Urkunde Nr. 1488 aus Band III

Seite im UB:

296-297 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1488

Bistritz 1403 April 12 Der Rat von Bistritz bezeugt, dass der Stadtrichter Peter Creczemer von Margaretha, der Wittwe des Comes Peter, und Genossen ein Steinhaus in Bistritz gekauft hat.

Ne oblivioni facta hominum tradantur in tempore signis memoriae continuis per praesentes soleant futuris manifestare.¹⁾ Quam ob rem nos Johannes Koetteler, Michael sartor, Leonardas Obil, Georgius ruffi Andreae, Johannes Walndoerffer et longus Nicolaus cum ceteris iuratis civitatis Bistriciae civibus volumus praesentibus non latere singulis et quibus expedit universis pro praesenti et in futurum viventibus, quomodo quidam providus vir Petrus Creczemer tunc temporis iudex nostrae universitatis rite et rationabiliter atque iusta forisatione emit et comparavit domum lapideam circa aciem in via lapidea sicut de foro transitur ad beatam virginem ad sinistram scilicet partem, a domina Margaretha quondam comitis Petri relicta et domina Katherina comitis Bartholomei in Theca et magistro Jacobo in Theca scholarium rectore⁴⁾ et Leonardo corrigiatore ibidem tamquam a veris et legitimis heredibus pro mille florenis communis pagimenti videlicet XXXII grossos pro floreno computando. Quam et in quam summam ante dictus Petrus Creczemer ipsis annotatis et praeascriptis heredibus scilicet Margarethae, Katherinae, magistro Jacobo et Leonardo corrigiatori totaliter et integre solvendo expedivit. Eapropter ipsa Margaretha, Katherina, magister Jacobus et Leonardus loco ipsorum eorundem et heredum et successorum suorum ante dictam domum ipsi Petro Creczemer et uxori suae videlicet dominae Elyzabeth ipsorum et heredibus eorundem et heredum successoribus dederunt, [S. 297] porrexerunt ac omnino resignaverunt omni eo iure, fructu, usu et civili libertate, quo et qua ipsi annotati Margaretha et cetera debebant, fruebantur. Ad possidendam,¹⁾ conservandam et secundum ipsorum voluntatis arbitrium pacifice perfruendam, immo in casu et necessitatis articulo vendendam, dandam vel etiam quocumque legandam supra dictus Petrus Creczemer cum uxore sua scilicet domina Elyzabeth ipsorum et heredibus heredum suorum et successoribus et hoc praedictorum sine contradictione videlicet Margarethae, Katherinae, magistri Jacobi et Leonardi et heredum ipsorum vel aliorum eorundem consanguineorum vel ceterorum quorum etiam cumque arrestationis impedimento habere debent libertatem libertatisque integram potestatem sicuti propriis suis hereditatibus. In cuius emptionis, solutionis ac domus supra dictae iustae resignationis vigorosum et efficax testimonium sigillum universitatis nostrae praesentibus duximus appendendum. Datum Bistriciae, in die coenae domini, anno incarnationis eiusdem M. IIII^c III^ob).


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1, 4 auf S. 296 (1-3 zu voranstehender Urkunde; 1 von beiden Urkunden verwendet.), 1 auf S. 297 (dortige 2-3 zu nachfolgender Urkunde).^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets nach den Zahlzeichen, über den Zahlzeichen Punkte.^{^}
[S. 296]
1) So Vorlage.^{^}
4) Vorlage: rectori.^{^}
[S. 297]
1) Scilicet: ante dictam domum.^{^}