Urkunde Nr. 1341 aus Band III

Seite im UB:

126-127

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 20.

Druckvorlage:

nach Original

Abdruck als:

Volltext

Sprache:

Latein

---

1341

Kronstadt 1395 März 7 König Sigmund bestätigt für die Stadt Kronstadt die Urkunde des Königs Ludwig I. von 1369 Nr. »937, betreffend den Tuchhandel der Polnischen, Deutschen und sonstigen ausländischen Kaufleute in Kronstadt, beziehungsweise das Verbot gegen die Ausdehnung dieses Handels über Kronstadt hinaus.

Von der Kanzlei: Propria commissio domini nostri regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera memoriae commendantes tenore praesentium significamus quibus expedit universis, quod fideles cives [S. 127] et hospites nostri Brassouienses in nostrae maiestatis venientes praesentiam exhibuerunt nobis quasdam literas quondam incliti principis domini Lodouici regis Hungariae praedecessoris nostri felicis recordationis patentes, minori rotundo et secreto sigillo suo consignatas, super quibusdam libertatum ipsorum praerogativis pro ipsis factis confectas tenoris infra scripti, supplicantes exinde nostrae maiestati prece subiectiva, ut easdem literas ratas, gratas et acceptas habendo nostrisque literis patentibus verbotenus inseri faciendo pro ipsis et eorum heredibus innovantes perpetuo valituras dignaremur confirmare. Quarum tenor talis est. (Folgt die Urkunde des Königs Ludwig I. von 1369 Nr. »937.) Igitur nos iustis et humillimis praefatorum civium et hospitum nostrorum supplicationibus ante fatis, nostrae maiestati per eosdem modo quo supra subiective porrectis exauditis et admissis praefatas literas ipsius quondam domini Lodouici regis patentes, omni suspicionis vitio carentes, de verbo ad verbum praesentibus insertas quoad omnes earum continentias et clausulas acceptamus, approbamus et ratificamus easque fidelitatibus et servitiis ipsorum civium et hospitum nostrorum per ipsos sacrae coronae regiae et nobis impensis non modicum requirentibus de praelatorum et baronum nostrorum consilio praematuro mera auctoritate et potestatis plenitudine nostrae maiestatis simul cum praemissis libertatum praerogativis in tenore earundem superius limpidius expressis pro dictis civibus et hospitibus nostris ac heredibus et successoribus eorundem innovantes perpetue valituras confirmamus praesentium literarum nostrarum patentium patrocinio mediante, quas dum nobis fuerint reportatae in formam nostri privilegii redigi faciemus. Datum Brassouiae praedicta, in dominica Reminisscere, anno domini M^mo CCC^mo nonagesimo quinto.

Unter dem Siegel: Propria commissio domini nostri regis.