Urkunde Nr. 1362 aus Band III

Seite im UB:

151-152 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1838.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1362

Im Feldlager bei Kronstadt 1395 Juni 21 König Sigmund verleiht Marienburg das Wochenmarktrecht.

Nos Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera memoriae commendantes tenoro praesentium significamus quibus expedit universis, quud nos, qui divina nobis suffragante clementia sceptra gubernamus regalia et eorum principatui feliciter praesidemus cunctorumque fidelium nostrorum regnicolarum profectus, utilitates et commoda ex innata nobis benignitate et liberalitate regia toto nisu satagimus promouere, cupientes, ut fideles nostri providi viri universi cives hospites incolae et populi oppidi nostri de Fewldwar sicuti numero sic et fidelitate augeantur idemque nostrum oppidum ex nostrae celsitudinis sagaci dispositione et provisione gratiosa in suo incolatu felicia uberrimaque suscipiat incrementa, pensantes nihilominus, quomodo olim serenissimus princeps dominus Lodouicus rex Hungariae illustris felicis reminiscentiae pater noster carissimus, dum agebat in humanis, desiderans ipsos cives hospites et populos oppidi de Fewlduar idemque oppidum favoribus prosequi gratiosis singulis hebdomadis feriis quintis forum liberum in eodem oppido celebrandum sanxierat et peragendum,¹⁾ et quamquam huiusmodi fori celebratio per ipsum dominum Lodouicum regem concessa certis ex tunc occurrentibus impedimentis et controversiis non fuerit suum sortita effectum, nos tamen, qui in eiusdem domini Lodouici regis patris nostri deo nobis annuente regna et dominia feliciter successimus ipsiusque vestigiis inhaeremus, volentes ipsis civibus hospitibus et populis nostris de Fewldwar iuxta eiusdem patris nostri voluntatem regio occurrere cum favore animo deliberato et de certa scientia nostrae maiestatis forum liberum singulis hebdomadis omnibus quintis feriis sub eisdem libertatibus, praerogativis²⁾ et gratiis, quibus fora libera aliarum [S. 152] civitatum et oppidorum nostrorum regalium insignita fore perhibentur, ad memoratum oppidum nostrum Fewldwar dandum et concedendum duximus et concedimus praesentium per vigorem in eodem¹⁾ Fewlduar iugiter peragendum et perenniter celebrandum. Quocirca vos universos et singulos mercatores institores et alios quosvis homines partium Transsiluanarum nostrarum Siculorum et Brassouiensium praesentium serie affidamus et assecuramus certosque et securos reddimus, ut ad praelibatum forum liberum singulis hebdomadis cunctis feriis quintis in dicta Fewlduar ut praescribitur per nos celebrari gratiose concessum et commissum cum mercantiis, rebus et quibusvis bonis vestris secure et absque omni pavore accedatis peractisque ibidem in emptionibus et venditionibus cunctis vestris mercantiis et negotiationibus ad propria seu alia loca, quae malueritis, libere et sine omni impedimento redire et abire possitis et valeatis sub nostra regia protectione et tutela speciali. Et haec volumus in locis quibus expedit ubique palam facere proclamari. Praesentes autem dum nobis in specie fuerint reportatae, in formam nostri privilegii redigi faciemus. Datum in descensu campestri nostri exercitus prope Brasso, foria secunda proxima ante festum beati Jobannis baptistae, anno domini millesimo CCC^mo nonagesimo quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 151, 1 auf S. 152.^{^}
[S. 151]
1) Vergleiche Nr. »1114.^{^}
2) Vorlage: prorogativis.^{^}
[S. 152]
1) Vorlage: eadem.^{^}