Urkunde Nr. 1565 aus Band III

Seite im UB:

406-408 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 32.

Druckvorlage:

nach Original

Abdruck als:

Volltext

Sprache:

Latein

---

1565

1406 April 18 König Sigmund bekräftigt für Thomas, den Pleban von Kronstadt, und Genossen die Urkunde des Königs Sigmund von 1395 Nr. »1358, ferner die Urkunde des Weissenburger Kapitels von 1399 Nr. »1429 mit der Urkunde des Königs Sigmund von 1398 Nr. »1409, betreffend die Besitzung Tohan.

[S]igismundus³⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus praesentibus pariter et futuris praesentium notitiam habituris salutem in omnium salvatore. Ordo suadet aequitatis et ad apicem regalis pertinet dignitatis, ut ea quae ex collatione regia rite processerunt illibata conserventur, et quae a fidelibus iuste petuntur ad exauditionis gratiam admittantur. Proinde ad universorum tam praesentium quam futurorum notitiam harum serie volumus pervenire, quod cum nos praelatorum, baronum et potiorum regni nostri procerum communicato⁴⁾ consilio et sana deliberatione exinde subsecuta id statuentes decreverimus et ubique in regno nostro fecerimus publice proclamari, ut universae literae excellentissimi principis domini Lodouici Hungariae regis et cetera patris et soceri nostri carissimi sub ipsius secreto sigillo tantummodo, ac serenissimarum principum dominarum Elizabet matris et Mariae contoralis reginarum dicti regni Hungariae nostrarum carissimarum felicium recordationum necnon nostrae sub earum atque nostris tam maioribus quam minoribus sigillis super factis quibusvis praesertim possessionariis, quibuscumque personis dignitate quavis et conditione fungentibus ecclesiasticis et saecularibus datae et assignatae pro tollendo omni dubio, removendo scandalo et ad evitanda multa atque varia, quae propter sigillorum ipsarum dominarum [S. 407] reginarum atque nostrorum deperditionem ac nostri maioris videlicet duplicis ex causis et rationibus legitimis confractionem in multorum iuribus et praesertim possessionariis damna gravia et periculosa detrimenta hactenus evenire potuerunt, a festo beati Georgii martyris iam proxime praeterito usque festum eiusdem primitus affuturum¹⁾ sub poena revocationis, annullationis et cassationis huiusmodi literarum non producendarum per nos videndae, examinandae et si opus fieret sub praesenti nostro maiori sigillo de novo praeparato confirmandae, approbandae et ratificandae nostrae claritatis exhiberi deberent conspectui et praesentari, tandem fidelis noster Anthonius filius Mychaelis de sancta Agata civis Brassouiensis sua necnon discreti viri domini Thomae plebani ecclesiae de dicta Brassouia, item Johannis, Jacobi et Cristiani filiorum quondam Mathiae de dicta sancta Agatha ac Nicolai filii quondam Nicolai filii Herbordi comitis de Feketewhalm in personis in nostrae maiestatis veniens conspectum exhibuit nobis quasdam duas literas unam videlicet nostram patentem, maiori authentico, simplici, ut praefertur rationabiliter in partes dissecato et permactato sigillo a tergo consignatam super donatione et perennali collatione cuiusdam possessionis nostrae regalis Thoha appellatae, ad castrum nostrum Terch spectantis castroque ab eodem per nos segregatae, in districtu Brassouiensi situatae sub certa solutione seu pensione annuali in certis terminis ad idem castrum Terch vocatum perpetuo fieri debenda necnon aliis conditionibus inferius in tenore earundem limpidius declaratis, et aliam honorabilis capituli ecclesiae Transsiluanensis privilegialem super possessionis eiusdem legitima statutione pro eisdem Thoma plebano necnon Johanne, Jacobo, Cristiano, Anthonio et quondam Nicolao ipsorumque Johannis, Jacobi, Cristiani, Anthonii et quondam Nicolai heredibus rite factis confectas tenorum subsequentium, supplicans exinde idem Anthonius nominibus quibus supra maiestati nostrae humiliter et devote, ut easdem literas ratas, gratas et acceptas habendo nostrisque literis privilegialibus sub praedicto novo nostro authentico sigillo emanandis verbotenus inseri et conscribi faciendo pro praedictis Thoma plebano, Johanne, Jacobo, Cristiano, Anthonio et Nicolao ipsorumque Johannis, Jacobi, Cristiani, Anthonii²⁾ et Nicolai duntaxat heredibus et posteritatibus universis innovantes perpetuo valituras dignaremur confirmare. Quarum unius ut puta ipsius nostrae patentis literae tenor per omnia sequitur in haec verba. (Folgt die Urkunde des Königs Sigmund von 1395 Nr. »1358.) Alterius siquidem videlicet capituli annotati literae privilegialis series dignoscitur fore talis. (Folgt die Urkunde des Weissenburger Kapitels von 1399 Nr. »1429 mit der Urkunde des Königs Sigmund von 1398 Nr. »1409.) Nos igitur humillimis et devotis ante fati Anthonii supplicationibus ante latis, nostro per eum suo et nominibus quibus supra subiective oblatis culmini regia benignitate exauditis et clementer admissis praefatas duas literas nostram videlicet patentem et annotati capituli privilegialem, non abrasas, non cancellatas nec in aliqua sui parte suspectas sed omni prorsus suspicionis vitio carentes, immo merae et sincerae veritatis integritate praepollentes [S. 408] praesentibusque verbaliter sine diminutione et augmento aliquali insertas quoad omnes earum continentias, articulos et clausulas acceptamus, approbamus et ratificamus, ipsas nihilominus requirentibus praefatorum Thomae plebani, Johannis, Jacobi, Cristiani, Anthonii et Nicolai fidelitatibus et fidelium servitiorum laude dignis meritis ac sinceris complacentiis nobis per ipsos locis et temporibus incumbentibus fideliter et sedule exhibitis et impensis simul cum donatione perennalique collatione ac legitima statutione possessionaria praemissis necnon omnibus et singulis conditionibus et articulis superius in tenore praescriptarum geminarum literarum limpidius contentis et expressis mera auctoritate regia et potestatis plenitudine ac ex certa nostrae maiestatis scientia praelatorumque et baronum nostrorum consilio praematuro ac uniformi eorundem decreto pro praescriptis Thoma plebano, Johanne, Jacobo, Cristiano, Anthonio et Nicolao filio quondam Nicolai ipsorumque Johannis, Jacobi, Cristiani, Anthonii et Nicolai duntaxat heredibus et posteritatibus universis innovantes perpetuo valituras confirmamus praesentis scripti nostri patrocinio mediante, salvis iuribus alienis. In cuius rei memoriam firmitatemque perpetuam praesentes concessimus literas nostras privilegiales, pendentis authentici sigilli nostri novi duplicis munimine roboratas. Datum per manus reverendi in Christo patris domini Eberhardi eadem dei et apostolicae¹⁾ sedis gratia episcopi Zagrabiensis, aulae nostrae summi cancellarii fidelis nostri dilecti, anno domini Mmo quadringentesimo sexto, quarto decimo Kalendas Maii, regni autem nostri anno decimo octavo. Venerabilibus in Christo patribus dominis Valentino tituli sanctae Sabinae sacrosanctae Romanae ecclesiae presbytero cardinali et ecclesiae Quinqueecclesiensis gubernatore, Johanne Strigoniensi, Colocensi et Jadrensi sedibus vacantibus, Andrea Spalatensi et altero Andrea Ragusiensi archiepiscopis, Varadiensi sede vacante, Stephano Transsiluanensi, eodem domino Eberhardo Zagrabiensi, Agriensi sede vacante, Johanne²⁾ Boznensi, Wesprimiensi sede vacante, Johanne Jaurensi, Vaciensi sede vacante, fratribus Dosa Chanadiensi et Hynkone Nitriensi electis ac Thoma Senniensi ecclesiarum episcopis ecclesias dei feliciter gubernantibus, Sirimiensi, Traguriensi, Scardonensi, Tininiensi, Nonensi, Sibinicensi, Macharensi, Pharensi et Corbauiensi sedibus vacantibus. Necnon spectabili et magnificis viris domino Hermanno comite Cilii ac Zagoriae Dalmaciaeque et Croaciae praedictorum ac Sclauoniae regnorum nostrorum bano socero nostro carissimo, Nicolao de Gara regni nostri Hungariae praedicti palatino, Johanne et Jacobo vaivodis nostris Transsiluanis, comite Frank filio quondam Koniae bani iudice curiae nostrae, Johanne de Maroth bano Machouiensi, honore banatus Zeuriniensis vacante, Nicolao Treucel de Nonna tavarnicorum et comite de Posega, Symone filio praedicti quondam Konyae bani ianitorum, Johanne Groffh comite de Corbauia dapiferorum, Johanne filio Gregorii pincernarum, Petro Cheeh agasonum nostrorum magistris et Silstrangh comite Posoniensi aliisque quampluribus regni nostri comitatus tenentibus et honores. [S. 409]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 406 (1-2 zu voranstehender Urkunde), 1-2 auf S. 407, 1-2 auf S. 408.^{^}
[S. 406]
3) Raum für S leer gelassen.^{^}
4) Vorlage: comnicato. Der Abkürzungsstrich fehlt.^{^}
[S. 407]
1) 1405 April 24 bis 1406 April 24.^{^}
2) Vorlage: Anthoni.^{^}
[S. 408]
1) Hierauf: et apostolicae.^{^}
2) Vorlage: Johannensi.^{^}