Urkunde Nr. 1400 aus Band III

Seite im UB:

186-187 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1400

Kleinpold 1397 November 27 König Sigmund beauftragt Stibor, den Woiwoden von Siebenbürgen, beziehungsweise dessen Stellvertreter mit der Einführung Elisabeths, der Gattin Michaels von Kleinpold, in den Besitz der Hälfte von Kleinenyed.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera fidelibus suis viro magnifico domino Stiborio vaivodae partium nostrarum Transsiluanarum vel vicevaivodae eiusdem partibus in eisdem per ipsum constituto salutem et gratiam. Licet nos alias ad humilem requisitionis instantiam magistri Petri pro tunc vicevaivodae dictarum partium nostrarum Transsiluanarum portionem sive medietatem cuiusdam villae seu possessionis Kisenged vocatae, quae ut nobis ipse intimaverat Mathiae²⁾ filii Arnoldi de Apoldya hominis sine heredum solatio defuncti praefuisset, sibi ac magistro Dauid filio Martini de Albeus occupandam commiserimus et promiserimus conferendam, tamen accedente nunc ad nostrae maiestatis praesentiam domina Elizabeth consorte Mychaelis de dicta Apoldya filia scilicet annotati Mathei²⁾ nos ad ipsius humillimam supplicationem literas seu iura, quas et quae ipsa ad dictam medietatem possessionis Kisenged haberet, conspicientes ac revideri committentes ex eisdem nostra informata exstitit serenitas, sibi ad eandem medietatem seu portionem ius evidens et legitimum competere seu spectare. Unde nolentes ipsam huiusmodi iure suo indebite privari, sed potius eam in eodem conservari praetendentes fidelitati vestrae seriose committentes mandamus et edicimus praecipiendo, quatenus dictam medietatem seu portionem praelibatae possessionis Kisenged per ipsos magistros Petrum et Dauid ut praemittitur occupatam eidem dominae Elizabet remitti et resignari facere debeatis per eosdem ipsamque in eadem nullatenus aggravare seu impedire permittatis [S. 187] eisdem, sed ipsam in dominio eiusdem contra quoslibet impetitores protegere et conservare studeatis nostrae maiestatis in persona, iustitia mediante. Et hoc idem iniungimus futuris vaivodis et vicevaivodis dictarum partium Transsiluanarum dantes ipsis firmis similibus sub praeceptis. Praesentes etiam post lecturam reddi edicimus iugiter praesentanti. Datum in villa Apold praedicta, feria tertia proxima post festum beatae Katherinae virginis, anno domini M^mo CCC^mo nonagesimo septimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 186 (1 zu voranstehender Urkunde).^{^}

2) So Vorlage. [2x]^{^}