Urkunde Nr. 1552 aus Band III

Seite im UB:

388-390 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 89.

Druckvorlage:

nach Original

Abdruck als:

Volltext

Sprache:

Latein

---

1552

1406 Februar 26 König Sigmund bestätigt für die Stadt Hermannstadt die Urkunde des Königs Ludwig I. von 1370 Nr. »939, betreffend die Abgaben der Hermannstädter Kaufleute für den Schiffsverkehr zwischen Ofen und Wien und den Wagenverkehr zwischen Hermannstadt und Böhmen, betreffend ferner die den genannten Kaufleuten auf der Handelsstrasse zwischen Ofen und Zara beziehungsweise Dalmatien zukommende Freiheit von allen Leistungen, ausgenommen die Dreissigstgebühren in Ofen.

[S. 389] [S]igismundus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Regiae dignitatis praefulgentius attollitur decor et ornatus, si eadem suorum fidelium subditorum commodis et utilitatibus invigilans gratiose providebit. Proinde ad universorum notitiam harum serie volumus pervenire, quod fideles nostri Jacobus alias proconsul et Johannes Ferl modernus proconsul cives²⁾ civitatis nostrae Zybiniensis partium Transsiluanarum in suis ac universorum civium et hospitum eiusdem civitatis nostrae personis in nostrae maiestatis venientes praesentiam exhibuerunt nobis quoddam privilegium olim excellentissimi principis domini Lodouici regis Hungariae et cetera patris³⁾ et soceri nostri carissimi super quibusdam certis libertatibus et gratiarum praerogativis ac limitationibus praetextu solutionis tributarii census in locis tributorum in diversis partibus regni nostri habitorum de mercibus, rebus, navibus et de curribus annotatorum civium et hospitum ante dictae civitatis Zybiniensis fiendae pro eisdem gratiose concessis, indultis et factis confectum et emanatum, tenoris infra scripti. Supplicantes exinde nostro culmini nominibus quibus supra humiliter et devote, ut idem ratum, gratum et acceptum habendo nostrisque literis privilegialibus verbotenus inseri faciendo pro ipsis civibus hospitibus et mercatoribus saepe dictae civitatis nostrae Zybiniensis eorundemque heredibus et posteritatibus universis innovare et perpetuo valiturum dignaremur confirmare. Cuius tenor talis est. (Folgt die Urkunde des Königs Ludwig I. von 1370 Nr. »939.)</ku< Nos igitur humillimis et devotis praefatorum Jacobi et Johannis supplicationibus nostrae per eosdem nominibus quibus supra subiective oblatis⁴⁾ maiestati regia benignitate exauditis⁵⁾ et clementer admissis praefatum privilegium annotati quondam domini Ludouici regis non abrasum, non cancellatum nec in aliqua ipsius parte suspectum sed prorsus omni suspicionis vitio destitutum immo merae et sincerae veritatis integritate praepollens⁶⁾ praesentibus de verbo ad verbum insertum quoad eius omnes continentias, clausulas et articulos acceptamus, approbamus et ratificamus, ipsum nihilominus requirentibus ipsorum fidelium civium nostrorum⁷⁾ fidelitatibus praeclaris et sinceris obsequiorum meritis per ipsos nobis et⁸⁾ diademati regio iugiter et laudabiliter temporibus incumbentibus exhibitis et impensis simul cum praemissis libertatibus et gratiarum praerogativis ac censuum tributariae solutionis limitationibus aliisque et singulis superius in tenore eiusdem limpide explicatis mera auctoritate [S. 390] regia et potestatis plenitudine ex¹⁾ certaque scientia nostrae maiestatis, praelatorum etiam et baronum nostrorum consilio praematuro ac uniformi decreto eorundem pro²⁾ dictis civibus et hospitibus ante fatae nostrae civitatis Zybiniensis eorumque heredibus et posteritatibus universis innovantes perpetuo valiturum confirmamus praesentis scripti nostri patrocinio mediante. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri novi duplicis praedicti³⁾ munimine roboratas. Datum per manus reverendi in Christo patris domini Eberhardi episcopi Zagrabyensis, aulae nostrae summi cancellarii fidelis nostri dilecti, anno domini millesimo quadringentesimo sexto, quarto Kalendas Marcii, regni autem nostri anno decimo octavo. Venerabilibus in Christo patribus domino Vallentino tituli sanctae Sabinae sacrosanctae Romanae ecclesiae presbytero cardinale et ecclesiae Quinqueecclesiensis gubernatore, Johanne Strigoniensi, Colocensi sede vacante, Andrea Spalatensi, Jadriensi sede vacante et altero Andrea Ragusiensi archiepiscopis, Luca Waradiensi, Stephano Transsiluanensi, eodem domino Eberhardo Zagrabyensi, Agriensi sede vacante, Johanne Boznensi, Wesprimiensi sede vacante, Johanne Jauriensi, Wacyensi sede vacante, fratribus Dosa Chanadiensi et Hynkone Nitriensi electis ac Thoma Senyensi ecclesiarum episcopis ecclesias dei feliciter gubernantibus, Sirimyensi, Traguryensi, Scardonensi, Nonensi, Tininiensi, Sibinicensi, Makarensi, Farensi et Corbauyensi⁴⁾ sedibus vacantibus. Necnon magnificis viris Nicolao de Gara regni Hungariae praedicti palatino, Johanne et Jacobo vaivodis Transsiluanensibus, comite Frank filio quondam Koniae bani iudice curiae nostrae, Paulo Bisseno et altero Paulo de Peegh Dalmaciae et Croaciae praedictorum ac totius Sclauoniae regnorum nostrorum, Johanne de Maroth Machouyensi⁵⁾ banis, honore banatus Zeurimyensis vacante, Nicolao Treutul de Neuna tavarnicorum et comite de Posega,⁶⁾ Simone filio praedicti quondam Koniae bani ianitorum, Martino Ders dapiferorum, Laurencio de Taar pincernarum, Petro Cheh agasonum nostrorum magistris et Silstrangh comite Posonyensi aliisque quampluribus regni nostri comitatus tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-8 auf S. 389, 1-6 auf S. 390.^{^}
[S. 389]
1) Raum für S leer gelassen.^{^}
2) Vorlage: civis.^{^}
3) Gebessert aus: pie.^{^}
4) Vorlage: ablatis.^{^}
5) Vorlage: exaudietis.^{^}
6) Vorlage: praeponens.^{^}
7) Hierauf: prae.^{^}
8) Fehlt in der Vorlage.^{^}
[S. 390]
1) Vorlage: ac.^{^}
2) Vorlage: prae.^{^}
3) So Vorlage.^{^}
4) Vorlage: Corbamyensi.^{^}
5) Vorlage: Machomyensi.^{^}
6) Vorlage: Posga.^{^}