Urkunde Nr. 1409 aus Band III

Seite im UB:

209-210 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 32.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1409

Kronstadt 1398 Januar 9 König Sigmund beauftragt das Weissenburger Kapitel bei der Einführung Thomas', des Plebans von Kronstadt, und Genossen in den Besitz von Tohan mitzuwirken.

Sigismundus dei gratia rex Hungariae. Dalmaciae, Croaciae et cetera marchioque Brandemburgensis et cetera fidelibus suis capitulo ecclesiae Transsiluanae salutem et gratiam. Licet requirente consuetudinaria lege regni nostri tales possessiones, quas regia regni sui fidelibus proceribus confert maiestas, in casu quo tales,⁴⁾ quibus eaedem possessiones donantur, in dominium earundem se infra tempus consuetum anni scilicet versarium legitime statui facere neglexerint, vice versa eaedem possessiones in ius regale sunt devolutae,⁵⁾ tamen fideles nostri dilecti Anthonius filius Mychaelis de sancta Agatha ac Nicolaus filius Herbordi comes de Feketeuhalm necnon discretus vir dominus Thomas plebanus ecclesiae Brassouiensis ac Jacobus, Johannes et Cristianus filii quondam Mathiae ad quandam possessionem nostram Thoha appellatam, in districtu Brassouiensi praedicto existentem, ad castrum nostrum Terch vocatum pertinentem, alias titulo novae nostrae donationis ipsis pro fidelibus et gratuitis servitiis per ipsos nostrae maiestati exhibitis et impensis [S. 210] collatam et mediantibus aliis literis nostris exinde vigorose confectis perenniter donatam infra tempus ad id aptum asserunt se ipsos ex quadam negligentia minime statui fecisse, propter quod eadem possessio ad nostras e converso manus videretur devenisse. Volentes tamen nos ex meritis servitiorum dictorum domini Thomae plebani, Jacobi, Johannis et Cristiani, Anthonii et Nicolai donationem nostram exinde ipsis factam in vigoribus conservare ipsamque possessionem nostram Thoha eisdem non obstante exspiratione termini statutionis ante fatae iuxta formam donationis nostrae pristinae eo modo videlicet, quod ipsi et eorum successiva posteritas praefato castro nostro Terch vel eius castellano pro tempore constituto decem florenos auri circa festum sancti Georgii et totidem decem florenos auri circa festum beati Michaelis archangeli singulis annis effective administrare et persolvere debeant et teneantur, statui facere intendentes, mandamus igitur fidelitati vestrae firmiter per praesentes, quatenus vestrum mittatis hominem pro testimonio fide dignum, quo praesente Nicolaus filius Gothfridi aut Nicolaus filius Tylmani de Plasmar¹⁾ an Nicolaus plebanus de Rosinow aliis absentibus homo noster ad faciem praefatae possessionis Toha vicinis²⁾ et commetaneis eiusdem inibi legitime convocatis et praesentibus accedendo introducat praefatos Thomam plebanum cum fratribus suis praedictis videlicet Jacobo,³⁾ Johanne et Cristiano filiis quondam Mathiae ad tertiam partem iam dictae possessionis, ad aliam vero tertiam partem praefatum Anthonium, ad reliquam autem similiter tertiam partem aequalem memoratum Nicolaum iuxta series et continentias praedictarum aliarum literarum nostrarum donationalium, exinde alias ipsis emanatarum in dominium praelibatae possessionis Toha, statuatque ipsam eisdem sub praemisso nostrae novae donationis titulo perpetuo possidendam, si non fuerit contradictum. Contradictores vero si qui fuerint, citet ipsos contra eosdem Thomam plebanum, Jacobum, Johannem et Cristianum, Anthonium et Nicolaum in praesentiam vaivodae nostri Transsiluani ad terminum competentem rationem contradictionis eorum reddituros. Et post haec ipsius possessionariae introductionis et statutionis seriem cum nominibus contradictorum et citatorum si qui fuerint terminoque assignato eidem vaivodae nostro more solito rescribatis. Datum Brassouiae, feria quarta proxima post festum epiphaniarum domini, anno eiusdem M^o C^o C^o C^o nonagesimo octavo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 4-5 auf S. 209 (1-3 zu voranstehender Urkunde), 1-3 auf S. 210.^{^}
[S. 209]
4) Vorlage: talis.^{^}
5) Vorlage: devulutae.^{^}
[S. 210]
1) So Vorlage.^{^}
2) ci übergeschrieben.^{^}
3) Hierauf: Jacobo [unterpunktet].^{^}