Urkunde Nr. 1582 aus Band III

Seite im UB:

428-429

Druckvorlage:

nach Original

Abdruck als:

Volltext

Sprache:

Latein

---

1582

Ofen 1407 Februar 15 König Sigmund bezeugt, dass Peter und Mathias von Fotos ihrem Bruder Fabian von Fotos einen Besitzanteil in Bodola geschenkt haben.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus per praesentes, quod Petro et Mathya filiis Benedicti de Fothos coram nobis personaliter constitutis per eosdem propositum exstitit pariter et relatum oraculo vivae vocis eo modo, quod quia Fabianus filius eiusdem Benedicti frater ipsorum uterinus de dicta Fothos locis et temporibus opportunis in executione et reobtentione possessionis Bodola vocatae, in districtu de Barcsza existentis, nunc erga manus ipsorum ex regali nostra collatione rite habitae ipsis videlicet Petro et Mathyae cum suis propriis humanitate et laboribus ac expensis sufficientia, opportuna adminicula et necessaria, condigna opitulamina [S. 429] incessanter et finaliter attribuere et mero posse impendere curavisset, ideo memorati Mathyas et Petrus matura deliberatione et sano consilio inter eos exinde praehabitis praefatum Fabianum fratrem ipsorum et suos heredes in merum dominium et plenam possessionem portionum ipsorum possessionariarum in dicta possessione Bodola existentium, eosdem rite nt praefertur concernentium tamquam unum ex ipsis pro praetaxatis suis beneficiis et iuvaminibus eisdem in hac parte, uti praefertur, impensis fraternaliter aggregantes et effective assumentes et dictas eorum possessionarias portiones cum eodem Fabiano fratre ipsorum ex sano consilio una cum¹⁾ participantes meram et veram tertiam partem earundem portionum possessionariarum ipsorum in dicta Bodola habitarum cum omnibus earundem utilitatibus et pertinentiis universis annotato Fabiano ipsiusque heredibus et cunctis successoribus perenniter dedissent, donassent et contulissent, immo dederunt et donaverunt coram nobis per ipsos perpetuo et irrevocabiliter possidendam, tenendam pariter et habendam pleno iure praesentium patrocinio mediante. In cuius rei memoriam firmitatemque perpetuam praesentes eisdem Fabiano et heredibus suis concessimus sigilli nostri mediocris authentici appensionis munimine roboratas. Datum Budae, feria tertia proxima post diem cinerum, anno domini Mmo quadringentesimo septimo.


1) Scilicet: ipso.^{^}