Urkunde Nr. 1764 aus Band III

Seite im UB:

644-646 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 13.

Druckvorlage:

nach Original

Abdruck als:

Volltext

Sprache:

Latein

---

1764

Konstanz [1415] Februar 18 Papst Johann XXIII. beauftragt den Nicastroer Bischof mit der Überprüfung der Zeugenaussagen, betreffend den Zehnten Bartholomeus', des Pfarrers von Mardisch, und Genossen, beziehungsweise mit der dauernden Sicherung der Zehntbezugsrechte des genannten Bartholomeus und Genossen.

Johannes episcopus servus servorum dei venerabili fratri . . ⁴⁾ episcopo Neucastrensi salutem et apostolicam benedictionem. Justis supplicum votis libenter annuimus illaque favoribus prosequimur opportunis. Exhibita siquidem nobis pro parte dilectorum filiorum Bartholomei in Argias, Johannis in Selken maiori,⁵⁾ Georgii in Selke minori, Nicolai in Dominarum, Dauit in Wurmlach, Johannis in Ysopis,⁶⁾ Johannis in Egerbia, Nicolai in Stalis, Dauit in Hashadia, Nicolai in Kops minori, Georgii in Martini⁷⁾ et [S. 645] Johannis in villis¹⁾ Petri villis parochialium ecclesiarum Transiluanae diocesis modernorum rectorum petitio continebat, quod licet perceptio omnium et singularum decimarum proventuum¹⁾ ex fructibus excrescentibus infra parochias singularum villarum praedictarum necnon ius petendi et percipiendi ipsas a singulis parochianis earundem ecclesiarum ad singulos rectores ipsarum ecclesiarum tam de iure quam etiam de antiqua et approbata ac hactenus pacifice observata consuetudine pertineat, tamen venerabilis frater noster Stephanus episcopus Transiluanus falso asserens perceptionem ac ius huiusmodi ad se spectare singulos rectores ipsos quominus decimas huiusmodi percipere et praefato iure gaudere²⁾ contra iustitiam impedire praesumpsit et praesumit. Ortaque propterea inter rectores ex una parte et episcopum praefatos ex altera super praemissis et eorum occasione materia quaestionis et causa huiusmodi ad Romanam curiam legitime introducta nos causam huiusmodi dilecto filio magistro Conrado Cohenhofer capellano nostro et auditori causarum palatii apostolici ad instantiam dictorum rectorum audiendam commisimus et fine debito terminandam. Cum autem sicut eadem petitio subiungebat, postquam idem auditor in causa huiusmodi citationem ad partes ad instantiam eorundem rectorum decreverat ipsaque citatione executa nonnulli fide digni festes senes et valetudinarii examinati et depositiones eorum in scriptis redactae fuerunt, per quas de iure perceptionis huiusmodi plene liquere possit, prout in instrumento publico inde confecto, cuius tenorem haberi volumus praesentibus pro expresso, plenius continetur, pro parte dictorum rectorum fuit nobis humiliter supplicatum, ut ipsis ac eorum statui super his providere de benignitate apostolica dignaremur. Nos igitur statum causae huiusmodi habentes praesentibus pro expresso ac volentes praefatis rectoribus in praemissis opportune consulere huiusmodi supplicationibus inclinati praefatamque causam in eo statu, in quo coram eodem auditore pendet, ad nos auctoritate apostolica ex certa scientia advocantes fraternitati tuae per apostolica scripta mandamus, quatenus de praefatis depositionibus summarie simpliciter et de plano sine strepitu et figura iudicii eadem auctoritate te informes et, si per huiusmodi depositiones praefatas decimas ad eosdem rectores de iure spectare repereris, singulis rectoribus dictarum parochialium ecclesiarum de praefatis decimis facias perpetuo eadem auctoritate integre responderi. Contradictores auctoritate nostra appellatione postposita compescendo non obstante si praefato episcopo vel quibusvis aliis communiter vel divisim a sede apostolica sit indultum, quod interdici, suspendi vel excommunicari seu ad iudicium evocari non possint per literas apostolicas non facientes plenam et expressam ac de verbo ad verbum de indulto huiusmodi mentionem. Datum Constantiae, XII Kalendas Martii, pontificatus nostri anno quinto.

Von der Kanzlei, unten rechts:
X
X
X

[S. 646] Mar. E. Lup.
unten links: Jo. de Crinellis. A. de Luschis.

Auf der Rückseite, auf dem untern umgebogenen Rande links, vom Schreiber der Urkunde:Jo. de Mercacello.
Auf der Rückseite, von der Kanzlei: Regestrata.¹⁾
Auf der Rückseite, von gleichzeitiger Hand: Committitur et mandatur assignari redditus decimales parochianis quibus de iure debentur.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-6 auf S. 644 (1-3 in Siegelbeschreibung), 1-2 auf S. 645, 1 auf S. 646.^{^}
[S. 644]
1) Zweite Zeile.^{^}
2) Dritte Zeile.^{^}
3) Beide S mit Abkürzungsschleife.^{^}
4) Gentilis.^{^}
5) Vorlage: aiori; erster Normalschaft von a auf Rasur.^{^}
6) Y auf Rasur.^{^}
7) So Vorlage. -- Richtig: Mortini.^{^}
[S. 645]
1) So Vorlage. [2x]^{^}
2) Scilicet: possint.^{^}
[S. 646]
1) Vorlage: R mit eingeschriebenen Buchstaben.^{^}