Urkunde Nr. 2009 aus Band IV

Seite im UB:

293-295 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1838.

Druckvorlage:

nach Original

Abdruck als:

Volltext

Sprache:

Latein

---

2009

1427 Mai 25 König Sigmund bestätigt die Urkunde König Ludwigs I. von 1379 Nr. »1114 und seine eigene Urkunde von 1395 Nr. »1362, mit der Verleihung des Wochenmarkt rechtes an Marienburg.

[S] ¹⁾igismundus dei gratia²⁾ Romanorum rex semper augustus ac Hungariae, Bohemiae, Dalmaciae, Croaciae. Ramae, Seruiae, Galliciae, Lodomeriae, Comaniae, Bulgariaeque rex, marchio Brandemburgensis necnon Lucemburgensis heres omnibus Christi fidelibus praesentibus pariter et futuris praesentium notitiam habituris salutem in omnium salvatore. Cordi interesse debet regiae maiestatis atque curae, ut provide et liberaliter de sui munificientia tam singularitati quam rei publicae commodum et utilitatem ministrantia instituta et concessa processuque temporum et hactenus neglecta et non continuata, ne in posterum quasi retractata et sopita permaneant regia convenit vigilantia renovare ipsiusque patrocinio autentico perpetue duratura communire. Proinde ad universorum tam praesentium quam futurorum notitiam harum serie volumus pervenire, quod fideles nostri iudex et iurati ceterique universi cives hospites et seniores oppidi nostri Fewldwar vocati partium nostrarum Transsiluanarum nostrae maiestatis venientes in praesentiam exhibuerunt nobis duas literas unam videlicet quondam serenissimi principis domini Lodouici regis Hungariae et cetera patris et soceri nostri carissimi divae memoriae super institutione et concessione celebrationis liberi fori singulis hebdomadis feria quinta in eodem oppido Ffewldwar vocato per eum primarie privilegialiter et aliam nostram super iterata concessione et institutione celebrationis praedicti fori hebdomadalis singulis feriis quintis ut praefertur in eodem Ffewldwar per nos factis patenter confectas nostrae humiliter supplicantes maiestati, ut easdem literas tam eiusdem quondam Lodouici regis privilegiales quam nostras patentes ratas, gratas et acceptas habendo nostrisque literis privilegialibus sub novo nostro sigillo privilegialiter conficiendis inseri faciendo innovare et pro eis perpetuo valituras confirmare dignaremur. Cuius quidem privilegii tenor is est. (Folgt die Urkunde König Ludwigs von 1379 Nr. »1114.) Alterius vero [S. 294] praedictae nostrae patentis literae continentia sequitur et est talis. (Folgt die Urkunde König Sigmunds von 1395 Nr. »1362.) Nos igitur humillimis devotisque ipsorum fidelium iudicis, iuratorum ceterorumque hospitum et seniorum praedicti oppidi nostri Fewldwar appellati supplicationibus nostrae per ipsos modo praenotato subiective oblatis maiestati regali benignitate exauditis et clementer admissis praescriptas ambas literas scilicet dicti domini Lodouici regis privilegialem et nostram patentem non abrasas, non cancellatas nec in aliqua sui parte vitiatas, sed omni prorsus vitio suspicionis carentes praesentibusque nostris literis similiter privilegialibus verbaliter insertas quoad omnes earum continentias, clausulas et articulos acceptamus, approbamus et ratificamus nihilominusque pro ampliori commodo et utilitate ipsorum hospitum et populorum nostrorum praefati oppidi nostri Fewlduar nuncupati, ut iidem gratiarum et libertatum praerogativis gaudentes sicuti opum ubertate ita et devotione augeantur simul cum omnibus praemissis et quibusvis praemissorum singulis superius in ipsarum geminarum literarum latius explicatis et contentis mera auctoritate regia et potestatis plenitudine ex certaque nostrae maiestatis scientia necnon de consensu et beneplacito serenissimae principis dominae Barbarae reginae consortis nostrae carissimae, praelatorum etiam et baronum nostrorum consilio praematuro pro eisdem oppido ac civibus hospitibus senioribus et populis eiusdem oppidi nostri Fewlduar nuncupati ac eorum posteris in aevum valituras innovando ipsumque forum hebdomadale omni feria quinta in ipso oppido nostro primitus per praefatum quondam dominum Lodouicum regem patrem et socerum nostrum et tandem per nos modo praenotato celebrari concessum denuo et ex novo eisdem cunctis feriis quintis et in omni septimana iugiter celebrari concedentes et annuentes confirmamus praesentis scripti nostri patrocinio mediante. In cuius rei testimonium firmitatemque perpetuam praesentes concessimus literas nostras privilegiales pendentis authentici sigilli nostri duplicis quo ut¹⁾ rex Hungariae utimur munimine roboratas. Datum per manus reverendi in Christo patris domini Johannis episcopi Zagrabiensis sacri Romani imperii nostraeque regiae et reginalis maiestatum aulae cancellarii fidelis nostri dilecti, anno domini millesimo quadringentesimo vigesimo septimo, octavo Kalendas Junii, regnorum nostrorum anno Hungariae et cetera quadragesimo primo, Romanorum decimo septimo et Bohemiae septimo. Venerabilibus in Christo patribus dominis Georgio Strigoniensi, Johanne Colocensi, Doymo Spalatensi et Andrea Ragusiensi archiepiscopis, Jadrensi sede vacante, eodem Johanne Zagrabiensi, Dyonisio electo Waradiensi, Blasio Transsiluano, Petro de Rozgon Agriensi, Henrico Quinqueecclesiensi, Clemente Jauriensi, Johanne Vesprimiensi, Ladislao de Marczali Chanadiensi, Nicolao Va- [S. 295] ciensi, Hynkone Nitriensi, Petro Corbauiensi, Jacobo Sirimiensi et Thoma Segniensi eeclesiarum episcopis ecclesias dei feliciter gubernantibus, Johanne Tininiensi electo, Boznensi, Traguriensi, Scardonensi, Sibinicensi, Nonensi, Makarensi et Farensi sedibus vacantibus necnon magnificis viris Nicolao de Gara regni Hungariae praedicti palatino, Ladislao de Chak vaivoda nostro Transsiluanensi, comite Mathius de Palocz iudice curiae nostrae, Hermanno comite Ciliae et Zagoriae socero nostro carissimo totius Sclauoniae, Nicolao Veglae et Modrussae comite Dalmaciae et Croaciae regnorum nostrorum praedictorum, Desew de Gara praedicta Machouiensi banis, honore banatus Zeuriniensis vacante, Petro filio Henrici de Brezowycze tauarnicorum, Ladislao filio quondam Johannis vaivodae de Thamasy ianitorum, Stephano de Bathor dapiferorum, Ladislao Kompolth de Nana pincernarum, Nicolao de Peren agazonum nostrorum magistris et Stephano iuniori de antedicta Rozgon comite Posoniensi aliisque quam pluribus regni nostri comilatus tenentibus et honores.

Auf der Plica: Lecta et correcta.

<ku<Auf der Rückseite von einer Hand des 15. Jahrhunderts mit verblasster Tinte: Literae super nundinas oppidi. . .


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 293, 1 auf S. 294.^{^}
[S. 293]
1) Raum für die Verzierung des S freigelassen.^{^}
2) Bis hierher verlängerte Schrift.^{^}
[S. 294]
1) Über der Zeile nachgetragen.^{^}