Urkunde Nr. 1445 aus Band III

Seite im UB:

246-247 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 27.

Druckvorlage:

nach Original

Abdruck als:

Volltext

Sprache:

Latein

---

1445

Rom bei St. Peter [1399] Dezember 15 Papst Bonifaz IX. stellt zur Förderung der gegenüber den Griechen, Walachen, Bulgaren und Armeniern in Kronstadt zu entfaltenden Bekehrungsthätigkeit einen Ablassbrief aus.

[S. 247] Bonifatius¹⁾ episcopus servus servorum dei universis Christi fidelibus praesentes literas inspecturis salutem et apostolicam benedictionem. Sacrosanctae fidei catholicae augmentationi manum porrigere adiutricem pium apud deum meritorium reputantes libenter Christi fideles ad impendendum augmentationi huiusmodi sui corporis vires nostris literis exhortamur et, ut ad id fideles ipsi eo fortius animentur quo magis animorum commoda se speraverint adipisci, nonnumquam pro his spiritualia eis munera indulgentias videlicet et remissiones elargimur. Cum itaque sicut accepimus in oppido de Corona seu vulgariter Brascho nuncupato Strigoniensis diocesis in confinibus christianitatis situato, in quo tam Grecorum, Walachorum, Bulgarorum, Armenorum quam aliorum infidelium multitudo quandam ecclesiam in oppido praedicto pro eorum usu et cultu deorum habentium una cum Christi fidelibus inibi degentibus habitat et moratur, quamplures de huiusmodi et aliis infidelibus pro tempore advenientibus gratia divina inspirati se ad fidem praedictam convertere et veteri sorde et macula in sacro fonte baptismatis mundari desiderant et proponunt laudabiliter permanere et, nisi in huiusmodi eorum pio proposito et desiderio laudabili conserventur et assiduis instructionibus, auxiliis et favoribus confortentur, de totali huiusmodi desiderii et propositi omnium ipsorum collapsu verisimiliter formidetur. Nos igitur qui fidem praedictam nostris temporibus adaugeri intensis desideriis affectamus, universitatem vestram rogamus, monemus et hortamur in domino vobis nihilominus in remissionem²⁾ peccaminum iniungentes, quatenus sic infideles ipsos in huiusmodi eorum proposito et desiderio assiduis informationibus bonorumque verborum exemplis conservare et quotidie confortare eisque subveniendo vestrumque ad hoc pium et fructuosum praestando auxilium et favorem studeatis, ut per hoc infideles ipsi valeant et debeant huiusmodi eorum desiderium et propositum feliciter adimplere vosque per haec et alia bona quae domino inspirante feceritis possitis ad aeternae felicitatis gaudia pervenire. Nos enim de omnipotentis dei misericordia et beatorum Petri et Pauli apostolorum eius auctoritate confisi omnibus vere poenitentibus et confessis, qui infideles ipsos ad huiusmodi eorum propositum et desiderium feliciter assequendum ut praemittitur confortaverint et ad hoc eis subveniendo praestaverint eorum auxilium et favorem, quatuor annos et totidem quadragenas de iniunctis eis poenitentiis misericorditer relaxamus praesentibus perpetuis futuris temporibus duraturis. Datum Romae apud sanctum Petrum, XVIII Kalendas Januarii, pontificatus nostri anno undecimo.

Unten links, von der Kanzlei: A. de Portuguario.

Auf der Rückseite, auf dem unteren umgebogenen Rande links, vom Schreiber der Urkunde: Gratis de mandato domini nostri papae. Ic. de Ferentino.

Auf der Rückseite, von der Kanzlei: Regestrata. [S. 248]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 246 (alle in Siegelbeschreibung), 1-2 auf S. 247.^{^}
b) Druckbild der Siegelumschrift im UB mit Sonderzeichen außerhalb des Windows-Zeichensatzes als »Abb..^{^}
c) Eine Abbildung der Bulle nach Nr. »1487 von 1403 findet sich im Tafelanhang des UB, Tafel II Bild 5 und 6.^{^}
[S. 246]
1) Zweite Zeile.^{^}
2) Dritte Zeile.^{^}
3) Beide S mit Abkürzungschleife.^{^}
[S. 247]
1) Verlängerte Schrift.^{^}
2) Vorlage: remissionum.^{^}

Abb.