Urkunde Nr. 1643 aus Band III

Seite im UB:

490-492 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1643

1410 Juni 24 König Sigmund bekräftigt für Anna und Katherina, die Töchter Johanns von Varadja, die Urkunde des Königs Sigmund von 1398 Nr. »1422, betreffend das den genannten Töchtern und allen ihren Nachkommen hinsichtlich der Besitzung Varadja verliehene Eigentumsrecht.

[S]igismundus²⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamerarius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Regum circumspectio sic solet sibi subiectos prospicere, ut si eis deficit solatium filiorum tamen de propinquis suis heredes sibi instituere possint pariter et successores beneficio principali. Proinde ad universorum praesentium futurorumque notitiam harum serie volumus pervenire, quod fidelis noster Jacobus filius Stephani de Gyogh in personis nobilium dominae Annae et puellae³⁾ Katherinae vocatarum filiarum Johannis filii Petri de Waradya quondam vicevaivodae Transsiluani nostram veniens in praesentiam exhibuit nobis quasdam literas nostras patentes, maiori priori sigillo nostro alias rationabilibus ex causis confracto et permactato a tergo consignatas, quibus mediantibus serenitas nostra ipsas nobiles dominam et puellam in veros heredes et legitimus successores masculinos ipsius Johannis filii Petri de dicta Varadya patris videlicet ipsarum in eadem Varadya in comitatu Albensi in partibus Transsiluanensibus habita praefecisse, creasse et instituisse eandemque possessionem eisdem in perpetuam hereditatem ascripsisse dignoscitur, tenoris subnotandi. Supplicans exinde idem Jacobus nominibus quibus supra claritati nostrae humiliter et devote, ut easdem literas nostras ratas, gratas et acceptas habendo nostrisque literis privilegialibus sub moderno nostro maiori authentico novo duplici sigillo emanandis verbaliter inseri et conscribi faciendo pro ipsis nobilibus domina et puella ipsarumque heredibus et posteritatibus universis innovantes perpetuo valituras dignaremur confirmare. Quarum tenor sequitur per omnia et est talis. (Folgt die Urkunde des Königs Sigmund [S. 491] von 1398 Nr. »1422.) Nos igitur humillimis et devotis praefati Jacobi filii Stephani supplicationibus nostrae per eum nominibus quibus supra subiective oblatis maiestati regia benignitate exauditis et clementer admissis praefatas literas nostras non abrasas, non cancellatas nec in aliqua sui parte suspectas sed omni prorsus suspicionis vitio carentes immo merae veritatis integritate praepollentes praesentibusque literis nostris privilegialibus verbaliter insertas quoad omnes earum continentias, clausulas et articulos acceptamus, approbamus et ratificamus, eas nihilominus requirentibus praefati Jacobi fidelitatibus et fidelium servitiorum virtuosis meritis et acceptis complacentiis per ipsum nobis et sacro nostro diademati sub varietatibus locorum et temporum laudabiliter exhibitis et impensis simul cum praemissis praefectione praefatarum nobilium dpminae et puellae in filios et heredes masculinos ante fati Johannis filii Petri possessionisque praedictae Waradya eisdem dominae et puellae in perpetuam hereditatem ascriptione et¹⁾ aliis omnibus et singulis superius in tenore ipsarum literarum nostrarum latius contentis et expressis mera auctoritate regia et potestatis plenitudine ac ex certa scientia nostrae maiestatis, de consensu etiam et beneplacito serenissimae principis dominae, Barbarae reginae consortis nostrae dilectae necnon praelatorum et baronum nostrorum consilio praematuro et uniformi decreto eorundem pro praefatis nobilibus domina Anna et puella Katerina vocatis ipsarumque heredibus et posteritatibus universis in aevum valituras innovando, non obstante non exhibitione ipsarum literarum nostrarum iuxta formam generalis nostri decreti alias una cum praelatis et baronibus nostris de et super confirmandis inter cetera nostris literis sub prioribus nostris deperditis et permactatis sigillis emanatis infra certum tempus sub poena revocationis et cassationis huiusmodi literarum nostrarum non producendarum et confirmandarum editi, durante huiusmodi temporis intervallo fieri debenda, confirmamus praesentis scripti nostri patrocinio mediante, salvis duntaxat iuribus alienis. In cuius rei memoriam firmitatemque perpetuam praesentes concessimus eisdem literas nostras privilegiales pendentis, authentici sigilli nostri novi duplicis praedicti munimine roboratas. Datum per manus reverendi in Christo patris domini Eberhardi Zagrabiensis episcopi, aulae nostrae summi cancellarii fidelis nostri dilecti anno domini millesimo quadringentesimo decimo, octavo Kalendas Julii, regni autem nostri anno vigesimo tertio. Venerabilibus in Christo patribus dominis Johanne Strigoniensi, Andrea Spalatensi et altero Andrea Eagusiensi archiepiscopis, Colocensi et Jadrensi sedibus vacantibus, eodem domino Eberhardo Zagrabiensi, Andrea electo Waradiensi, Stephano Transsiluanensi, Johanne Quinqueecclesiensi, Benedicto Boznensi electis, Johanne Jauriensi fratribus Philippo Waciensi, Dosa Chanadiensi, Hynkone Nitriensi, Ladislao Tininiensi et Thoma Senniensi ecclesiarum episcopis ecclesias dei feliciter gubernantibus, Agriensi, Wesprimiensi, Syrimiensi, Traguriensi, Sibinicensi, Nonensi, Scardonensi, Makarensi, Pharensi et Corbauiensi sedibus vacantibus. Necnon magnificis viris Nicolao de Gara regni Hungariae praedicti palatino, Stiborio de Stiborich vaivoda nostro Transsiluano, comite Symone de Rozgon iudice curiae nostrae, comite Karolo de [S. 492] Corbauia, Dalmaciae et Croaciae regnorum praedictorum, Ladislao et Emerico filiis quondam Bartholomei de Wylak Machouiensi banis, totius Sclauoniae et Zeuriniensis banatuam honoribus vacantibus, Johanne Bubek de Pelsouch tavarnicorum, Johanne filio Herrici de Thamasi ianitorum, Johanne Groff de dicta Corbauia dapiferorum, Johanne filio Gregorii de Alsan pincernarum, Petro Cheh agasonum nostrorum magistris, Cristoforo comite Posoniensi aliisque quampluribus regni nostri comitatus tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 490 (1 zu voranstehender Urkunde), 1 auf S. 491.^{^}
[S. 490]
2) Verlängerte Schrift. -- Raum für S leer gelassen.^{^}
3) Vorlage: puella.^{^}
[S. 491]
1) Fehlt in der Vorlage.^{^}