Urkunde Nr. 1767 aus Band III

Seite im UB:

652-653 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 21.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1767

Konstanz 1415 März 17 König Sigmund befiehlt dem Rat von Hermannstadt, die zu Gunsten der Wittwe Ursula Sperrendorffer aus Leutschau gefällte Entscheidung zu vollziehen, ferner den seitens der genannten Ursula abgeschlossenen Vertrag in Geltung zu belassen, dem Könige einen Bericht über die Gründe der Widerrufung obiger Entscheidung und eine Abschrift des auf ebendiese Angelegenheiten sich beziehenden Urteils des Woiwoden Stibor und Genossen zu übersenden.

Sigismundus dei gratia Romanorum rex semper augustus ac Hungariae et cetera rex fidelibus nostris iudici iuratisque civibus civitatis nostrae Cybiniensis partium nostrarum Transsiluanarum salutem et gratiam. In persona nobilis dominae Vrsulae vocatae relictae quondam Petri Sperrendorffer civis civitatis nostrae Lewcha porrecta nostro culmini gravi querimonia¹⁾ admiranter displicenterque intelleximus, quomodo vos quandam non causam et cautelosam occasionem pro causa fingentes allegando fideles nostros viros magnificos quondam Styborium dictarum partium Transsiluanarum vaivodam et Piponem de Ozora Themesiensem et camerarum salium nostrarum comitem vestram sententiam diffinitivam pro parte eiusdem dominae Vrsulae super certa pecuniarum summa, in qua quidam Petrus Ceruasy vester concivis eidem dominae Vrsulae obligari dignoscebatur, iusto iuris ordine latam et debitae executioni demandatam revocasse et aliam sententiam facto super eodem, quae dictae vestrae sententiae repugnare videretur, tulisse et fulminasse, quam per vos²⁾ executioni demandare commisissent, et sic vos nescitur an timore vel odio ducti aut pretio seu favore vel munere allecti praetactam nobilem dominam ad restituendum res et bona praetacti Petri Ceruasy iuxta vestram diffinitivam sententiam debitae executioni demandatam ratione praevia manibus eiusdem dominae Vrsulae assignata³⁾ et usui suo per vos commissa ac ad retractandum contractum legitimum per ipsam dominam Vrsulam super quadam domo vestri in medio sita cum provido Nicolao Jankowytz similiter vestro concive ad vestri scitum, consensum et iudicii adiutorium⁴⁾ iuxta dictae nostrae civitatis laudabilem consuetudinem initum et factum artius compulissetis propriam vestram sententiam executioni demandatam in suo vigore ac supra dictam dominam Vrsulam rebus et bonis iuridice obtentis frui et gaudere nullatenus permittendo in ipsius dominae Vrsulae iuris derogamen valde grande. Cum tamen utique non modicam aestimaremus fore causam, propter quam contra propriam iustam diffinitivam [S. 653] sententiam procedere deberetis, et quia¹⁾ omnino nostrae existit intentionis saepe dictam dominam Vrsulam in omnibus et singulis iustis suis iuribus acquisitis pacifice conservare de praemissarumque sententiarum repugnantia ac totius gestae rei serie clarius et plenius volumus informari, igitur fidelitati vestrae firmissimo nostro regio praecipientes damus sub edicto, quatenus mox agnitis praesentibus praesente testimonio honorabilis capituli Albensis ecclesiae Transsiluanae, quod ad id praesentium serie transmitti et accedere mandamus, memoratam dominam Vrsulam iuxta exigentiam plenitudinis sui iuris ad universa et quaelibet bona per eam vigore praedictae vestrae sententiae executioni demandatae iuste et legitime obtenta, si quae ablata²⁾ fuerint, restituere et eidem integre resignare ipsamque in eisdem non obstantibus quondam Styborii vaivodae comitisque Piponis praedictorum sententia et aliis quibuscumque rationibus aut allegationibus frivolis iuribus ipsius dominae Vrsulae derogantibus conservare contractumque per eandem dominam Vrsulam cum supra dicto Nicolao modo³⁾ praemisso factum in suo vigore relinquere debeatis et quidquid in praemissis feceritis, id clare et lucide ut puta causas et rationes, propter quas contra propriam sententiam executioni debitae demandatam praelibatam dominam Vrsulam ad supra dictam verum et bonorum restitutionem ac contractus legitimi irritationem et retractationem compulistis, necnon copiam sententiae dictorum quondam Styborii vaivodae et comitis Piponis, quae ut pvaemittitur per eosdem contra praedictam vestram sententiam fulminata asseritur, ac totius gestae rei seriem in literis annotati capituli nostrae fideliter rescribi volumus maiestati. Secus igitur in praemissis facere non ausuri. Alioquin si quomodolibet vos ex dissimulatione aut alia ficta occasione iuribus memoratae dominae Vrsulae derogasse aut derogare invenerimus, ultra indignationem nostram gravissimam, quam eo facto vos incurrisse non dubitetis, poena et damnis vestris et vestrarum intollerabilibus etiam per arestationes personarum, rerum et bonorum vos incompassibiliter aggravare et ad praemissorum observationem artius astringi et compelli faciemus. Praesentes post lecturam reddi iubemus praesentanti. Datum Constanciae, in dominica Judica, anno domini millesimo quadringentesimo quinto decimo, regnorum nostrorum anno Hungariae et cetera vicesimo octavo, Romanorum vero quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 652, 1-3 auf S. 653.^{^}
[S. 652]
1) Vorlage: querimonio.^{^}
2) Vorlage: nos.^{^}
3) Vorlage: assignatam.^{^}
4) Vorlage: adiutorii.^{^}
[S. 653]
1) Hierauf: nre [unterpunktet, Abkürzungssstrich über dem Wort].^{^}
2) Vorlage: oblata.^{^}
3) Vorlage: nostro.^{^}