Urkunde Nr. 1562 aus Band III

Seite im UB:

401-403

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 93.

Druckvorlage:

nach Original

Abdruck als:

Volltext

Sprache:

Latein

---

1562

Ofen 1406 April 7 König Sigmund bestätigt für die Stadt Hermannstadt und Genossen die Urkunde des Königs Sigmund von 1387 Nr. »1215 enthaltend die Urkunde der Königin Maria von 1383 Nr. »1175, betreffend das zu Gunsten der Kaufleute aus Hermannstadt und den andern siebenbürgischen Städten erlassene Verbot ungesetzmässiger Abgaben und die anbefohlene Sieherstellung gegen erfolgloses Durchsuchen der Waren.

Nos Sigismundus dei gratia rex Hungariae, Dalmaciae, Crouaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus per praesentes, quod cum nos praelatorum, baronum et potiorum regni nostri procerum communicato consilio et sana deliberatione exinde subsecuta id statuentes decreverimus et ubique in regno nostro fecerimus publice proclamari, ut universae literae excellentissimi principis quondam domini Lo- [S. 402] douici regis Hungariae et cetera sub ipsius secreto sigillo tantummodo et serenissimarum principum dominarum Elizabet matris et Mariae¹⁾ contoralis reginarum nostrarum carissimarum felicium recordationum necnon nostrae sub earum atque nostris tam maioribus quam minoribus sigillis super factis quibusvis et praesertim possessionariis quibuscumque personis dignitate quavis et conditione fungentibus ecclesiasticis et saecularibus datae et assignatae pro tollendo omni dubio, removendo scandalo et ad evitanda multa ac varia, quae propter sigillorum ipsarum dominarum reginarum atque nostrorum deperditionem ac nostri maioris videlicet duplicis ex causis et²⁾ rationibus legitimis confractionem in multorum iuribus praesertim possessionariis damna gravia et periculosa detrimenta hactenus evenire potuerunt, a festo beati Georgi martyris iam proxime praeterito³⁾ usque festum eiusdem primitus affuturum⁴⁾ sub poena revocationis, annullationis et cassationis huiusmodi literarum non producendarum per nos videndae, examinandae et si opus fieret sub praesenti nostro maiori sigillo de novo praeparato confirmandae, approbandae et ratificandae nostrae claritatis exhiberi deberent conspectui et praesentari, tandem fideles nostri providi viri Jacobus alias proconsul et Johannes Ferl modernus proconsul seniores cives civitatis nostrae Cibiniensis partium Transiluanarum in suis ac universorum civitatum earundem partium mercatorum personis ad nostrae maiestatis venientes praesentiam exhibuerunt nobis quasdam literas nostras patentes, praedicto priori maiori authentico sigillo nostro alias ut praefertur rationabiliter permactato a tergo consignatas, tenores literarum olim serenissimae principis praedictae dominae Mariae reginae contoralis nostrae super eo pro eisdem mercatoribus, ut ipsos per indebitas receptiones tricesimarum et tributorum nullus tricesimator et tributarius intra ambitum regni nostri quovis modo debeant⁵⁾ impedire, confectarum confirmantes tenoris infra scripti. Supplicantes exinde claritati nostrae nominibus quibus supra humiliter et devote, ut easdem ratas, gratas et acceptas habendo nostrisque literis similiter patentibus sub praedicto moderno maiori authentico sigillo nostro verbaliter emanandis pro dictis mercatoribus ante dictae civitatis nostrae Cibiniensis propter dicti prioris maioris sigilli nostri confractionem innovare et confirmare dignaremur. Quarum. tenor talis est. (Folgt die Urkunde des Königs Sigmund von 1387 Nr. »1215 mit der Urkunde der Königin Maria von 1383 Nr. »1175.) Nos igitur humillimis et devotis dictorum Jacobi et Johannis supplicationibus nostrae per eos nominibus quibus supra subiective oblatis maiestati regia benignitate exauditis et clementer admissis praemissas literas nostras patentes, non abrasas, non cancellatas nec in aliqua earum⁶⁾ parte suspectas, praesentibus literis nostris verbaliter insertas quoad omnes earum clausulas et continentias approbamus, ratificamus et pro dictis mercatoribus saepe dictae ci- [S. 403] vitatis nostrae Cibiniensis universis et de aliis civitatibus dictae partis Transiluanae de regiae pietatis plenitudine innovantes perpetuo valituras confirmamus praesentium patrocinio mediante. Datum Budae, feria quarta proxima ante festum Passcae, anno domini millesimo quadringentesimo sexto.


1) M gebessert aus: ma.^{^}
2) Fehlt in der Vorlage.^{^}
3) 1405 April 24.^{^}
4) 1406 April 24.^{^}
5) So Vorlage.^{^}
6) Vorlage: eorum.^{^}