Urkunde Nr. 154 aus Band I

Seite im UB:

116-117

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 2.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

154

1272 Mai 23 König Stephan V. bestätigt den von ihm dem Cisterzienserkloster Kerz 1264, Nr. »107, ertheilten Schutzbrief.

Stephanus dei gratia Vngariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex Omnibus Christi fidelibus praesentes literas inspecturis salutem in omnium salvatore. Ad universorum notitiam harum serie volumus pervenire, quod frater Pertoldus abbas ecclesiae beatae virginis de Kyrch ordinis Cysterciensis ad nostram accedens praesentiam exhibuit nobis privilegium nostrum tempore ducatus nostri Transsiluani super gratia populis eiusdem ecclesiae per nos facta confectum, petendo devote, ut ipsum privilegium denuo cum nostro praesenti privilegio dignaremur confirmare. Cuius tenor talis est. (Folgt die Urkunde des Königs Stephan von 1264 Nr. »107.) Nos igitur ipsum privilegium tempore ducatus [S. 117] nostri super huiusmodi gratia populis eiusdem ecclesiae per nos facta confectum ratum habentes et acceptum, de verbo ad verbum praesentibus insertum, auctoritate praesentium duximus confirmandum. In cuius rei memoriam firmitatemque perpetuam praesentes concessimus literas duplicis sigilli nostri munimine roboratas. Datum per manus magistri Benedicti praepositi ecclesiae Orodiensis, aulae nostrae vicecancellarii dilecti et fidelis nostri, anno domini M^o. CC^o. LXX^o. secundo, decimo Kalendas Junii, indictione XV^a , regni autem nostri anno secundo. Venerabilibus patribus Phylippo Strigoniensi perpetuo comite eiusdem loci, Stephano Colocensi aulae nostrae cancellario¹⁾ et Johanne Spalatensi archiepiscopis, Lamperto Agriensi, Job Quinqueecclesiensi comite Musuniensi, Briccio Chanadiensi, Philippo Waciensi aulae dominae reginae cancellario, Paullo Wesprimiensi, Thymoteo Zagrabiensi, Lodomerico Waradiensi, Dyonisio Jauriensi et Petro Transsiluano episcopis, ecclesias dei feliciter gubernantibus. Moys palatino comite Supruniensi, iudice Cumanorum, Nicolao iudice curiae, comite Symigiensi, Egidio magistro tavernicorum, comite Posoniensi, Joachyno bano totius Sclauoniae, Matheo vaivoda Transsiluano, comite de Zonuk, Laurencio bano de Zeurino, comite de Doboka, Petro magistro dapiferorum, comite de Grechke, Alberto magistro agasonum, comite de Scibinio, Philippo magistro pincernarum, Paulo comite Bachiensi, Gregorio magistro tavernicorum dominae reginae, comite castri Ferrei, Ponith bano comite Zaladiensi, Mychaele comite Nitriensi et aliis quam pluribus comitatus regni tenentibus et honores.


1) Vorlage: cancellarii.^{^}