Urkunde Nr. 1328 aus Band III

Seite im UB:

97-103 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73629 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 12.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1328

Szentimre 1394 Juli 12 Magister Peter, Vizewoiwode von Siebenbürgen, spricht die Hälfte der Besitzungen Sajoszentandras und Ercse, ferner die Hälfte einer Hofstelle in Bistritz Stephan, dem Sohne Beche's von Viragosberek, und Genossen, die zweite Hälfte der genannten Liegenschaften den Töchtern Johanns, des Sohnes Welkyn's von Kajla, und Genossen zu. [S. 98]

Nos magister Petrus filius Georgii de Wereb vicevaivoda Transsiluanus damus pro memoria, quod Laurencius filius Jaak de Myhalchfalua pro nobilibus dominabus Elena sua ac Margaretha vocatis Benedicti dicti Wrdugh de Iskellew consortibus filiabus scilicet Johannis filii Welkyn de Kayla cum procuratoriis literis nostris iuxta continentiam literarum nostrarum prorogatoriarum in octavis festi nativitatis beati Johannis baptistae¹⁾ in figura nostri iudicii comparendo contra Lucam filium Ladislai filii Welkyn de Kayla quasdam quinque literas tres capituli ecclesiae Transsiluanae recaptivatorias pariter et citatorias, unam magnifico viro quondam domino Ladislao pridem vaivodae Transsiluano ad eiusdem ac duas nobis ad nostram amicabiles literatorias petitiones rescriptas tenoremque literarum eiusdem quondam domini Ladislai vaivodae et nostrarum ipsi capitulo directarum verbaliter in se habentes ac quartam magistri Bartholomei pridem vicevaivodae²⁾ Transsiluani nostri scilicet praedecessoris, quintam vero et ultimam nostram omnino³⁾ iudiciales, in diversis terminis emanatas, necnon quaedam paria literarum eorundem quondam domini Ladislai vaivodae et magistri Bartholomei vicevaivodae prorogationalium, asserens actionem et propositionem dictarum nobilium dominarum adversus memoratum Lucam proponendam literis contineri in eisdem, nobis praesentavit declarantes, quod cum primo et principaliter memorata nobilis domina Elena vocata, consors annotati Laurencii acceptis Petro filio Jaak de Myhalchfalwa ipsius quondam domini Ladislai vaivodae ac Ladislao clerico memorati capituli hominibus feria sexta proxima post festum resurrectionis domini, in anno domini M^mo CCC^mo nonagesimo primo praeteritum⁴⁾ ad faciem possessionis Zenthandreas vocatae vicinis et commetaneis suis universis inibi legitime convocatis et praesentibus accedendo, medietatemque eiusdem possessionis Zenthandreas vocatae per ipsos vaivodalem et annotati capituli homines legitime recaptivando iure sibi incumbenti perpetuo possidendam sibi ipsi statui facere voluisset, Ladislaus filius Welkyn et Lucas filius eiusdem Ladislai huic statutioni contradictores exstitissent, quos eodem die⁵⁾ et in facie eiusdem possessionis contra memoratam nobilem dominam ad ipsius quondam domini Ladislai praesentiam ad diem congregationis suae generalis tunc Tordae celebratae⁶⁾ citavissent rationem contradictionis suae reddituros. A quo quidem die praemissae congregationis generalis⁶⁾ dum causa partium praescripta partes inter easdem secundum series literarum annotatarum quondam domini Ladislai vaivodae et magistri Bartholomei vicevaivodae prorogatoriarum ventilando octavas [S. 99] festi beati Mychaelis archangeli in anno domini M^mo CCC^mo nonagesimo secundo praeteritas¹⁾ attigisset, ad quas tandem octavas¹⁾ memoratus Lucas filius Ladislai per legitimum procuratorem ipsius nobilis dominae coram annotato magistro Bartholomeo vicevaivoda congruis diebus octavarum earundem¹⁾ exspectatus in eiusdem praesentiam non venisset neque misisset. Et dum secundo nobiles dominae praelibatae Elena et Margaretha vocatae acceptis Johanne filio Nicolai de Zenthmyklos nostro ac Thoma clerico saepe dicti capituli hominibus feria quinta proxima post festum beati Mathiae apostoli proxime praeteritum²⁾ ad facies portionum possessionariarum easdem nobiles dominas in possessionibus Zenthandreas et Erche vocatis ac fundo curiae in Bystricia habitae contingentium vicinis et commetaneis ipsarum universis illic legitime convocatis et praesentibus accedendo, easdem portiones possessionarias legitime recaptivando per ipsos nostrum et saepe fati capituli homines iure ipsis attinenti perpetuo possidendas sibi ipsis statui facere voluissent, praedictus Lucas filius Ladislai huic statutioni contradictionis velamine obviasset, quem ibidem et eodem die²⁾ contra annotatas nobiles dominas ad octavas diei cinerum tunc venturas³⁾ nostram in praesentiam citavissent rationem contradictionis suae redditurum. Ad quas quidem octavas diei cinerum³⁾ praefatus Lucas per annotatum procuratorem earundem nobilium dominarum in personis ipsarum congruis diebus octavarum earundem³⁾ coram nobis exspectatus nostram in praesentiam⁴⁾ non venisset neque misisset, sed se in quolibet dictorum duorum terminorum sibi legitime assignatorum oneribus iudiciorum aggravari permisisset. Tertioque et ultimo dum memoratae nobiles dominae volentes dictas portiones possessionarias ipsas in dictis possessionibus et fundo curiae contingentes iuri earum appropriare, acceptis Stephano filio Jaak de Myhalchfalwa nostro ac Briccio presbytero ipsius capituli hominibus secundo die festi ascensionis domini proxime praeteriti⁵⁾ ad facies dictarum possessionum Zenthandreas et Erche vocatarum ac fundi curiae in Bystricia habitae vicinis et commetaneis ipsarum universis inibi legitime convocatis et praesentibus accedendo, portiones possessionarias ipsas in eisdem possessionibus et fundo curiae contingentes iure ipsis incumbenti per memoratum nostrum et ipsius capituli homines sibi ipsis statui facere voluissent,⁶⁾ annotatus Lucas filius Ladislai filii Welkyni de Kayla ipsi statutioni contradictor exstitisset, quem eodem die⁷⁾ et in facie eiusdem possessionis contra praedictas⁸⁾ nobiles dominas ad octavas festi Penthecostes tunc affutnras⁹⁾ nostram in praesentiam citavissent rationem contradictionis suae redditurum. Quibus quidem literis exhibitis praefatus [S. 100] procurator ipsarum nobilium dominarum in personis earundem rationem praemissae contradictionis assignare postulavit per Lucam filium Ladislai filii Welkyn supra dictum. Quo percepto memoratus Lucas filius Ladislai filii Welkyn personaliter in nostram exsurgens praesentiam respondit tali modo, quod ipse recaptivationis et statutionis annotatarum possessionum Zenthandreas et Erche vocatarum ac fundi curiae in Bystricia habitae ipsis nobilibus dominabus fiendae pro eo ipse contradictionem fecisset praenotatam, quia eaedem possessiones et fundus curiae ipsum iure hereditario contingerent et contingere deberent, et licet eaedem nobiles dominae essent filiae annotati Johannis filii Welkyni, tamen in dictis possessionibus et fundo curiae non portionem sed ius quartale iuxta huius regni consuetudinem habere deberent, de quibus quidem iuribus quartalibus ipsis nobilibus dominabus iuxta huius regni consuetudinem satisfacere promptus esset et paratus Quibus sic habitis memoratus procurator annotatarum nobilium dominarum in huius declarationem, ut dictae nobiles dominae in praedictis possessionibus Zenthandreas et Erche vocatis ac fundo curiae in Bystricia habitae portionem habere debeant, quasdam duas literas saepe dicti capituli ecclesiae Transsiluanae unam feria secunda proxima post dominicam Oculi, anno domini M^mo CCC^mo nonagesimo¹⁾ patenter emanatam, tenorem quarundam aliarum literarum eiusdem capituli privilegialium in anno domini M^mo CC^mo LXXX^o octavo exortarum, ad amicabilem literatoriam petitionem quondam domini Ladislai vaivodae Transsiluani in sacristia seu conservatorio dicti capituli ecclesiae Transsiluanae requisitarum et reinventarum in se continentem, et aliam in octavis festi nativitatis virginis gloriosae proxime praeteritis²⁾ similiter patenter exortam nostro iudiciario examini curavit exhibere. Quarum prima, dicta feria secunda proxima post dominicam Oculi, anno domini M^mo CCC^mo nonagesimo²⁾ confecta litera tenorem praedictarum aliarum literarum ipsius capituli privilegialium in dicto anno domini M^mo CC^mo LXXX octavo subortarum in se habens nos informabat inter alia, quod Petrus filius Laurencii filii Wyzlo ad ipsius capituli personaliter accedens praesentiam quandam terram suam³⁾ Zenthandreas vocatam, adiacentem et existentem iuxta fluvium Bezterche ex permissione omnium commetaneorum suorum cum omnibus utilitatibus suis et pertinentiis silvis, virgultis, nemoribus et fenetis comiti Wlkyno et suis successoribus perpetuo possidendam pro triginta marcis fini argenti confessus exstitisset vendidisse coram capitulo praenotato. In tenore autem alterius literae similiter ipsius capituli in dictis octavis festi nativitatis virginis gloriosae proxime praeteritis²⁾ emanatae memoratum Lucam filium Ladislai filii Welkyn portiones possessionarias dictarum nobilium dominarum Elena et Margaretha vocatarum in dictis possessionibus Zenthandreas et Erche vocatis ac fundo curiae in Bystricia habitae ipsas contingentes eisdem nobilibus dominabus et earum successoribus coram capitulo praenotato pacifice et quiete perpetuo possidendas remisisse et resig- [S. 101] nasse comperimus manifeste. Quibus praesentatis idem procurator annotatarum nobilium dominarum eisdem ex parte memorati Lucae filii Ladislai filii Welkyn iudicium et iustitiam per nos postulavit elargiri. Verum quia primo et principaliter ante dictae nobiles dominae Elena et Margaretha vocatae filiae ipsius Johannis filii Welkyn acceptis numero trinario praedictis quondam domini Ladislai vaivodae et nostris ac dicti capituli hominibus tribus terminis in praedictis primo ad faciem dictae possessionis Zenthandreas appellatae et tandem secundo et tertio ad facies possessionum Zenthandreas praedictae et Erche vocatarum ac fundi curiae in Bystricia habitae vicinis et commetaneis ipsarum universis inibi legitime convocatis et praesentibus accedendo portionesque possessionarias ipsas in eisdem possessionibus et fundo curiae contingentes legitime recaptivando sibi ipsis per dictos ipsius quondam domini Ladislai vaivodae et nostros ac dicti capituli homines iure ipsis attinenti perpetuo possidendas statui facere voluisse, in ipsisque trinariis possessionariis recaptivationibus et statutionibus eisdem nobilibus dominabus fiendis primo Ladislaus filius Welkyn pater ipsius Lucae ac idem Lucas, et tandem secundo et tertio memoratus Lucas filius ipsius Ladislai filii¹⁾ Welkyn contradictionem fecisse, idemque Lucas ad reddendam suae inhibitionis rationem ad tres terminos iudiciarios²⁾ primo in ipsius quondam domini Ladislai vaivodae et tandem nostram in praesentias citatus ad nullum ipsorum priorum duorum terminorum sibi legitime assignatorum ad ipsius magistri Bartholomei vaivodae postremoque nostram veluti iudicum suorum ordinariorum praesentias venire vel mittere curasse, sed se in dictis duobus prioribus terminis onere iudiciali opprimi permisisse, praefatus etiam quondam Welkyn avus ut puta annotatarum nobilium dominarum praedictam possessionem Zenthandreas nuncupatam in dicto anno domini M^mo CC^mo LXXX octavo a praefato Petro filio Laurencii filii Wyzlo pro praemissis triginta marcis fini argenti pro se et suis successoribus comparasse, postremo siquidem in dictis octavis festi nativitatis virginis gloriosae proxime praeteritis³⁾ praelibatus Lucas filius Ladislai filii Welkyn coram dicto capitulo comparendo portiones earundem nobilium dominarum possessionarias ipsas in praedictis possessionibus Zenthandreas et Erche vocatis ac fundo curiae in Bystricia habitae contingentes eisdem pacifice et quiete remisisse et resignasse et ex eo post tempus praemissae suae¹⁾ resignationis et restitutionis earundem portionum possessionarianim idem Lucas easdem potentialiter et indebite usus exstitisse, praeviis itaque ex rationibus portiones possessionarias dictarum nobilium dominarum easdem in dictis possessionibns Zenthandreas et Erche vocatis ac fundo curiae in Bystricia habitae contingentes videlicet tertia pars medietatis earundem ipsis nobilibus dominabus adiudicari et statui, idem vero Lucas filius Ladislai filii Welkyn pro praemissa indebita et potentiaria conservatione dictarum portionum possessionariarum et fundi curiae in facto potentiae scilicet in homagio⁴⁾ suo proprio ut puta in quinquaginta marcis [S. 102] convinci et aggravari debere nobis et regni nobilibus nobiscum in iudicio existentibus manifeste agnoscebantur. Pro eo cum nos¹⁾ una cum eisdem regni nobilibus praedictas portiones possessionarias easdem nobiles dominas in dictis possessionibus et fundo curiae contingentes eisdem adiudicare voluissemus, mox Stephanus filius Beche de Wylagusberek in sua ac Johannis filii Nicolai de Somkerek fratris sui personis, necnon Leukus filius Ladislai de Zentheged personaliter in nostram exsurgentes praesentiam allegarunt isto modo, quod praenominatus Stephanus filius Beche esset nepos quondam nobilis dominae Katherina vocatae, filiae annotati Welkyn, praefatus autem Leukus existeret filius Ladislai a nobili domina filia Johannis filii eiusdem Welkyn procreatus, et ex eo in dictis possessionibus Zenthandreas et Erche vocatis ac fundo curiae²⁾ portionem habere deberent congruentem, ideo si iuri consonum fore videretur, tunc ipsi se causam in praesentem intromittere niterentur. Et cum nos praefatum Lucam filium Ladislai coram nobis comparentem in eo, utrum praefati Stephanus filius Beche et Johannes filius Nicolai ac Lekews filius Ladislai praemisso modo sibi attinere debeant, et dicta altera possessio Erche nominata modo simili sicut annotata possessio Zenthandreas appellata emptitia sit et existat vel ne, requisitum habuissemus, idem Lucas praenominatas Stephanum filium Beche et Johannem filium Nicolai ac Leukws filium Ladislai praemisso modo sibi attinere, eandemque possessionem Erche nuncupatam similiter emptitiam existere et eosdem³⁾ in ipsis possessionibus, fundo curiae portionem habere debere coram nobis affirmavit. Quibus sic habitis quia nobis et eisdem regni nobilibus praelibati Stephanus filius Beche et Johannes filius Nicolai ac Leukws filius Ladislai se causam in praesentem de iure intromittere valere, medietasque ipsarum possessionum Zenthandreas et Erche vocatarum ac fundi curiae in Bystricia habitae eisdem Stephano filio Beche et Johanni filio Nicolai, residuaque medietas ipsarum possessionum et fundi curiae in tres partes dividi, quarum trium partium una recta et aequalis pars memoratis nobilibus dominabus, altera autem medietas earum consimiliter directa memorato Leukws filio Ladislai et eorum heredibus residua tertia parte medietatis earum ipsi Lucae filio Ladislai filii Welkyn remanente provenire debere manifeste agnoscebantur, pro eo nos una cum eisdem nobilibus regni praetactas possessiones Zenthandreas et Erche appellatas ac fundum curiae in Bystricia habitae per nostrum et dicti capituli homines primo in duas rectas et aequales partes dividi committentes, medietatemque ipsarum memoratis Stephano filio Beche et Johanni filio Nicolai ac eorum heredibus, residua altera medietate ipsarum⁴⁾ praefatis nobilibus dominabus et Leukws filio Ladislai et Lucae filio Ladislai filii Welkyni remanente, contradictione praefati Lucae et aliorum quorumlibet non obstante statui decernentes, dictam medietatem ipsarum possessionum et fundi curiae eisdem Stephano [S. 103] filio Beche et Johanni filio Nicolai ac eoroudem heredibus relinquimus et committimus possidere, tenere pariter et habere salvo iure alieno. Datum in sancto Emerico, duodecimo die octavarum festi nativitatis beati Johannis baptistae praedictarum, anno domini millesimo CCC^mo nonagesimo quarto.


a) Erster Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-6 auf S. 98, 1-9 auf S. 99, 1-3 auf S. 100, 1-4 auf S. 101, 1-4 auf S. 102.^{^}
[S. 98]
1) Juli 1.^{^}
2) vice über der Zeile nachgetragen.^{^}
3) Über der Zeile nachgetragen.^{^}
4) 1391 März 31.^{^}
5) März 31.^{^}
6) April 2. Vergleiche Nr. »1271 [2x].^{^}
[S. 99]
1) 1392 Oktober 6 [3x].^{^}
2) 1394 Februar 26 [2x].^{^}
3) März 11 [3x].^{^}
4) Hierauf durchgestrichen und unterpunktiert: citavissent.^{^}
5) Mai 29.^{^}
6) Vorlage: voluisset.^{^}
7) Mai 29.^{^}
8) Über der Zeile nachgetragen.^{^}
9) Juni 14.^{^}
[S. 100]
1) 1390 März 7.^{^}
2) 1393 September 15 [3x].^{^}
3) Über der Zeile nachgetragen.^{^}
[S. 101]
1) Über der Zeile nachgetragen [2x].^{^}
2) Vorlage: iudicos.^{^}
3) 1393 September 15.^{^}
4) Vorlage: humagio.^{^}
[S. 102]
1) Über der Zeile nachgetragen; itaque in der Zeile gestrichen.^{^}
2) Hierauf durchgestrichen: in Bystricia habitae.^{^}
3) Vorlage: easdem.^{^}
4) Vorlage: eiusdem.^{^}