Urkunde Nr. 1684 aus Band III

Seite im UB:

535-536 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

1684

Bistritz 1412 Juli 30 Stibor, Woiwode von Siebenbürgen, erklärt die seitens der Gemeinde Jaad gegenüber den benachbarten Adligen und Genossen erhobene Klage für gerecht und stellt für die genannte Gemeinde einen Schutzbrief aus, betreffend ihre Rechte am Hattertgebiet, an den Ländereien, Wiesen, Gewässern und Wäldern, sowie insbesondere an dem Thumesch- und Bistritzfluss.

Stiborius vaivoda Transsiluanus necnon comes de Solnuk et cetera notum facimus quibus expedit universis, quod cum nos una cum viro magnifico Michaele comite Siculorum et Ladislao de Nadab vicevaivoda nostro ceterisque nostris cum assessoribus ex speciali commissione serenissimi principis ac domini, domini Sigismundi Romanorum regis semper augusti ac Vngariae et cetera regis et de mandato eiusdem feria VI proxima post festum sancti Jacobi apostoli proxime praeteritum²⁾ in civitate Bistricziensi generale iudicium celebrassemus, pro tunc nostram accedentes praesentiam providi viri Andreas dictus Holcztreger et Johannes Holcztreger ac Johannes Baier homines ac populi de Jaad nobis per modum querimonii proposuerunt, quomodo nonnulli nobiles et eorum officiales, populi et iobagiones, inhabitatorum et incolarum possessionis Jaad praedictae iura et consuetudines ab antiquo usitatas frustrantes in territoriis, silvis, pratis, aquis et signanter in fluvio a Rodna suum³⁾ meatum producente et⁴⁾ in altero fluvio Bistriczia vocitato, quorum usibus praetacti de Jaad populi ex antiqua consuetudine per semper sunt gratulati, quidam⁵⁾ nobiles et eorum officiales in praemissis⁵⁾ [S. 536] dietenus inquietare non cessant nec impedire, rationem impedimentorum et suorum iurium coram nobis ipsi nobiles non producentes. Sed quia nos regia auctoritate universos, a quocumque illegitime impediri, molestari et perturbari nolentes,¹⁾ protegere velimus et quospiam in suis iuribus conservare, igitur universis et singulis nobilibus eorumque officialibus ac populis et iobagionibus eorundem tam praesentibus quam futuris regio ac nostro firmissimo damus in praecepto, quatenus a modo et per consequens dictos possessionis Jaad inhabitatores in territoriis metarum ipsorum et terris cultis et incultis, pratis, aquis et silvis nec in aliquibus ipsorum iuribus impedire, inquietare et specialiter in fluvio de Rodna decurrente et altero Bistricz nuncupato impetere praesumatis omnibus occasionibus²⁾ proculmotis. Si vero quis³⁾ vestri de medio talia attentare praesumpserit, ex tunc auctoritate regia nobis in his attributa commisimus, immo praesentibus committimus magnifico viro domino Michaeli comiti Siculorum necnon comitibus successivis, ut dictos homines de Jaad contra omnes in praemissis videlicet in territoriis, terris arabilibus et incultis, pratis, silvis et aquarum decursibus ipsos impetere volentes regiae maiestatis in persona ac nostri protegere, tueri et defensari debeatis, si regiae maiestatis indignationem gliscitis evitare, secus non facturi. Datum Bistricziae, Sabbato proximo post festum sancti Jacobi apostoli, anno domini millesimo quadringentesimo duodecimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-5 auf S. 535 (1 zu voranstehender Urkunde), 1-3 auf S. 536 (dortige 4 zu nachfolgender Urkunde).^{^}
[S. 535]
2) Juli 29.^{^}
3) Vorlage: suam.^{^}
4) Fehlt in der Vorlage.^{^}
5) So Vorlage. -- Scilicet: praedicti nonnulli nobiles et eorum officiales, populi et iobagiones in territoriis et cetera. [2x]^{^}
[S. 536]
1) Vorlage: volentes.^{^}
2) Vorlage: occasionis.^{^}
3) Vorlage: qui.^{^}