Urkunde Nr. 1554 aus Band III

Seite im UB:

393-395 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 90.

Druckvorlage:

nach Original

Abdruck als:

Volltext

Sprache:

Latein

---

1554

1406 Februar 26 König Sigmund bestätigt für die sieben Stühle die Urkunde des Königs Sigmund von 1391 Nr. »1265, betreffend die dem siebenbürgischen Adel obliegenden Verpflichtungen hinsichtlich der Bestrafung von Dieben, Brandstiftern, Räubern und sonstigen auf handhafter That ergriffenen Verbrechern, ferner hinsichtlich des Zeigens der Spur des Verbrechers sowie hinsichtlich der Erforschung dieser Spur.

Sigismundus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus praesentibus pariter et futuris praesentium notitiam habituris salutem in omnium salvatore. De facili memoria labitur hominum, quam non serenat lucida series literarum. Proinde ad universorum notitiam harum serie volumus pervenire, quod cum nos praelatorum, baronum et procerum regni nostri potiorum communicato consilio et sana deliberatione exinde praehabita id statuentes decreverimus et ubique in regno nostro fecerimus publice proclamari, ut universae literae quondam excellentissimi principis domini Lodouici regis Hungariae sub ipsius secreto sigillo tantummodo et serenissimarum principum Mariae et Elizabeth reginarum Hungariae matris et contoralis nostrarum carissimarum felicium recordationum necnon nostrae sub earum atque nostris tam maioribus quam minoribus sigillis super factis quibusvis et praesertim possessionum pro quibuscumque personis dignitate quavis et conditione fungentibus ecclesiasticis et saecularibus datae et assignatae pro tollendo omni dubio, removendo scandalo et ad evitanda multa atque varia, quae propter sigillorum ipsarum dominarum reginarum atque nostrorum deperditionem ac nostri maioris videlicet duplicis ex causis et rationibus legitimis confractionem in multorum iuribus praesertim possessionariis damma gravia [S. 394] et periculosa detrimenta hactenus evenire potuerunt, a festo beati Georgii martyris iam proxime praeterito¹⁾ usque festum eiusdem primitus affuturum²⁾ sub poena revocationis, annullationis et cassationis huiusmodi literarum non producendarum per nos videndae, examinandae et si opus fieret sub praesenti nostro maiori sigillo de novo praeparato confirmandae, approbandae et ratificandae nostrae claritatis exhiberi debuerint conspectui et praesentari, demum fideles nostri providi viri Johannes Ferl magister civium civitatis nostrae Cybiniensis partis Transsiluanae et Jacobus civis noster de eadem suis et aliorum fidelium civium seniorum consulum et universorum hospitum nostrorum Cybiniensium et in septem sedibus Saxonicalibus dictarum partium Transsiluanarum in personis in nostrae celsitudinis venientes conspectum exhibuerunt nobis quasdam literas nostras privilegiales, super quibusdam eorum libertatibus inferius expressatis sub priori nostro sigillo duplici alias per nos rationabiliter permactati³⁾ et confracti³⁾ confectas, tenoris infra scripti. Supplicanles exinde maiestati nostrae nominibus quibus supra humiliter et devote, ut easdem ratas, gratas et acceptas habendo nostrisque literis privilegialibus sub moderno et novo nostro sigillo emanandis verbotenus inseri faciendo pro ipsis et eorum posteritatibus innovantes perpetuo valituras dignaremur contirmare. Quarum tenor talis est. <ku<(Folgt die Urkunde des Königs Sigmund von 1391 Nr. »1265.) Nos igitur humillimis et devotis ipsorum Johannis et Jacobi civium nostrorum supplicationibus per ipsos nostrae nominibus quibus supra subiective oblatis maiestati regia benignitate exauditis praemissas literas nostras privilegiales non abrasas, non cancellatas nec in aliqua sui parte vitiatas immo merae et sincerae veritatis integritate praepollentes, praesentibus verbotenus insertas quoad omnes earum continentias, clausulas et articulos acceptamus, approbamus et ratificamus, eas nihilominus requirentibus dictorum fidelium civium nostrorum fidelitatibus regia auctoritate et potestatis plenitudine ex certaque nostrae maiestatis scientia, praelatorum etiam et baronum nostrorum consilio praematuro simul cum praemissis praerogativis superius in earum tenoribus clarius enodatis innovantes pro eisdem fidelibus civibus nostris et eorum successoribus perpetuo valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri novi duplicis munimine roboratas. Datum per manus reverendi in Christo patris domini Eberhardi praemissa dei et apostolicae sedis gratia episcopi Zagrabiensis, aulae nostrae summi cancellarii fidelis nostri dilecti, anno domini millesimo quadringentesimo sexto, quarto Kalendas mensis Marci, regni autem nostri anno decimo septimo.³⁾ Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali et ecclesiae Quinqueecclesiensis gubernatore, Johanne Strigoniensi, Colocensi et Jadrensi sedibus vacantibus, Andrea Spalatensi et altero Andrea Ragusiensi archiepiscopis, Luca Varadiensi, Stephano Transsiluano, eodem domino Eber- [S. 395] hardo Zagrabiensi, Agriensi sede vacante, Johanne Boznensi, Vesprimiensi sede vacante, Johanne Jauriensi, Vacyensi sede vacante, fratribus Dosa Chanadiensi, Hynkone Nitriensi electis et Thoma Seniensi ecclesiarum episcopis ecclesias dei feliciter gubernantibus, Sirimiensi, Traguriensi, Scardonensi, Tininiensi, Nonensi, Cibiniensi,¹⁾ Corbauiensi, Makarensi et Pharensi sedibus vacantibus. Necnon magnificis viris Nicolao de Gara regni nostri Hungariae palatino, Johanne et Jacobo vaivodis nostris Transsiluanis, comite Frank filio quondam Koniae bani iudice curiae nostrae, Paulo Bisseno et altero Paulo de Peeth Dalmaciae et Croaciae praedictorum ac totius Sclauoniae, Johanne de Maroth Machouiensi banis, honore banatus Zewriniensis vacante, Nicolao Trewtul de Neuna tavarnicorum et comite de Posega, Symone filio dicti quondam Konyae bani ianitorum, Martino Ders dapiferorum, Laurencio de Taar pincernarum, Petro Cheh agasonum nostrorum magistris et Silstrangh comite Posoniensi aliisque quampluribus regni nostri comitatus tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 394, 1 auf S. 395.^{^}
[S. 394]
1) 1405 April 24.^{^}
2) 1406 April 24.^{^}
3) So Vorlage. [3x]^{^}
[S. 395]
1) Richtig: Sibinicensi.^{^}