Urkunde Nr. 1680 aus Band III

Seite im UB:

529-530 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

1680

Bistritz 1412 Juli 21 Stibor, Woiwode von Siebenbürgen, spricht dem Distrikt Bistritz das Fischereirecht im Thumesch- und Bistritzfluss und in allen andern Gewässern auf Distriktsgebiet insbesondere bei Salz und Reussen zu.

Stiborius vaivoda Transsiluanus, Trinczinii, Bistriciae, Nitriae et comes de Solnuk ac fluvii Wag dominus perpetuus et cetera harum serie literarum ad notitiam universorum tam praesentium quam futurorum volumus pervenire, quod cum⁴⁾ feria quinta proxima ante festum beati Jacobi apostoli⁵⁾ de mandato regio in civitate Bistriciensi ad discutiendas singulas causas atque defectus quoslibet dictae civitatis ac districtus eiusdem, auctoritate regia plenaria fulciti, emendandos cum magnifico viro Michaele de Nadass filio Salomonis comite Siculorum necnon strenuis militibus Ladislao de Nadab vicevaivoda nostro, Thoma Farkacz, Johanne de Doboka, Anthonio de Erdel et cum plurimis aliis nobilibus partium praemissarum iudicibus, iuratis civibus et senioribus pro tribunali sedissemus, coram nobis providi viri Andreas dictus Rymer iudex civitatis et Georgius Rot, Wenceslaus carnifex proposuerunt in personis universorum populorum dictae civitatis et districtus eiusdem, quomodo aquae videlicet Samusch et Bistricza nuncupatae in districtu praemisso et plurimi alii iluvii circum Rodnam fluentes piscatorie decurrentes, quae aquae uni cuique inhabitatori civitatis vel provinciae piscandi³⁾ hactenus liberae⁶⁾ fuissent et antiquitus absolutae cuilibet piscari volenti, sed³⁾ a quondam Procopio et singulis Rodnam hucusque tenentibus prohibitae fuissent, vetitae ac adhuc de praesenti forent in praeiudicium civitatis et provinciae praenotatae atque non modicum gravamen, ipsasque aquas fecerunt et adhuc facere conarentur prohibitas et piscatores in eisdem [S. 530] piscantes¹⁾ facere censuales. Et cum²⁾ nos auctoritate serenissimi principis et domini nostri gratiosissimi domini Sigismundi Romanorum regis semper augusti ac Vngariae et cetera regis plenarie suffulti iniurias praedictae civitati ac provinciae latas²⁾ ad statum pristinum et libertatem volentes²⁾ reducere et emendare, cum praenotato magnifico viro domino Michaele filio Saiomonis de Nadasch comite Siculorum atque strenuis militibus Ladislao de Nadab vicevaivoda nostro ac aliis praemissis nobis assessoribus adiudicantes decrevimus, quod praedicti iudex, iurati et universus populus civitatis et districtus Bistriciensis in praescriptis aquis videlicet Samusch Theotunice Thumesch et Bistricza ac universis aliis fluviis et aquarum decursibus incipiendo de pertinentiis Rodnae usque ad metas ipsius districtus Bistriciensis et specialiter circa possessiones Salcz et Rewsyndorff liberam habeant piscandi, utendi, fruendi, aquarum²⁾ praemissarum percipiendi omnimodam facultatem. In cuius,³⁾ auctoritate³⁾ regia praeascripta, firmitatemque³⁾ perpetuam³⁾ praesentes dedimus sigillo nostro maiori sub appenso.²⁾ Datum die et loco ut supra, anno domini millesimo quadringentesimo duodecimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-6 auf S. 529 (1-3 zu voranstehender Urkunde, 3 sowohl hier wie in voranstehender Urkunde verwendet), 1-3 auf S. 530 (dortige 4-6 zu nachfolgender Urkunde).^{^}
[S. 529]
3) So Vorlage. [2x]^{^}
4) Fehlt in der Vorlage.^{^}
5) Juli 21.^{^}
6) Vorlage: liberi.^{^}
[S. 530]
1) Vorlage: piscantibus.^{^}
2) So Vorlage. [5x]^{^}
3) So Vorlage. -- Scilicet: In cuius rei memoriam firmitatemque perpetuam auctoritate regia praeascripta. [4x]^{^}