Urkunde Nr. 1422 aus Band III
- Seite im UB:
- 227
- Heute in:
- Budapest, Ungarisches Landesarchiv [Magyar Országos Levéltár]
- Druckvorlage:
- nach Einschaltung (Insert)
- Abdruck als:
- Volltext
- Sprache:
- Latein
1422
Szeremle 1398 November 15 König Sigmund verleiht Anna und Katherina, den Töchtern Johanns von Varadja, und allen ihren Nachkommen die Besitzung Varadja zu vollem Eigentum. Eingeschaltet von König Sigmund 1410 [= UB Nr.
»1643], Orig. Ungar. Landesarchiv Budapest.
Nos Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera memoriae commendantes tenore praesentium significamus quibus expedit universis, quod magnificus vir dominus Stiborius vaivoda partium nostrarum Transsiluanarum fidelis noster dilectus nostram accedendo in praesentiam fidelitatibus et fidelium servitiorum meritis Johannis filii Petri de Waradya quondam vicevaivodae dictarum partium nostrarum Transsiluanarum per ipsum nostrae maiestati locis et temporibus incumbentibus et praesertim in personali conflictu nostrae maiestatis cum Bayzath domino Turcorum prope castrum maioris Nikapolis habito et commisso sub vexillo suo existendo exhibitis et impensis, in quo quidem conflictu idem deperditus haberetur et ut fertur vitam finiisse temporalem, propositis et declaratis nostrae humiliter supplicavit maiestati, ut nobiles puellas Anna et Katherina vocatas filias dicti Johannis filii Petri quondam vicevaivodae in possessione paterna earundem Waradya praedicta in comitatu Albensi in dictis partibus Transsiluanis habita in veros heredes et legitimos successores uti filios masculinos dicti Johannis patris ipsarum praeficere, creare et instituere dignaremur. Nos igitur tum supplicationibus dicti domini Stiborii vaivodae aequiescentes tum consideratis praemissis fidelitatibus et fidelium servitiorum meritis ipsius quondam Johannis patris earundem tum etenim inopiis et paupertatibus earundem pie compatientes, ne eaedem iuribus paternis destitutae sub tectis latitare cogantur alienis, dictas nobiles puellas Anna et Katherina vocatas filias dicti Johannis filii Petri vicevaivodae de regiae pietatis largiflua clementia et gratia speciali in praefata possessione earum paterna Waradya appellata in veros heredes et legitimos successores uti filios ipsius Johannis praefecimus, creavimus et instituimus, immo praeficimus et creamus dictam possessionem eisdem ipsarumque heredibus et posteritatibus universis irrevocabiliter in perpetuam ascribentes hereditatem praesentium patrocinio mediante, salvis iuribus alienis. Datum in Zeremlyen, feria sexta proxima post festum beati Briccii confessoris, anno domini millesimo trecentesimo nonagesimo octavo.