovantes dignaremur perenniter confirmare. Quarum tenor is est. (Folgt die Urkunde des Königs Ludwig I. von 1377 Nr. »1070.) Nos itaque iustis et iuri consonis dictorum Melheer iudicis et Hermani civis fidelium nostrorum supplicationibus ante fatis per ipsos suis et dictorum cunctorum civium et hospitum de Kolosuar nominibus nostrae humiliter uti foret antelatum porrectis maiestati pie exauditis pariter et admissis praetaxatas literas regales patentes, non abrasas, non cancellatas nec in aliqua sui parte vitio caliginis offuscatas, sed mera veritatis plenitudine praepollentes praesentibusque verbotenus sine diminutione et augmento insertas quoad omnes earum continentias, articulos et clausulas plena auctoritate et potestatis plenitudine nostrae maiestatis acceptamus, approbamus et ratificamus ac ipsorum civium et hospitum nostrorum fidelitatibus requirentibus ex praelatorumque et baronum regni nostri consilio praematura et sanctione uniformi memoratas literas regales patentes simul cum praetaxata ipsius tributariae solutionis indulsione, exemptione et gratiosa relaxatione in tenore earundem superius limpidius enodatis pro ante fatis civibus et hospitibus nostris eorumque heredibus et universis successoribus ex nostra certa scientia perenniter innovantes perpetue valituras confirmamus praesentis privilegii nostri patrocinio mediante. In cuius rei memoriam firmitatemque perpetuam praesentes eisdem concessimus literas nostras privilegiales pendentis et authentici sigilli nostri duplicis munimine roboratas. Datum per manus reverendissimi in Christo patris et domini, domini Johannis archiepiscopi ecclesiae Strigoniensis locique eiusdem comitis perpetui ac aulae nostrae et reginalis maiestatum eximii cancellarii dilecti nostri et fidelis, anno domini M^oo CCC^oo nonagesimo primo, tertio Kalendas mensis Apprilis, regni autem nostri anno quinto.¹⁾


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 16, 1 auf S. 17.^{^}
[S. 16]
1) Raum für S leer gelassen.^{^}
[S. 17]
1) So Vorlage.^{^}