Urkunde Nr. 1461 B aus Band III

Seite im UB:

267-269 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 3.

Druckvorlage:

nach Original

Abdruck als:

Volltext

Sprache:

Latein

---

1461 B

Hermannstadt 1402 März 29 Beide Nikolaus, Woiwoden von Siebenbürgen, stellen für die Hermannstädter Kaufleute einen Schutz- [S. 268] brief aus, betreffend die Reise von Hermannstadt nach Österreich insbesondere nach Wien und zurück.

Nos uterque Nicolaus filii Stephani, vaivodae Transsiluanenses ac Themesienses et de Zolnuk comites et cetera iudicesque Comanorum notum facimus universis, quibus incumbit per praesentes, quod cum nos iuxta voluntatem et dispositionem serenissimi principis et domini, domini Sigismundi dei gratia illustris regis Hungariae, domini nostri naturalis tempore, quo sua maiestas volente deo caeli nos ad dignitatem officii vaivodatus Transsiluanensis perhibetur sublimasse, et in eiusdem regiae maiestatis persona nos gressus nostros versus ipsas partes Transsiluanas et interim ad civitatem Cibiniensem duxissemus dirigendos, inibi iudex, iurati consules seniores et universi populi et hospites signanter mercatores Cibinienses in nostram venientes praesentiam nobis humiliter supplicarunt, quod quia ipsis praesertim mercatoribus ante dictis via Viennensis, in qua cum eorum rebus mercimonialibus libere et absque omni impedimento et in ipsorum negotiationibus secure transire deberent et redire, praeclusa haberetur et non libera, ideo ipsis damnum ingens eveniret, immo etiam nec ad obsequia regiae dignitati per ipsos exhibenda commode et perfecte praevia ratione opportuno tempore possent se promptos bono modo conservare. Supplicantes nobis exinde humili mente, ut in persona et auctoritate dictae regiae maiestatis ipsis super his de remedio provideremus opportuno. Nos igitur ad utilitatem huius regni reique publicae commodum invigilare volentes praesertim, ut fideles incolae regiae dignitatis in ipsa civitate Cibiniensi incolatum facientes sicuti numero sic et fidelitate augeantur, potissime tamen pro eo, quod²⁾ nos ipsos cives mercatores ac universos populos et hospites Cibinienses praefato domino nostro regi et suae sacrae coronae sine omni haesitationis scrupulo in omnibus eorum actibus, factis et voluntatibus fideles fore reperimus et cognovimus evidenter, pro eo nos his omnibus consideratis eisdem civibus et mercatoribus Cibiniensibus in persona et auctoritate dictae regiae maiestatis per suam clementiam nobis concessa mediante annuendo duximus concedendum, ut ipsi vel quilibet ipsorum cum omnibus eorum rebus mercimonialibus, cuiusvis generis, speciei vel maneriei existant, a dicta civitate regali Cibiniensi versus Austriam praesertim civitatem Viennensem sine omni impedimento eundi et abinde redeundi toties, quoties necesse fuerit et opportunum, iusto ipsorum et consueto tributo, ubi opus fuerit, persoluto liberam, [S. 269] tutam et absolutam a modo in antea habeant facultatem praesentium patrocinio mediante. Quocirca vos universos fratres et amicos nostros carissimos praelatos, barones, comites, castellanos, nobiles, officiales item civitates et liberas villas earumque¹⁾ rectores iudices et villicos has nostras literas inspecturos praesentibus sinceris rogamus affectibus, vobisque nostris dilectis subditis castellanis, officialibus vestrasque vices gerentibus harum serie firmiter committimus et mandamus, quatenus dictos cives et mercatores Cibinienses in huiusmodi eorundem processibus cum eorum rebus et bonis ab ipsorum propriis²⁾ versus dictas partes Austriae et dehinc ad eorum propria quandocumque fiendis in eisdem rebus aut personis eorum disturbare aut damnificare nullatenus velitis et nec debeatis modo aliquali, sed sinatis eos cum eorum rebus mercimonialibus universis semper et ubique de vestris possessionibus, tenutis, honoribus vestri de medio ac vestrorum tributorum locis iusto eorum tributo persoluto libere et pacifice abire et pertransire, salvis ipsorum rebus et personis. Aliud facere non velitis. Datum Cibinii praedicta, feria quarta proxima post festum Passcae domini, anno eiusdem millesimo quadringentesimo secundo.


a) Erster Seitenumbruch im Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 268 (1 in Siegelbeschreibung), 1-2 auf S. 269 (dortige 3 zu nachfolgender Urkunde).^{^}
b) Druckbild der Siegelumschrift im UB mit Sonderzeichen außerhalb des Windows-Zeichensatzes unten als »Abb..^{^}
[S. 268]
1) d mit Abkürzungszeichen. [2x]^{^}
2) Vorlage: ut.^{^}
[S. 269]
1) Vorlage: eorumque.^{^}
2) Vorlage: propria.^{^}

Abb.