Urkunde Nr. 1519 aus Band III

Seite im UB:

330-332 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1519

Kronstadt 1404 November 15 Ladislaus, Vizewoiwode von Siebenbürgen, entscheidet die Streitsache zwischen Johann, dem Bürger von [S. 331] Kronstadt, einerseits und den Söhnen Pauls von Orbai andererseits, betreffend die Übereignung von Besitz in Kreuzburg beziehungsweise betreffend die Rückzahlung von 100 Goldgulden.

Nos Ladislaus de Nadan vicevaivoda Transiluanus memoriae commendamus tenore praesentium significantes quibus expedit universis, quod nobis ex speciali commissione et mandato viri magnifici domini Jacobi Lachk vaivodae praedictae partis Transsiluanae una cum nonnullis nobilibus, Siculis et Saxonibus harum partium Transsiluanarum Sabbato proximo post festum beati Briccii confessoris proxime praeteritum¹⁾ Brassouiae pro tribunali consedentibus causalesque processus quorumlibet coram nobis litigantium iusto iuris tramite dimetientibus providus vir Johannes filius Jacobi civis de dicta Brassouia de medio aliorum causidicorum exsurgendo contra Benedictum et Mychaelem filios Pauli de Orbow proposuerat eo modo, quod quamquam alias ipso vigore quarundam literarum iudicis et iuratorum civium de praenotata Brassouia totam portionem possessionariam Cristinni²⁾ nepotis sui videlicet quatuor loca sessionalia et quartam partem cuiusdam fundi in possessione Nyen habitam cum cunctis earundem utilitatum integritatibus videlicet aquis, pratis, silvis, terris cultis et incultis rite et rationabiliter ad eandem portionem possessionariam ipsius Cristinni²⁾ filii Thomae spectantibus nomine procuratorio annotatis Benedicto et Mychaeli ac eorum posteritatibus universis pro centum florenis auri vendiderit, de quibus etiam sibi annotati Benedictus et Mychael quinquaginta tres aureos persolverint, tamen praefati Benedictus et Mychael de pretio praefato portionis possessionariae quadraginta septem florenos aureos eidem minime persolvissent, quos ab eisdem rehabere vellet iure admittente. Quibus perceptis praefati Benedictus et Mychael coram nobis personaliter adhaerentes ad praemissa responderunt ex adverso, quod quamvis iuxta relata et secundum propositionem ipsius Johannis filii Jacobi praemissam totam portionem possessionariam annotati Cristinni nepotis eiusdem ab eodem Johanne pro praemissa summa pecuniae comparaverint et de eadem quinquaginta florenos auri eidem persolverint, tamen ipsi ab eodem Johanne id scire vellent, quo iure vel quibus literarum vigoribus annotatam portionem possessionariam ipsius Cristinni per ipsos ut praemittitur emptam et comparatam ipsis et eorum heredibus statueret et perpetuaret. Demum de residuitate ipsius pecuniae videlicet quadraginta septem florenos auri eidem in termino ulteriori per nos ipsis dando prompti essent persolvere et parati. Quibus sic habitis ad nostram iuridicam requisitionem adhuc praefatus Johannes ad praemissa respondebat ex adverso, quod dictam portionem possessionariam ipsius Cristinni nepotis sui duodecim annis integris cum praenominatis eorundem³⁾ utilitatibus annotati Benedictus [S. 332] et Mychael ac eorum posteritates universae utendo,¹⁾ elapsis autem ipsis duodecim annis praetitulatam portionem ipsius Cristinni possessionariam in praefata possessione Nyon habitam per ipsum Cristinnum nepotem suum ipsis et eorum heredibus perpetuari faceret et roborari. Si vero ipsa perpetuatio super dicta portione possessionaria per ipsum Cristinnum minime fieri contingeret, ex tunc praefatos centum florenos auri die in eodem praefatus Johannes persolveret pure et integre, pro quo scilicet Johanne filio Jacobi Johannes iudex et Anthonius²⁾ cives de Brassouia sic et eo modo ex eorum benevolentia fideiussoria existendo, quod si praefatus Cristinnus dictam portionem suam possessionariam praescriptis Benedicto et Mychaeli ac eorum heredibus non perpetuaret aut praenotatus Johannes filius Jacobi praemissos centum florenos auri die in eodem minime persolvere curaret, ex tunc ipsi dictos centum florenos auri renitentia absque omni persolvere tenerentur. Verum quia praeallegati Benedictus et Myehael super huiusmodi fideiussoria cautione annotatorum Johannis iudicis et Anthonii²⁾ benigne contentari fore videbantur, pro eo una cum praenominatis nonnullis nobilibus, Siculis et Saxonibus nobiscum pro tunc in iudicio adhaerentibus iudicantes commisimus, quod praenominati Benedictus et Myehael et posteritates eorundem dictam portionem possessionariam ipsius Cristinni superius enarratam contradictione quorumlibet³⁾ duodecim annis uti valeant atque possint. Elapsis ipsis duodecim annis praefatus Cristinnus dictam suam portionem possessionariam praenominatis nobilibus et eorum posteritatibus universis vigore efficacissimorum literalium instrumentorum, quibus iidem contentari viderentur, dum idem Cristinnus in aetatem pervenerit adultam, perpetuari debeat atque roborari, alioquin praefati Johannes iudex et Anthonius²⁾ dictos centum florenos auri annotatis nobilibus aut eorum heredibus die in eodem absque dilatione aliquali iuxta eorum assumptum solvere deberent et tenerentur. Hoc non praetermittendo, quod si dictam solutionem centum florenorum auri annotati Johannes iudex et Anthonius²⁾ aut Johannes filius Jacobi die in praedicta non facerent aut solvere non curarent, ex tunc contradictione quorumlibet³⁾ praefati nobiles et eorum heredes dictam portionem possessionariam ipsius Cristinni cum cunctis earundem⁴⁾ utilitatibus utendi, tenendi et conservandi haberent facultatem, donec ipsis et eorum heredibus plena solutio fieret de eisdem harum nostrarum testimonio literarum. Datum in die et loco praenominatis, anno domini M^mo quadringentesimo quarto.


a) Erster Seitenumbruch im Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 331, 1-4 auf S. 332.^{^}
[S. 331]
1) November 15.^{^}
2) Richtig: Cristanni. [2x]^{^}
3) Scilicet: quatuor locorum sessionalium et quartae partis fundi.^{^}
[S. 332]
1) Scilicet: uterentur.^{^}
2) Vorlage: Anthonia. [3x]^{^}
3) Scilicet: non obstante. [2x]^{^}
4) Scilicet: quatuor locorum sessionalium et quartae partis fundi.^{^}