Urkunde Nr. 1334 aus Band III

Seite im UB:

116-117

Druckvorlage:

nach Original

Abdruck als:

Volltext

Sprache:

Latein

---

1334

1395 Februar 18 Das Weissenburger Kapitel schaltet die Urkunde des Woiwoden Frank von 1395 Nr. »1333 ein und bezeugt, dass Johann, Sohn Henel's, in die ihm nach Anich zustehende Hälfte von Besitzanteilen in Reussdorf eingeführt worden ist.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium [S. 117] salvatore. Ad universorum notitiam harum serie volumus pervenire, quod nos literas magnifici viri domini Frank vaivodae Transsiluani et comitis de Zolnuk nobis directas recepimus in baec verba. (Folgt die Urkunde des Woiwoden Frank von 1395 Nr. »1333.) Nos enim petitionibus eiusdem domini vaivodae annuentes, una cum Jacobo de Almas homine suo nostrum hominem videlicet Nicolaum clericum de choro nostro ad praemissa exequenda duximus transmittendum. Qui demum ad nos reversi nobis concorditer retulerunt, quod ipsi in die festi purificationis virginis gloriosae proxime praeteriti¹⁾ ad faciem praedictae portionis possessionariae in possessione Kund habitae, pro totali iure quartali memoratae dominae Anich modo praemisso deventae, pariter accessissent ac vicinis et commetaneis eiusdem circumquaque legitime convocatis ipsisque et partibus praedictis praesentibus, eandem portionem possessionariam necnon praenotata loca molendini et piscinae reambulando, cum omnibus suis utilitatibus et pertinentiis quibuslibet ad ipsam portionem possessionariam ac loca molendini et piscinae spectantibus, in duas divisissent partes rectas et aequales. Quarum duarum partium unam ab alia sui parte hoc ordine distinguendo, scilicet a curia Andreae dicti Vruus exclusive, curiam etiam Petri dicti Hatar excludendo, vicum duplicis ordinis a parte rivuli versus plagam septentrionalem existentem infra ad occidentem usque ad finem villae necnon medietatem locorum molendini et piscinae ac duo iugera vinearum cum universis utilitatibus et pertinentiis quibuslibet ad ipsam medietatem portionis possessionariae praedictae necnon locorum molendini et piscinae ac duo iugera vinearum spectantibus iuxta continentiam praescriptarum literarum eiusdem domini vaivodae praenominato Johanni filio Henel et eius heredibus iure perpetuo et irrevocabiliter possidendam et habendam statuissent et commisissent, contradictione ipsius in causam attractae et aliorum quorumlibet non obstante. Datum quinta feria proxima ante festum cathedrae beati Petri apostoli, anno domini millesimo CCC^mo nonagesimo quinto. Honorabilibus et discretis viris dominis Johanne praeposito, Jacobo cantore canonico non existente, Petro custode ac altero Petro archidiacono de Torda decano canonicis ecclesiae nostrae existentibus.


1) Februar 2.^{^}