Urkunde Nr. 1352 aus Band III

Seite im UB:

140-141

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 26.

Druckvorlage:

nach Original

Abdruck als:

Volltext

Sprache:

Latein

---

1352

Zeiden 1395 März 9 König Sigmund beauftragt das Weissenburger Kapitel, bei der Einführung Thomas', des Plebans von Kronstadt, und Genossen in den Besitz von Zernescht mitzuwirken.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera fidelibus suis capitulo ecclesiae Transiluanae salutem et gratiam. Dicunt nobis Thomas plebanus necnon Johannes, Jacobus et Cristianus filii quondam Mathiae cives de Brassouia ac Anthonius filius Mychaelis de sancta Agata necnon Nicolaus filius Herbordi comes de Ffekethewhalm, quod ipsi in dominium cuiusdam possessionis Zerne vocatae, in districtu Brassouiensi situatae, quam nos a dominio castri nostri Terch appellati segregantes pro fidelitatibus et fidelium servitiorum meritis eorundem ipsis mediantibus aliis literis nostris novae nostrae donationis titulo sub ea conditione, ut dicto castro nostro Terch circa festum sancti Georgii quinque florenos auri et circa festum sancti Mychaelis archangeli totidem quinque florenos auri singulis annis administrare perpetuis temporibus sint obligati, [S. 141] in aevum et perenniter contulisse perhibemur, vellent legitime introire, si contradictio cuiuspiam ipsis non obviaret in hac parte. Super quo fidelitati vestrae firmiter praecipiendo mandamus, quatenus vestrum mittatis hominem pro testimonio fide dignum, quo praesente Nicolaus filius Gothardi¹⁾ castellanus de Terch aut Nicolaus plebanus de Roznaw vel Nicolaus filius Tyl de Prasmar aliis absentibus homo noster ad faciem dictae possessionis Zerne nuncupatae vicinis et commetaneis eiusdem universis inibi legitime convocatis et praesentibus accedendo introducat ipsos in dominium eiusdem praefatos Thomam plebanum ac Johannem, Jacobum et Cristianum fratres suos quoad rectam tertiam partem, Anthonium filium Michaelis ad aliam directam tertiam partem necnon Nicolaum comitem ad reliquam tertiam aequalem partem possessionis eiusdem statuatque ipsis eandem modo praemisso novae nostrae donationis titulo perpetuo possidendam, si non fuerit contradictio. Contradictores vero si qui fuerint, citet ipsos contra annotatos Thomam plebanum ac fratres suos praenominatos necnon Anthonium et Nicolaum comitem praedictos in praesentiam vaivodae nostri Transsiluani rationem contradictionis eorum reddituros efficacem. Et post haec ipsius introductionis et statutionis seriem cum nominibus contradictorum et citatorum si qui fuerint terminumque assignatum eidem vaivodae nostro Transiluano more solito rescribatis. Datum²⁾ in Fekethehalm, feria tertia proxima post dominicam Reminisscere, anno domini M^mo CCC^mo nonagesimo quinto.

Auf der Rückseite Adresse: Fidelibus suis capitulo ecclesiae Transsiluanae pro discreto viro Thoma plebano ecclesiae Brassouiensis et aliis intra scriptis. Statutoria.


1) Hierauf: vl [darüber Abkürzungssstrich].^{^}
2) Hierauf durchgestrichen: Cybinii.^{^}