Urkunde Nr. 1487 aus Band III

Seite im UB:

294-296 ^a)

Druckvorlage:

nach Original

Abdruck als:

Volltext

Sprache:

Latein

---

1487

Rom bei St. Peter [1403] Februar 12 Papst Bonifaz IX. beauftragt den Hermannstädter Dekan mit dem Schutze der Dekanate Mediasch, Schelk, Keisd, Kosd, Mühlbach, Bistritz, [Regen /] Reen, Baierdorf und Broos gegenüber dem siebenbürgischen Bischof, betreffend die letztwilligen Verfügungen der Geistlichen. [S. 295]

Bonifatius episcopus servus servorum dei dilecto filio . . decano ecclesiae Cybiniensis, Strigoniensis diocesis salutem et apostolicam benedictionem. Justis et honestis supplicum votis libenter annuimus eaque favoribus prosequimur opportunis. Exhibita siquidem nobis pro parte dilectorum filiorum universorum decanorum et plebanorum ac rectorum parochialium ecclesiarum in territoriis decanatuum de Medies, de Schelk, de Kizd, de Kozd, de Sebes, de Pistricia, de Pluuea, de Karalia et de Brasio Transiluanae diocesis petitio continebat, quod licet ipsi et singuli ipsorum de iure communi de bonis per eos licite et alias quam per ecclesias eis commissas acquisitis et ad personas eorum pertinentibus testari licite ac libere possint alicuius super hoc licentia minime requisita, tamen nonnulli episcopi Transiluani qui fuerunt pro tempore a multis transactis temporibus eosdem decanos, plebanos ac rectores impediverunt, quominus ipsi de huiusmodi bonis eorum, ut praefertur, testari et de ipsis in eorum ultimis voluntatibus disponere valeant, et quod huiusmodi eorum testamenta ac ultimae voluntates executioni debitae demandari possint, impedire contra iustitiam praesumpserunt in ipsorum decanorum, plebanorum et rectorum praeiudicium non modicum et gravamen. Quare pro parte eorundem decanorum, plebanorum et rectorum nobis fuit humiliter supplicatum, ut eis super praemissis de opportuno remedio providere de benignitate apostolica dignaremur. Nos igitur huiusmodi supplicationibus inclinati discretioni tuae per apostolica scripta committimus et mandamus, quatenus auctoritate apostolica¹⁾ venerabili fratri nostro . .²⁾ episcopo Transiluano, qui nunc est et qui pro tempore fuerit, sub excommunicationis et aliis poenis inhibeas, ne decanos aut plebanos seu rectores eosdem, qui sunt et erunt pro tempore, quominus ipsi de bonis huiusmodi ad personas eorum pertinentibus, ut praefertur, libere testari et de illis in ultimis eorum voluntatibus disponere valeant ipsaque testamenta per eos facta et eorum ultimae voluntates executioni debitae demandari possint iuxta sacrorum canonum instituta, impedire quoquo modo praesumant. Et nihilominus legitimis per te super his habendis servatis processibus eos quoties expediverit aggravare procures contradictores auctoritate nostra appellatione postposita compescendo invocato ad hoc, si opus fuerit auxilio [etiam]³⁾ brachii saecularis, non obstantibus si eidem episcopo, qui nunc est et pro tempore fuerit, vel quibusvis aliis communiter vel divisim a sede apostolica indultum existat, quod interdici, suspendi vel excommunicari non possint, per literas apostolicas non facientes plenam et expressam ac de verbo ad verbum de indulto huiusmodi mentionem. Datum [S. 296] Romae apud sanctum Petrum, II Idus Februarii, pontificatus nostri anno quarto decimo.

Unten rechts, von der Kanzlei: L.¹⁾ Computatum.²⁾

Auf der Rückseite, auf dem unteren umgebogenen Pergamentrande links, vom Schreiber der Urkunde: Regestrata gratis. Jo. Grennus.

Auf der Rückseite, von der Kanzlei: Regestrata.

Auf der Rückseite, von gleichzeitiger Hand: Soluta in [ ].³⁾


a) Erster Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 295, 1-3 auf S. 296 (dortige 4 zu nachfolgender Urkunde;Fußnote 1 sowohl hier wie auch in nachfolgender Urkunde verwendet).^{^}
b) Im UB III Abbildung der Bulle Papst Bonifaz IX. auf Tafel II, Bild 5 und 6 (Avers und Revers); unten als »Abb. ^{^}
[S. 295]
1) Auf Rasur.^{^}
2) Stephan.^{^}
3) Schrift geschwunden. -- auxilio steht auf dem rechten Rand der Urkunde und wird durch ,, in den Text verwiesen. Wahrscheinlich sind die ,, vor etiam gestanden.^{^}
[S. 296]
1) So Vorlage.^{^}
2) Vorlage: Abkürzungszeichen für con.^{^}
3) Schrift geschwunden, etwa acht Buchstaben breit.^{^}

Abb.