Urkunde Nr. 1175 aus Band II

Seite im UB:

573

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 43.

Druckvorlage:

nach Original

Abdruck als:

Volltext

Sprache:

Latein

---

1175

Ofen 1383 März 29 Königin Maria erlässt zu Gunsten der Kaufleute aus Hermannstadt und den andern siebenbürgischen Städten eine Verordnung, betreffend das Verbot ungesetzmässiger Abgaben und die Sicherstellung gegen erfolgloses Durchsuchen der Waaren mittelst einer Mark in Gold.

Von der Kanzlei: Relatio domini Nicolai de Gara palatini.

Maria dei gratia regina Hungariae, Dahnaciae, Croaciae et cetera fidelibus suis universis et singulis tricesimatoribus et tributariis ubique intra ambitum regni nostri signanter in Owar nunc constitutis et in futurum constituendis salutem et gratiam. Significant nobis mercatores de Cybinyo et de aliis civitatibus nostris partis Transsiluanae, quomodo ipsi alias semper cum rebus ipsorum mercimonialibus per loca tricesimalia et tributaria vestra solutis iustis et consuetis tricesimis et tributis libere ivissent et expedite sine quolibet impedimento, nunc vero dum ipsi cum mercimoniis suis ad vos pervenirent, tunc vos eosdem ad indebitam, iniustam tricesimae et tributi solutionem astringeretis et compelleretis resque eorum mercimoniales disligaretis, dissolveretis et disiungeretis, cum tamen antiqua eorum consuetudo et libertas teneat et requirat, quod nullus tricesimatorum seu tributariorum ipsorum mercatorum mercantias dissolvere auderet, nisi prius unam marcam auri currui appenderet, quam consuetudinem minime curaretis in ipsorum praeiudicium satis magnum. Et quia ipsos mercatores in eorum antiquis consuetudinibus et libertatibus volumus illibate permanere, fidelitati igitur vestrae firmo praecipimus regio sub edicto, quatenus a modo et deinceps ipsos mercatores nostros cum rebus eorum mercimonialibus per loca tricesimae et tributorum vestrorum transeuntes solutis iustis et consuetis tricesimis et tributis non impediatis neque ad inconsuetam tricesimae et tributi solutionem compellatis, immo nec eorum res mercimoniales dissolvatis aut disligetis. Si autem ipsas res mercimoniales vultis dissolvere et disiungere, tunc unam marcam auri ipsi currui prius appendatis iuxta antiquam consuetudinem et libertatem. Et quidquid deinde in ipso curru denegatum aut occultatum inveneritis, pro vobis conservetis. Et aliud nullatenus facere audeatis, prout hoc idem olim serenissimus princeps dominus Lodouicus rex Hungariae pater noster carissimus suis literis mediantibus secreto suo sigillo consignatis deliberando duxerat et praecipiendo committendum. Datum Budae, die dominico proximo post festum annunciationis virginis gloriosae, anno domini M^o CCC^mo. octuagesimo tertio. [S. 574]

Unter dem Siegel: Relatio domini Nicolai de Gara palatini.